جیون ناٹک
سلطان کھاروی
دھرتی
اک سٹیج اے جس تے
روز نواں اک
ناٹک ہووے
ساڈا جیون وی
اک ناٹک
ساڈی مرگ دا میلا ناٹک
ساڈا ہونا رونا ناٹک
مرنا اُٹھ کھلونا ناٹک
پُھل تے کنڈے
دوویں ناٹک
نیڑے جے توں ہوویں
ناٹک
یار وصال وچھوڑے ناٹک
ہور وی نہیں تھوڑے ناٹک
سچ سمے دا کُور وی ناٹک
پیراں دی ایہہ دھوڑ وی ناٹک
کیہ تینوں سمجھاواں ناٹک
بندہ تے پرچھاواں ناٹک
Users Today : 137
Users Yesterday : 626
Total Users : 735045
Views Today : 364
Total views : 11634966
Who's Online : 1
