نعت شریف

عبدالحمید نظامی

جدوں وی اوکھے ویلے دل نے پڑھیا یارسول اللہ
کدے وی کم نہ میرا کوئی اڑیا یارسول اللہ
میں گھبرا کے زمانے توں لیا نامِ محمد جد
دل میرا اوسے ویلے ہے ٹھریا یارسول اللہ
ولی اللہ دے بن گئے نے مثالاں ویکھیاں لکھاں
تیرا پلہ جناں لوکاں نے پھڑیا یارسول اللہ
تساں دے نور تھیں آقاۖ میرا سینہ ہویا روشن
تیرے ناں دا نگینہ دل تے جڑیا یارسول اللہ
مینوں رحمت خدا دی نے نظامی گھیر لیا فورن
مدینے پاک دی جد حد میں وڑیا یارسول اللہ