اک ماں دا ہاڑا

ساحل اعوان

دن کٹ لاں گے رُکھی سُکی کھا کے
دور جانویں نہ توں مُکھ پرتا کے
روواں چم چم پترا میں کھیس نوں
کدے جانویں نہ توں پت پردیس نوں
کر سنجا نہ پترا توں ویہڑے نوں
رکھیں سامنے پترا توں چہرے نوں
پلے بنھ رکھیں میری گل ایس نوں
کدے جانویں نہ توں پت پردیس نوں
رکھیں چیتے توں اکھیاں دی لوڑ نوں
پورا کرے نہ پیسہ ایس تھوڑ نوں
کدے بھُلیں نہ ماں دے ہاڑے ایس نوں
کدے جانویں نہ توں پت پردیس نوں
اک دن پت میں ٹر جانا ایں
ڈھیراں مٹیاں دے ہیٹھ پت لانا ایں
پھیر ترسیں پت چہرے ایس نوں
کدے جانویں نہ توں پت پردیس نوں
چیتے رکھیں پت میرے اک ہاڑے نوں
بھل بھویں نہ ساحل اس کارے نوں
توں بھلیں نہ پتا گل ایس نوں
کدے جانویں نہ توں پت پردیس نوں