جے من دا بھانڈا تڑکے
ساحل اعوان
بیلی جگ تے اوکھے لبھدے
نئیں لبھدے گلیاں پھر کے
نسبت نال ای چھاواں دیون
پت وکھ ہوندے ٹہنیوں کر کے
ہریا بھریا میوے دیوے
سک بھالن بندا جے چر کے
بندیا تیرا کجھ نہیں بچنا
جد پیر پوڑھیوں تھڑکے
دل دی من کے ٹردا رہو
نئیں کجھ وی لبھدا بھڑ کے
ایویں مول نہ دل تے لاویں
جے مت دین لئی کوئی جھڑکے
تبکا تبکا رسدا ساحل
جے من دا بھانڈا تڑکے
Users Today : 553
Users Yesterday : 637
Total Users : 728011
Views Today : 2414
Total views : 11606227
Who's Online : 6
