غزل

تنویر بخاری

جو کجھ کر سکدا ساں قسمیں! دلوں بجانوں کردا رہیا واں
ویلھیاں رہن دی عادت نہیں سی’ پل پل جیندا مردا رہیا واں
جیون پینڈا’ بارش وچ جوں کچیاں چکڑ بھریاں گلیاں
جگ دی تلکن کولوں ڈر دا پیر ٹکا کے دھردا رہیا واں
سیون اپ دی بوتل وانگوں کھا جاندی سرکار اُبالا
جھوٹھیاں وانگوں اوہدے ساہنویں سچ آکھن توں ڈردا رہیا واں
میرا وزن جے ہندا کوئی’ ڈب نہ جاندا میں ہن تیکر
جین سمندرے ہولا ہو کے تیلے وانگوں تردا رہیا واں
تھیڈے کھا کھا بھکھ نہیں رجی’ پیاس مری نہیں ہنجو پی پی
پوری ہو گئی اون بخاری! لکھ لکھ کاغذ بھردا رہیا واں