غزل

تحسین اختر

وکھری جہی اک تھاں ہووے تے مل کے رہیے دوویں
دل نال دل نوں لائیے تے دلاں دی کہیے دوویں
رب جانے کیوں وکھرا کیتا سانوں اس دنیا نیں
پیار دے وچ اک ہو کے اپنی دنیا وسائیے دوویں
کوئی نہ کسے دا دردی بندا اسیں اپنی آپ مکائیے
کسے نوں دل دی کیہ کہنی اک دوجے نوں کہیے دوویں
اسیں کلیاں کلیاں رہ کے اپنی جند نمانی رولی
ہن اک دوجے دا ساتھی بن کے وقت لنگھائیے دوویں
تحسین تے عشق دی بھکھی اے بس تینوں تکدی رہندی
آ پیار دی پینگھ تے چڑھ کے تے اسمانیں جائیے دوویں