غزل

تنویر بخاری

پیار’ عقیدت’ ریجھاں’ سُفنے’ شعر ادب فن پارے
اپنے آپ نوں ورچاون دے ہین بہانے سارے
مذہب کولوں نسنا ایں پر ایہہ گل چیتے رکھیں !
بے دینی دے کول نہیں ہُندے ایڈے صدق سہارے
ناچی عمر دی چنچل مٹی نچدی ساہ نہیں لیندی
جوں آن وچھا دیندا اے پیراں ہیٹھ انگارے
کیہہ اے جیکر سر میرے تے بھار’ پربت جیڈا
سن گٹھڑی دے نچ اُٹھاں میں جے اوہ سینتر مارے
دنیا نال ٹرن دی اوہنوں جاچ جو اُکا نہیں سی
شعر آکھن بن ہور کیہ کرنا سی تنویر وچارے