غزل

بیرا جی

فیر وی نہ اوہ منیا اوس ول سارے گئے آں
جتے ہوئے الیکشن وچ وی ہارے گئے آں
تگڑے ماڑے نوٹاں پچھے پاگل ہوئے
سمجھ نہیں آوندی لگ ہن کہڑے آہرے گئے آں
غیر دیاں کیہ اپنیاں نظراں کھا گئیاں سانوں
انج تے مرچاں نال ہر چلھ توں وارے گئے آں
چندیاںنال ڈھڈ بھر بھر ہن تنظیماں سوچن
کہڑے ماں بولی لئی کر کے کارے گئے آں
کوئی مخلص ہمدرد نہ پنجابی بولی دا
دنیا دی ہر نکر لا لا نعرے گئے آں
پنجابی املا اوکھی توں اوکھی ہوئی
سوجھواناں نال بالاں ہتھوں چارے گئے آں
ہن کوئی دوش پنجاب وچ کسے نوں دے نہیں سکدا
سارے رسماں فیشناں اُتوں وارے گئے آں
سونامی جہے ہڑھ دے پاروں کوئی نہ بچیا
پر موسم دیاں لہراں پاروں تارے گئے آں
مل سکدی اے منزل پنجابی املا دی
کجھ بیراجی بختاں پاروں مارے گئے آں