غزل
عظمت نصیب
ِسلا چو واں تڑ تڑ کرناں
سجناں نال وی بڑ بڑ کرناں
ڈریا واں میں پیار ہڑاں توں
تھل دے وچ وی ہڑھ ہڑھ کرناں
تھاں تھاں پاٹا ُٹٹیا در واں
پون وگے تے کھڑ کھڑ کرناں
روز میں شام شراب دے اندر
برف دے وانگوں کڑ کڑ کرناں
بھرم کوئی رکھنا سوکھا تے نئیں
سیت چلم تے گڑ گڑ کرناں
جاگ نئیں سکدے نصیب نیں ُستے
خالی گھر وچ دڑ دڑ کرناں
Users Today : 300
Users Yesterday : 666
Total Users : 734582
Views Today : 1400
Total views : 11632688
Who's Online : 5
