غزل
بشیراحمدبشیر
اکھاں دے وچ اوہ تصویر خیالی اے
جس دا اک اک نقش بشیر مثالی اے
باہروں دنیا رنگ برنگی ہری بھری
جھاتی پائو وچوں بھانڈا خالی اے
چڑیاں طوطے کاں سب ٹھونگی جاندے نیں
پُچھئے تاں سہی کون اس باغ دا مالی اے
دُنیا دے وچ اوس نشانی چھڈی کیہہ
جس دی دُنیا توا پرات کنالی اے
توبہ توبہ اُس دا گلہ بشیر کراں
ڈر لگ دا اے اُس دی شان جلالی اے
Users Today : 285
Users Yesterday : 666
Total Users : 734567
Views Today : 1326
Total views : 11632614
Who's Online : 2
