پیر ساڈے لج پال

عبدالحمید نظامی

پیر اساڈے ویکھو کیڈے لج پال نیں
غوث دے خزانے نال ویکھ مالا مال نیں
پیراں دی تے شان دا نہ پتہ تینوں انھیا
خبرے توں کرماں والے کہڑے وار جمیا
اولاد علیؑ نیں ایہہ تے نبی ﷺ جی دی آل نیں
غوث دے خزانے نال ویکھ مالا مال نیں
پیر تے خدا دے نال رشتہ چا جوڑ دا !
لیکھاں دا لکھیا ایہہ تاں پل وچ موڑ دا !
بھانویں مُرید جتھے رہندے ایہہ نال نیں
غوثؓ دے خزانے نال ویکھ مالا مال نیں
منکر ائوے تیرے اُتے لعنت خدا دی
چل دی اے بیڑی تیری بنا نا خدا دی
ڈب جاناں توں وی نالے ڈبنے خیال نیں
غوثؓ دے خزانے نال ویکھ مالا مال نیں
اک وار ایہناں دے قدماں چ آکے ویکھ
پیراں دیاں تلیاں چ اکھیاں نوں لاکے ویکھ
مزا جد آونا تینوں لنگھ جانے سال نیں
غوثؓ دے خزانے نال ویکھ مالا مال نیں
آوے نظامیؔ جے سینے نال لائوندے نیں
اکھاں وچ اکھاں پا کے دید پلاوندے نیں
لُکیاں نصیباں دی ایہہ کر لیندے بھال نیں
غوثؓ دے خزانے نال ویکھ مالا مال نیں