غزل

گورچرن کوچر

کِویں پُھل ٹہکن ہواواں نہ آئِیاں
کہ جُھولے جُھلاون نوں ماواں نہ آئیاں
سُگندھی لیاون جو گئیاں سویرے
ہوئی شام پر اوہ ہواواں نہ آئِیاں
اوہ بوتل چوں دُدھ پی کے فِر سوں گئے نیں
اجے دفتروں پرت ماواں نہ آئِیاں
اوہ آئوندا نہ سُپنے چ تاں ایہہ سزا سی
اوہنوں دینیاں پر سزاواں نہ آئِیاں
نہیں بھیجیاں میرے دُشمن نے چِٹھیاں
لفافے چ لُکیاں بلاواں نہ آئِیاں
بہت ترلے کیتے میری تیہہ نے کوچر
سی وسنا جیہناں اوہ گھٹاواں نہ آئیاں