کفر دا نظام چل سکدا اے پر ظلم دا نہیں

جے اقوام متحدہ نہیں تے فیر او آئی سی اپنی امن فوج تیار کرے تے فلسطینیاں دی حفاظت لئی اوتھے اتار دیوے

جیزان اعظم ڈار

مسجد اقصیٰ دی دیوار اُتے لکھیا اے جس قوم دے رہنما حضرت محمدؐ ہون اوہ کدی ہتھیار نہیں پاندیاں۔ ایہہ شیراں دی زمین اے جس نوں فلسطین کہندے نیں ایہہ بنجر ہو کے وی بزدل پیدا نہیں کردی۔ دشمن اسلام نال دوستی منع اے۔ قرآن پاک سانوں واضح طور اُتے اشارہ دے رہیا اے اے لوکو! جیہڑا ایمان لیائے او! یہودیاں تے عیسائیاں نوں اپنا رفیق نہ بنائو، ایہہ آپس ای وچ اک دوجے دے رفیق نیں تے جے تہاڈے وچوں کوئی ایہناں نوں اپنا رفیق بناندا اے تے ایس دا شمار وی فیر ایہناں ای وچ اے۔ یقینا اللہ ظالماں نوں اپنی رہنمائی توں محروم کر دیندا اے ایس نال سانوں ظاہر ایہہ ہوندا اے ایس وچ یہود تے انصاریٰ نال مواصلات و محبت دا رشتہ قائم کرن توں منع کیتا گیا اے جیہڑا اسلام دے تے مسلماناں دے دشمن نیں تے ایس اُتے اینی سخت وعید بیان فرمائیاں گئیاں جیہڑا ایہناں نال دوستی رکھے گا ایہناں وچوں سمجھیا جائے گا ہن ایہہ ساڈے لئی امتحان دی گھڑی اے کہ اسیں کیہڑا رستہ اختیار کرنے آں۔
اسلاموفوبیا دا وائرس مغربی ملکاں وچ تیزی نال ودھ رہیا اے ایہہ کرونا وائرس جہیا ای خطرناک اے فلسطینیاں اُتے حملے مسلماناں نہیں بلکہ انسانیت اُتے حملے نیں۔ ایہہ فلسطینیاں اُتے ظلم و ستم اے۔ ساری امت مسلمہ مشکل وقت وچ اپنے بھراواں تے بھیناں، بالاں دے نال اے، اسیں پوری دنیا تے مسلم دنیا وچ ایس مسئلے نوں اٹھاواں گے تے بیت المقدس دی حرمت دا دفاع جاری رکھاں گے۔ فلسطینی کاز ساڈے ایجنڈے وچ سرفہرست اے مسجد اقصیٰ اُتے جاری ظالم دہشت گرد دریافت اسرائیل بے گناہ مسلماناں اُتے وحشیانہ تشدد کر رہی اے مسجد اقصیٰ ولوں ودھے ہوئے اسرائیلی ہتھاں نوں اسیں روکاں گے جد کہ دین تے گھراں دا دفاع کرن والیاں فلسطینیاں اُتے ظلم دے پہاڑ توڑ ہی اے جیہڑا وی اسرائیلی مظالم دے خلاف اواز نہیں اٹھا رہیا یا کھل کے ایس اُتے بیان دین توں کترا رہیا اے اوہ ایس جرم تے ظلم وچ برابر دا شریک ہوئے گا۔ اسرائیل نے فلسطینیاں اُتے ظلم دی انتہا کر دتی اے فضائی حملے تے بمباری دے دوران فلسطینیاں نوں بالاں سنے حماس دا کمانڈر وی شہید کر دتا گیا اے۔ شہید دی جیہڑی موت اے اوہ قوم دی حیات اے، شہیداں دی مسکراہٹ ایہہ دس رہی سی کہ اوہناں نے جس مقصد لئی اپنی جان دا نذرانہ پیش کیتا اوہ مقصد ضرور حاصل ہوئے گا۔
دوجے پاسے فلسطینیاں نے اسرائیلی مظالم دے اگے گھٹنے ٹیکن توں انکار کر دتا اے۔ اسرائیلی قابض فورسز اُتے خوب پتھرائو وی کیتا تے آخری دم تیکر قبلہ اول دے تحفظ دا اعلان وی کیتا اے۔ دہشت گرد اسرائیلیاں نے خواتین نوں وی نہ بخشیا بے دردی نال گرفتار کیتا۔ بہادر فلسطینی کُڑی ہتھکڑیاں لگدے ہوئے مسکراندی رہی ایتھوں تیکر کہ فلسطینیاں توں نیند وی کھوہ لئی گئی اے اوہ مریض بن گئے نیں تے ہن بس دوائیاں دے سہارے زندہ نیں۔ پوری دنیا خاص طور تے اسلامی ملکاں نال ایہہ مطالبہ وی کرنا واں کہ اوہ فلسطینیاں، مسجد اقصیٰ تے القدس وچ جاری اسرائیلی مظالم دے خلاف نہ صرف اواز چُکن بلکہ فوری کاروائی وی کرن تے سانوں ایہہ نہیں بھلنا چہایدا کہ القدس کل کائنات تے ایتھے وسن والے مسلمان کل انسانیت نیں۔ بیت المقدس ، مسلماناں دے نال نال مسیحیاں تے یہودیاں لئی وی مقدس مقام اے جتھے اسرائیل نامی دہشت گرد ریاست نے انسانیت سوزی دی ساری حداں پار کر لئیاں نیں ساری امت مسلمان القدس وچ ظلم دا شکار اپنے مسلمان بھین بھراواں دے نال کھڑا سی، کھڑا اے تے کھڑا رہوے گا۔کیہ بی بی سی سنے عالمی میڈیا دیاں اکھاں دے ساہمنے ایہہ بمباری تے اک سو ودھ فلسطینیاں دی شہادت جنگی جرائم دے زمرے وچ نہیں آندی؟ اسرائیل اپنے دفاع دے ناں اُتے نہتی عورتاں تے بچیاں دی جاناں لے رہیا اے تے اسیں صرف مذمت کر رہے آں۔ یاد رکھو جیہڑی تباہی اج غزہ وچ ہو رہی اے، اسرائیلی فوج ٹینک غزہ بارڈر ول منتقل کر رہی اے فضائی تے زمینی حملیاں دے بعد غزہ نوں زمینی حملے دا نشانہ بنائے جان دا خطرہ ودھ گیا اے جے ایہہ لڑائی مزید ودھے گی تے ایس دے نتیجے بڑے خطرناک ہون گے۔
جے اقوام متحدہ فلسطین وچ اپنی امن فوج دے دستے گھلن اُتے تیار نہیں تے او آئی سی اپنی امن فوج تیار کرے تے فلسطینیاں دی حفاظت لئی اوتھے اتار دیوے، ہن سر اُتے کجھ کفن بنھ لینے پین گے، محفل تقریراں نال کم نہیں بنے گا۔ عملی اقدام چُکنے ہون گے۔ پاکستان، ترکی، سعودی عرب ، امریکہ ، برطانیہ تے دیگر ملکاں وچ فلسطینیاں دے حق وچ مظاہرے وی کیتے جا رہے نیں سارے متعلقہ بین الاقوامی تنظیماں اقوام متحدہ تے خاص طور تے اسلامی تعاون دی تنظیم نوں متحرک کرن لئی اقدامات شروع کر دینے چاہیدے نیں سانوں اقوام عالم نال مطالبہ کرنا ہوئے گا کہ اوہ بلاامتیاز اسرائیلی جارحیت دے خلاف متحد ہو جان تے سارے عالمی اسلام نوں فی الفور فلسطین دی اخلاقی تے مالی ممکنہ مدد فراہم کیتی جائے فیر سارے مسلم ملکاں دی مشترکہ حکمت عملی ایہہ ہونی چاہیدی اے کہ او آئی سی دا وزارتی اجلاس جلدی بلایا جائے تے 57 مسلم ملکاں نوں یکجا کر کے مسئلہ فلسطین نوں اقوام متحدہ دی جنرل اسمبلی وچ لے جایا جائے تے اوتھے فلسطین تے مسئلہ کشمیر نوں بھرپور طریقے نال اجاگر کیتا جا سکے۔