آؤ اچار پایئے تے پیار ودھایئے

حاجی عارف

اچار دیاں شئے واں : Ingrediens
سرسوں \ سروں دا تیل 2 کلو
دیسی \ کھٹی امبی 1 کلو
لہسوڑے 1 کلو
ہری مرچ 1 پاء
سونف 1 کپ
سابت دھنیا 1 کپ
میتھی دانہ 1/2 کپ
کلونجی 1/2 کپ
رائی 1/2 کپ
زیرہ 3 چمچ
لال مرچ + لون + ہلدی + تہاڈی پسند دا
امبیاں :
نوں سابت ہی دھون توں بعد اپنے دل پسند سائز وچ کٹ کے لون مل کے تن چار گھنٹے لئی دھپ تے رکھ دیو ۔ انج انہاں دا پانی خشک تے وچ لون جزب ہو جاندا اے ۔ جس نال ایہہ محفوظ رہندی اے ۔
لہسوڑا :
ایہہ اک بہت نازک چیز اے جس نوں ابالن وچ بہت احتیاط دی لوڑ ہوندی اے ۔ اک ادھے ابال نال یا بس ابلے پانی وچ کجھ دیر رکھن نال وی تیار ہو جاندا اے ۔ کجھ نرم ہون توں بعد اس نوں گرم پانی توں وکھ کر لینا تے انہاں تے لگا اوپرلا پانی سوکھا لینا چاہیدا اے ۔
چھولے :
ایہہ پانی وچ ہلکا جیہا نمک پا کے ابال لؤ ۔ اجے ماڑی جہی جان وچ ہون تے گرم پانی توں وکھ کر کے باہر دی نمی سوکھا لؤ ۔
ہدایات : Instructions
1 . اچار بناندے ویلے صفائی دا خاص خیال رکھنا بہوں ضروری اے ۔ بعضے لوکاں دا اچار خراب ہو جاندا اے ۔ صحیح طریقے دا علم نہ ہون دے کارن لوکی گھراں وچ اچار پان توں ڈردے ہن تے جنہاں نوں ول آندا اے اوہ ہر سال گھر وچ بناندے ہن ۔ ہتھاں نوں اتے تک دھو لینا چاہیدا اے ۔
2 . ایہہ یاد رکھو لوہے سٹیل یا کسے وی دھاتی برتن وچ اچار نہیں پیندا کیونکہ اچار وچ موجود تیل ، نمک ، نیبو ، مرچ مصالہ جات جہڑے کہ اک محفوظ مرکب تیار کرن لئی پائے جاندے ہن ایہہ لوہے یا دھات نال مل کے اپنا تیزابی عمل شروع کر لیندے ہن جہڑا کہ اتنا تیز ہوندا اے کہ اس لوہے تے دھات نوں وی گال دیندا اے تے اس دا استعمال انسانی صحت لئی انتہائی خظرناک ہوندا اے ۔
3 . ساریاں دھون دے بعد سوکھائیاں گیاں چیزاں نوں کوشش کرو ہتھ لائے بغیر وڈے چمچے یا پلیٹ وغیرہ نال mix رلاو ۔
ترکیب \ Recipe
ہک کھلے بھانڈے وچ پہلے سوکھیاں امبیاں اتے کجھ نمک ، ہلدی تے تیل مل کجھ دیر لئی رکھ لئو ( بعض اوقات لوک دو تن دن وی رکھدے ہن ) تے اونج تن چار گھنٹے وی کافی ہوندے ہن ۔ اس توں بعد اس وچ سارے لہسوڑے ، مصالے ، چھولے پا کے اتنا تیل پاؤ کہ ہر شئے تیل وچ ڈب جاوئے تے بھانڈے نوں باہروں پھڑ کے ہی ہولا جہا ہلا لؤ ۔
جلدی تیار کرن واسطے تن چار دن اس اچار نوں دھپ تے رکھو جہڑا کہ دس دن دے وچ کھان لائق ہو جاندا اے ۔
پڑھن ہاروں !!
اچار تے پنجابیاں دا ہن انج دا ساتھ اے کہ اسیں اس نوں آپس وچ اک دوجے نوں دے کے خوشیاں تے پیار ونڈدے ہیں حتہ کہ ایہہ ہن ساڈا روایتی کھاج بن گیا اے ۔