دل دریا پاکستان رجسٹرڈ دے آہر نال ٹھٹھہ عالیہ منڈی بہاء الدین وچ دُوجی محفلِ مسالمہ

رپورٹ: اویس باسل

پنجابی زبان ، ادب تے رہتل دے ودھا لئی کم کرن والی تنظیم دل دریا پاکستان رجسٹرڈ دے آہر نال دوجی ورہے وار محفلِ مسالمہ ٹھٹھہ عالیہ منڈی بہاءالدین وچ ہوئی۔اکٹھ دا پربند تنظیم دے سینئر نائب صدر عمران سہیل ہوراں اپنے ڈیرے تے کیتا۔اکٹھ دی پردھانی مہان شاعر محمد حنیف ساقی ہوراں کیتی۔

اچیچے پروہنیاں وچ سیف اللہ حیدر، ریاض ارمان، طاہر ہاشمی، کرنل حسنات سوہی، منیر چشتی کنجاہی،مقصود یاور تے ارشد مخلص ہوراں دے ناں شامل سن۔ایس توں وکھ مان جوگ شعراء وچ نعیم رضا بھٹی، مرزا سیف اللہ ساجد، غلام حسین گل، رائے ضیغم عباس،عامر حسین عامر ناصر حیات صحرائی عمران سہیل، علی احمد گجراتی تے احسن سرور ہوراں دے ناں شامل سن۔ اکٹھ دا ٹورا قران پاک دی تلاوت نال ٹوریا گیا۔ شعراء نے اپنے کلام راہیں امام حسینؑ دی بارگاہ وچ ہدیہ عقیدت پیش کیتا تے امام حسینؑ نال اپنی محبت دا بھراواں اظہار کیتا۔علی احمد گجراتی ہوراں پروگرام دی نقابت کیتی۔ پروگرام دے آخر تے پروہنیاں نوں رات دا کھانا پیش کیتاگیا۔