وزیر اعلی پنجاب ٹیلنٹ پروگرام2021-22 سیزن2

پنجاب کونسل آف دی آرٹس سرگودھا ڈویژن محکمہ اطلاعات و ثقافت

تحریر کردہ: عدنان خالق بھٹی

کسے وی ملک تے قوم لئی سب توں قیمتی سرمایہ اوہدی نوجوان نسل ہوندی اے جہدے جذبے تے لگن پاروں اوہدے اتے مستقبل دی ذمہ واریاں پائی جاندیاں نیں۔ لوڑ ایس امر دی اے کہ نوجوان ملک دی تخلیقی سوچ‘ طرزعمل تے صلاحیتاں نوں اجاگرکرن دے برابر موقعے پیدا کیتے جان تے ایس سرمایہ توں ان گنت فیدا حاصل ہووے جہڑا کہ کسے وی ملک دی ثقافتی پہچان دا موجب بندے نیں۔ موجودہ دور حکومت وچ وزیراعظم اسلامی جمہوریہ پاکستان عمران خان دی نوجوان نسل نال بے پناہ محبت تے وزیراعلیٰ پنجاب سردار عثمان بزدار دے وژن دے مطابق صوبہ بھر وچ فن و ثقافت تے نوجواناں وچ تخلیقی صلاحیتاں نوں اجاگر کرن لئی صوبائی وزیر برائے ثقافت خیال احمد کاسترودی زیر سرپرستی تے پنجاب کونسل آف دی آرٹس دی ڈائریکٹر جنرل ثمن رائے دی
باصلاحیت قیادت وچ سالانہ ترقیاتی سکیم پنجاب ٹیلنٹ ہنٹ پروگرام سیزن 2دا صوبہ بھر وچ اجرا کیتا گیا۔ جہدا بنیادی مقصد پنجاب دی زرخیز سرزمین توں لعل لبھنا تے تراشنا سی تاں جے اوہناں نوں ٹریننگ دے کے نوجوان نسل وچ ثقافت و فنون لطیفہ دے مکمل انتقال توں مقامی‘ علاقائی تے ملکی معاشرت نوں استحکام تے اعتماد دتا جا سکے تے دنیائے عالم وچ نمایاں مقام حاصل کر کے عوام النا س دی توجہ ایس فیدہ مند انڈسٹری وَل مبذول کروائی جاوے۔ ایس سلسلے وچ پنجاب بھر دی ساری ڈویژناں وچ ٹیلنٹ ہنٹ پروگرام سیزن 2جہڑا پاکستان دی 75ویں سالگرہ نوں ڈائمنڈ جوبلی مناندے ہوئے پاکستان دے ثقافتی رنگ تے نیشنل ایکشن پلان دی ہدایات دے چانن وچ امن‘ برداشت‘ صبر تے ہم آہنگی دا پرچار کردا سی۔ ایس طرح سرگودھا ڈویژن دے سارے اضلاع سرگودھا‘ خوشاب‘ میانوالی تے بھکر تے بعدازاں ڈویژن دی سطح تے پنجاب کونسل آف دی آرٹس دے پربندھ ہیٹھ مقابلہ جات لئی اسسٹنٹ ڈائریکٹر عدنان خالق بھٹی نوں فوکل پرسن بنا دتا گیا جنہاں نے ڈائریکٹر ڈاکٹر ریاض ہمدانی دی قیادت وچ سارے اضلاع وچ رجسٹریشن‘ مقام دا تعین‘ مقابلہ جات دا شیڈول‘ چنگی شہرت دا حامل منصفین دی کمیٹیاں دی تشکیل تے متعلقہ ڈپٹی کمشنراں کولوں توثیق کروان دے نال نال مقابلے منعقد کروائے۔ ایس پروگرام وچ کل 6شعبے رکھے گئے جنہاں وچ موسیقی‘ ادب‘ مصوری‘ دستکاری‘ لوک رقص تے تھیٹر شامل سن۔ مرد‘ خواتین تے خواجہ سرا جہڑے 16 توں 40سال دے سن اوہ شرکت کرسکدے سن جد کہ معذور بندے تے لوک رقص لئی عمر دی کوئی قید نہیں سی۔ واضح رہوے کہ ضلع دی سطح تے ہون والے مقابلہ جات وچ موسیقی‘ ادب‘ مصوری تے دستکاری وچ پہلی‘ دوجی تے تیجی پوزیشن لئی بالترتیب 20ہزار‘ 15ہزار تے 10ہزار جد کہ لوک رقص تے تھیٹر جہڑا کہ گروپ وچ ہونا سی اوہناں لئی 40ہزار‘ 35ہزار تے 30ہزار روپے بشمول مروجہ ٹیکس تک دے انعامات رکھے گئے۔ فیر ڈویژن دی سطح تے منعقدہ مقابلہ جات وچ موسیقی‘ ادب‘ مصوری تے دستکاری وچ ضلع وچ پہلی تن حاصل کردہ پوزیشناں وچ مقابلیاں وچ ڈویژن وچ پہلی تن پوزیشن لین والیاں لئی 25ہزار‘ 20ہزار تے 15 ہزار روپے جد کہ لوک رقص تے تھیٹر لئی 60 ہزار روپے پہلی‘ 50ہزار روپے دوجی‘ 40ہزار روپے تیجی پوزیشن لئی مختص کیتے گئے۔ سرگودھا ڈویژن میدانی‘ پہاڑی تے صحرائی زمین اتے مشتمل وکھری وکھری پہچان تے ثقافت دی حامل اے جہڑی ایس خطے دی کلچر دے حوالے نال متنوع تے گہراپن دا واضح ثبوت اے۔ایسے لئی ایتھے منعقد کروائے جان والے پروگرام اپنی نوعیت وچ یکسر مختلف نظر آندے نیں۔ ایس سرزمین نے جہڑا نام دنیا نوں دتے اوہدی کوئی مثال نہیں جنہاں وچ سرفہرست موجودہ وزیراعظم اسلامی جمہوریہ پاکستان عمران خان نیں جنہاں دی ملکی تے غیر ملکی سطح تے پذیرائی تا وقت جاری اے۔ جہڑا پاکستان لئی نہایت فخر دی گل تے لمحہ اے تے ایہہ کامیابی دی کہانی پاکستان دے ہر نوجوان دی ہونی چاہیدی اے کہ کیہڑی کیہڑی مشکلاں نال حوصلے نال نبردآزما ہو کے دنیا دے نقشے تے خود دا تے ملک دا ناں کیویں روشن کیتا جا سکدا اے تے اپنی دھاک بٹھان دی اصل جستجو تے لگن کیہ ہوندی اے جہدے لئی وزیراعظم دی شخصیت ساریاں لئی مشعل راہ اے تے آئندہ آن والی نسلاں اپنے ایس رہنما نوں یاد رکھے گی۔
مقابلیاں دا آغاز سرگودھا دے ضلع توں ہویا تے 24جنوری 2022نوں وزیراعلیٰ پنجاب ٹیلنٹ ہنٹ پروگرام 2022سیزن 2دے ضلع سرگودھا دے سطح دے مقابلے پنجاب کونسل آف دی آرٹس سرگودھا ڈویژن دے پربند ہیٹھ منعقد ہوئے۔ اوہناں وچ موسیقی‘ ادب‘ مصوری‘ دستکاری‘ لوک رقص تے تھیٹر دے مقابلے شامل سن۔ کمشنر سرگودھا ڈویژن نبیل جاوید بطور مہمان خصوصی کونسل دا دورہ کردے ہوئے مقابلہ جات نوں ویکھیا۔ اوہناں نے آکھیا کہ تخلیقی امور یقینی طور تے صحتمند معاشرے نوں جنم دیندے نیں تے زندہ دل قوم دی واضح پہچان بندے نیں۔موجودہ حکومت نوجوان نسل اتے مکمل توجہ مرکوز کیتے ہوئے اے تے اگے ودھن دے یکساں مواقع دے رہی اے۔ لوڑ ایس امر دی اے کہ اوہناں توں بھرویں طریقے نال استفادہ کیتا جاوے۔ اوہناں نے مقابلہ جات وچ دیہی رہن سہن دی عکاسی کردے ماڈل نوں تے کونسل دی کاوشاں نوں سراہیا تے شاباش دیندے ہوئے حوصلہ افزائی کیتی۔ ڈائریکٹر آرٹس کونسل ڈاکٹر ریاض ہمدانی تے فوکل پرسن ٹیلنٹ ہنٹ پروگرام 2022اسسٹنٹ ڈائریکٹر عدنان خالق بھٹی نے مقابلہ جات ترتیب دین تے پروگرام دے متعلق بریف کیتا۔ مقابلہ جات وچ متعلقہ شعبیاں توں ماہرین تے منصفین نے اپنا کردار ادا کیتا۔ نتیجے دے مطابق کیٹیگری موسیقی وچ محمد فصیح شاہ نے پہلی‘ ساون علی نے دوجی تے محمد عرفان نے تیجی پوزیشن لیتی تے کیٹیگری ادب وچ انعام اللہ نے پہلی‘ ام حبیبہ نے دوجی تے مدثر سلیم نے تیجی پوزیشن لیتی جد کہ کیٹیگری دستکاری وچ محمد عمیس نے اول‘ ارسہ نے دوجی تے واجد علی نے تیجی پوزیشن حاصل کیتی۔ ایسے طرح مصوری وچ منصب دار نے پہلی‘ تسمیہ عارف نے دوجی تے ایمن سعید نے تیجی پوزیشن لیتی۔ لوک رقص دی کیٹیگری وچ خصوصی بالاں دی ٹیم دی رنگا رنگ پرفارمنس تے اوہناں نوں پہلی‘ گل محمد جھال چکیاں نے دوجی تے حاجی عقیل گروپ نوں تیجی پوزیشن ملی۔ چھیویں کیٹیگری تھیٹر وچ نوٹنکی گروپ (میں مجرم ہوں) نے پہلی‘ ماس کام سرگودھا یونیورسٹی (اے طائر لاہوتی) نے دوجی تے فرینڈز (ڈیتھ اسکٹ) نے تیجی پوزیشن لیتی۔ نوجواناں دی کثیر تعداد نے رلت کیتی۔ تے اوہناں دا جوش ولولہ دیدنی سی جہنوں ساریاں نے سراہیا۔ ایس موقعے تے آرٹس کونسل دے افسراں اسسٹنٹ ڈائریکٹر ز محمد خان ہرگن‘ ثاقب علی رضا سنے ضلع دے معززین دے علاوہ دوجے اہلکار موجود سن تے ایہہ سلسلہ دوجے اضلاع ول گامزن ہو پیا تے اگلا پڑائو ضلع خوشاب وچ سی جہڑا سرسبز پہاڑی سلسلے تے جھیلاں اتے محیط دلکش علاقہ اے۔
27جنوری 2022پنجاب کونسل آف دی آرٹس سرگودھا ڈویژن دے پربندھ ہیٹھ گورنمنٹ پوسٹ گریجویٹ کالج جوہر آباد وچ سال 2021-22دے پنجاب ٹیلنٹ ہنٹ پروگرام داپربندھ ہویا۔ پروگرام دے مہمان خصوصی رکن صوبائی اسمبلی پنجاب محترمہ ساجدہ آہیر تے ڈپٹی کمشنر خوشاب محمد حمزہ سالک سن۔ ایم پی اے ساجدہ آہیر نے تقریب نال خطاب کردے ہوئے آکھیا کہ ساڈے ضلع خوشاب وچ ٹیلنٹ ہنٹ دی کمی نہیں اے۔ اوہناں دا آکھنا سی کہ تعلیمی تے دوجے شعبہ ہائے زندگی نال تعلق رکھن والے بندیاں نے ایس پروگرام وچ رلت کیتی تے بغیر کسے ٹریننگ حاصل کرن دے اوہناں بندیاں دی شاندار کارکردگی سامنے آئی اے۔ اوہناں نے آکھیا کہ ایس پروگرام دا سارا سہرا وزیراعظم پاکستان تے وزیراعلیٰ پنجاب سردار عثمان بزدار دے سر جاندا اے جنہاں نے ایہہ پروگرام کروا کے ملک پاکستان وچ لکے ہوئے کرداراں نوں سامنے لیان دی کوشش کیتی اے۔ ڈپٹی کمشنر خوشاب محمد حمزہ سالک نے خطاب کردے ہوئے آکھیا کہ ضلع خوشاب وچ میری مختصر پوسٹنگ دے دوران ضلع خوشاب دے شہری تے دیہاتی علاقیاں وچ بہترین ٹیلنٹ سامنے آیا اے جنہاں نوں اگے صوبائی سطح اتے لے جانا ضلع خوشاب لئی بہت وڈا عزاز ہووے گا۔ اوہناں نے آکھیا کہ ایہناں ابھردے ہوئے ٹیلنٹ نوں ہور نکھارن لئی ضلع خوشاب وچ پنجاب آرٹس کونسل دا سیٹ اپ ہونا بہت ضروری اے۔ قبل ازیں ڈائریکٹر آرٹس کونسل سرگودھا ڈاکٹر ریاض احمد ہمدانی نے استقبالیہ خطبہ پیش کیتا تے مہماناں دی آمدتے ضلعی انتظامیہ ولوں ایس پروگرام دے کامیاب انعقاد نوں سراہا۔ ایم پی اے ساجدہ آہیر تے ڈپٹی کمشنر محمد حمزہ سالک نے ڈسٹرکٹ انڈسٹریل ہوم‘ مختلف شعبہ ہائے زندگی نال تعلق رکھن والے بندے تے سکول تے کالجاں دی کڑیاں تے منڈیاں تے دوجے افراد ولوں موسیقی‘ فائن آرٹس‘ تخلیقی ادب‘ دستکاری تے دوجے ثقافتی پروگراماں دے مقابلہ جات نوں ویکھیا تے اوہناں دی کارکردگی نوں سراہیا۔ مقابلیاں دے حتمی نتیجیاں دے مطابق موسیقی وچ دلدار عباس نے پہلی‘ مبارک علی نے دوجی تے عظیم مسیح نے تیجی پوزیشن تے مصوری وچ ساجد عمران نے پہلی‘ فرحت عباس نے دوم تے مقدس فاطمہ نے تیجی پوزیشن لیتی۔ ایسے طرح ادب وچ حسیب الحسن نے پہلی ‘ محمد الیاس نے دوجی تے شاہانہ اعجاز نے تیجی جد کہ دستکاری وچ ثریا فاطمہ نے پہلی‘ بشریٰ امیر نے دوجی تے عائشہ گلزار نے تیجی پوزیشن لیتی تے لوک رقص وچ غلام عباس ڈھولی ٹیم نے پہلی‘ وڑچھہ گروپ نے دوجی تے اسپائر کالج نے تیسری پوزیشن لیتی تے تھیٹر وچ کلچرل گروپ نے پہلی‘ رموز ٹیم نے دوجی تے ڈگری بوائز ٹیم نے تیجی پوزیشن حاصل کیتی۔ ایس موقع تے فوکل پرسن پنجاب ٹیلنٹ ہنٹ پروگرام اسسٹنٹ ڈائریکٹر عدنان خالق بھٹی‘ ڈپٹی ڈائریکٹر سوشل ویلفیئر امتیاز احمد مانگٹ‘ پرنسپل کالج احمد اقبال ٹوانہ تے دوجے پروفیسرز‘ لیکچررز‘ مختلف محکمیاں دے افسران‘ طالبعلماں دے علاوہ مختلف شعبہ ہائے زندگی نال تعلق رکھن والے بنیدیاں نے کثیر تعداد وچ رلت کیتی۔
31جنوری 2022وزیراعلیٰ پنجاب ٹیلنٹ ہنٹ پروگرام 2022سیزن 2دے تحت وزیراعظم اسلامی جمہوریہ پاکستان عمران خان دے ضلع میانوالی دی سطح دے مقابلے پنجاب کونسل آف دی آرٹس سرگودھا ڈویژن دے پربندھ ہیٹھ یونیورسٹی آف میانوالی ‘ میانوالی وچ منعقد ہوئے۔ ایہناں وچ موسیقی‘ ادب‘ مصوری‘ دستکاری ‘ لوک رقص تے تھیٹر دے مقابلے شامل سن۔ وائس چانسلر یونیورسٹی آف میانوالی پروفیسر ڈاکٹر اسلام اللہ خان نے بطور مہمان خصوصی مقابلہ جات وچ رلت کیتی۔ اوہناں نے نوجوان نسل نوں تخلیقی مقابلہ جات وچ شامل ہون لئی موقعے فراہم کرن تے تے دیہی رہن سہن دی عکاسی نوں تے کونسل دی کاوشاں نوں سراہیا تے شاباش دیندے ہوئے حوصلہ افزائی کیتی۔ ڈائریکٹر آرٹس کونسل ڈاکٹر ریاض احمدہمدانی تے فوکل پرسن ٹیلنٹ ہنٹ پروگرام 2022 اسسٹنٹ ڈائریکٹر عدنان خالق بھٹی نے مقابلہ جات ترتیب دین تے پروگرام توں متعلق بریف کیتا۔ مقابلہ جات وچ متعلقہ شعبیاں توں ماہرین نے بطور منصنفین اپنا کردار ادا کیتا۔ نتیجے دے مطابق ضلعی مقابلہ جات کیٹیگری موسیقی وچ کرامت کنول نے پہلی‘ سعید بھٹی نے دوجی تے تیجی نگاہ فاطمہ تے ادب وچ پہلی پوزیشن صاحبزادہ محمد بلال منظور نے‘ دوجی سدرہ نسیم نے تے تیجی امداد حسین خان ترگوئی نے حاصل کیتی۔ مصوری وچ انعم رضا نے پہلی‘ سجاد فیصل نے دوجی تے علیشاہ بینش نے تیجی جدکہ دستکاری وچ سندس تنویر نے پہلی‘ سمیعہ شفیق نے دوجی تے سعدیہ گل نے تیجی پوزیشن تے لوک رقص وچ سپیشل ایجوکیشن سکول میانوالی دی گرلز نے پہلی‘ امانت گروپ نے دوجی تے دلشاد گروپ نے تیجی تے تھیٹر وچ میانوالی یونیورسٹی دی ٹیم نے ڈرامہ (بیداری)دے نال پہلی‘ پپلاں شہکار نے (بشریٰ کا گھر) عنوان دے نال دوجی جد کہ بھٹی گروپ نے (مالک اور نوکر)پیش کر کے تیجی پوزیشن حاصل کیتی۔ نوجواناں دی کثیر تعداد نے رلت کیتی تے اوہناں دا جوش ولولہ دیدنی سی جہنوں ساریاں نے سراہیا۔ ایس موقعے تے ڈائریکٹر تعلقات عامہ میانوالی تنویر خالد‘ لیکچرار شفعان خالق بھٹی یونیورسٹی دے دوجے افسران‘ آرٹس کونسل دے اسسٹنٹ ڈائریکٹر ثاقب علی رضا سنے ضلع دے معززین دے علاوہ دوجے اہلکار موجود سن۔ میانوالی انتظامیہ ولوں آرٹس کونسل لئی زمین مختص کرن دی پیشکش وی ہوئی جہڑی ایس پروگرام دی کامیابی دا منہ بولدا ثبوت اے تے کونسل دے ثقافتی امور دی ادائیگی نوں تقویت دیندی اے۔
صحرائی علاقے اتے مشتمل بھکر وچ 3فروری 2022وزیراعلیٰ پنجاب ٹیلنٹ منٹ 2022سیزن 2دے ضلع بھکر دی سطح دے مقابلے پنجاب کونسل آف دی آرٹس سرگودھا ڈویژن دے پربندھ ہیٹھ ضلع کونسل ہال بھکر وچ منعقد ہوئے۔ ایہناں وچ موسیقی‘ ادب ‘ مصوری‘ دستکاری‘ لوک رقص تے تھیٹر دے مقابلے شامل سن۔ڈپٹی کمشنر بھکر حامد محمود ملہی نے بطور مہمان خصوصی مقابلہ جات وچ رلت کیتی۔ اوہناں نے نوجوان نسل نوں تخلیقی مقابلہ اجت وچ شامل ہون لئی موقع فراہم کرن تے دیہی رہن سہن دی عکاسی کردے کونسل دی کاوشاں نوں سراہیا تے شاباش دیندے ہوئے حوصلہ افزائی کیتی تے آکھیا کہ بھکر دی عوام لئی ایہہ مقابلہ جات کسے نعمت توں گھٹ نہیں تے ایتھے دی سرزمین تخلیقی سوچ توں نہایت زرخیز اے تے ایہوراہ نوجوان نسل نوں مثبت تے تعمیری کردار ادا کرن وچ ابھاردی اے۔ ڈائریکٹر آرٹس کونسل ڈائریکٹر ریاض ہمدانی تے فوکل پرسن ٹیلنٹ ہنٹ پروگرام 2022اسسٹنٹ ڈائریکٹر عدنان خالق بھٹی نے مقابلہ جات ترتیب دین تے پروگرام توں متعلق بریف کیتیا۔ مقابلہ جات وچ متعلقہ شعبیاں توں ماہرین بطور مصنفین اپنا کردار ادا کیتا۔ نتائج دے مطابق ضلعی مقابلہ جات کیٹیگری موسیقی وچ محمد عرفان نے پہلی‘ قندیل فاطمہ نے دوجی تے تیجی محمد ایاز احمد تے ادب وچ پہلی پوزیشن صاحبزادہ علی عباس نے دوجی رضوان علی خان نے تیجی نورینہ نے حاصل کیتی۔ مصوری وچ محمد ذیشان غفور نے پہلی‘ طیبہ طاہر نے دوجی تے فریحہ انور نے تیجی جد کہ دستکاری وچ مدیحہ سلیم نے پہلی‘ ایمن ہاشمی نے دوجی تے نمرہ عاصم نے تیجی پوزیشن تے لوک رقص وچ گورنمنٹ ایسوسی ایٹ گرلز ڈگری کالج 47ٹی ڈی اے بھکر دے گروپ نے پہلی ‘ شیرگڑھ تھل گروپ نے دوجی تے ربنواز گروپ نے تیجی تے تھیٹر وچ بھکر بوائز دی ٹیم نے ڈرامہ (بے قصور) دے نال پہلی‘ گورنمنٹ گرلز کالج 47 ٹی ڈی اے بھکر گروپ نے (پرامن معاشرہ) دے عنوان دے نال دوجی جد کہ فرحی خان گروپ نے ڈرامہ (جعلی ڈاکٹر) پیش کر کے تیجی پوزیشن حاصل کیتی۔ سارے مقابلہ جات وچ نوجواناں دی کثیر تعداد نے رلت کیتی تے ایہدا جوش ولولہ دیدنی سی جہنوں ساریاں نے سراہیا۔ ایس موقع تے سی او انعام الرحیم‘ منیجر جاب بیورو عدنان جمیل تے انتظامیہ دے دوجے افسران‘ آرٹس کونسل دے اسسٹنٹ ڈائریکٹر ثاقب علی رضا سنے ضلع دے معززین دے علاوہ دوجے اہلکار موجودسن۔ جتن والیاں وچ انعامات تے مقابلہ وچ رلت کرن والیاں وج سنداں وی تقسیم کیتیاں گئیاں۔
15فروری 2022نوں وزیراعلیٰ پنجاب ٹیلنٹ منٹ پروگرام 2022سیزن 2بسلسلہ ڈائمنڈ جوبلی پاکستان دے سرگودھا ڈویژن دے مقابلہ جات پنجاب کونسل آف دی آرٹس سرگودھا ڈویژن دے پربندھ ہیٹھ کونسل وچ منعقد ہوئے جہدے وچ ڈویژن دے چاراں اضلاع سرگودھا‘ خوشاب‘ میانوالی تے بھکر وچ موسیقی‘ ادب ‘ مصوری‘ دستکاری‘ لوک رقص تے تھیٹر دے ضلع دی سطح دے مقابلہ جات وچ پہلی‘ دوجی تے تیجی پوزیشن حاصل کرن والیاں نے حصہ لیتا۔ مقابلہ جات وچ بطور مہمان خصوصی ڈپٹی کمشنر محمد اصغر جوئیہ نے سارے اضلاع دی ثقافت تے ٹیلنٹ نوں اک پلیٹ فارم تے اکٹھا کرن تے کونسل دی کاوشاں نوں سراہندے ہوئے آکھیا کہ سرگودھا دی اڈان توں سارا جتھے باخوبی واقف اے تے ایتھے دی نوجوان نسل حقیقت وچ ایس خطے نوں اک نویں پہچان دین وچ مصروف عمل اے۔ ایس موقع تے کونسل دے ڈائریکٹر ڈاکٹر ریاض احمد ہمدانی تے فوکل پرسن پنجاب ٹیلنٹ ہنٹ پروگرام اسسٹنٹ ڈائریکٹر عدنان خالق بھٹی جنھاں نے پوری ڈویژن دی نوجوان نسل لئی ایہہ پروگرام ترتیب دتے موجود سن۔ اوہناں نے سرگودھا ڈویژن دی عوام تے خصوصاً نسل نو نوں پنجاب دا بہترین اثاثہ تے مستقبل وچ وی ایسے پروگراماں دا انعقاد کروان دا مکمل اعادہ کیتا۔ چیتا رہوے کہ ڈویژن دی سطح تے مختلف کیٹیگریز دے مقابلہ جات دے حتمی نتائج دے مطابق موسیقی دے مقابلہ جات وچ ضلع خوشاب دے مبارک علی نے پہلی‘ ضلع بھکر دے محمد عرفان نے دوجی‘ ضلع سرگودھا توں ساون علی تیجی پوزیشن‘ ادب وچ ضلع خوشاب توں محمد الیاس نے پہلی‘ ضلع سرگودھا توں انعام اللہ نے دوجی تے ضلعی خوشاب توں شاہانہ اعجاز نے تیجی پوزیشن لیتی۔ مصوری وچ ضلع سرگودھا توں تسمیہ عارف‘ منصب دار نے بالترتیب پہلی‘ دوجی تے ضلع خوشاب توں ساجد عرمان نے تیجی ایسے طرح دستکاری وچ ضلع سرگودھا توں ارسہ نے پہلی‘ واجد علی نے دوجی تے ضلع میانوالی توں سعدیہ گل نے تیجی جد کہ لوک رقص دے مقابلہ جات وچ ضلع خوشاب توں غلام عباس گروپ نے پہلی‘ ضلع سرگودھا توں حاجی عقیل گروپ نے دوجی تے سپیشل ایجوکیشن سرگودھا دی ٹیم نے تیجی وپزیشن لیتی تے تھیٹر دے مقابلیاں وچ ضلع بھکر دی ٹیم بوائز گروپ نے ڈرامہ (بے قصور) دے نال پہلی‘ ضلع خوشاب توں رموز گروپ نے (قانون کی حفاظت) ڈرامہ دے نال دوجی تے ضلع خوشاب توں گورنمنٹ گریجویٹ کالج جوہر آباد دی ٹیم نے ڈراہم (کچھ تو شرم کرو) پیش کر کے تیجی پوزیشن حاصل کیتی۔ مقابلہ جات وچ موسیقی وچ سمن سلطان‘ کامران عیسیٰ خیلوی تے کاشف شاہ‘ ادب وچ یوسف خالد‘ نجمہ نصورتے طارق حبیب‘ مصوری وچ نادیہ عباسی‘ نصرت عزیز تے سید انور‘ دستکاری وچ ہما سجاد‘ درثمین تے وسیم شہزاد‘ تھیٹر وچ انعام خان‘ جہانزیب قمر تے مہر آصف حنیف جد کہ لوک رقص وچ دائم اقبال‘ شاہد مہربان تے حبیب ساغر نے بطور مصنفین رلت کیتی۔ ہر کیٹیگری وچ پہلی تن پوزیشناں نوں سرکاری مروجہ اصول دے تحت چیک تے دوجیاں وچ سنداں تقسیم کیتیاں گئیاں۔ واضح رہوے کہ قواعد و ضوابط دے مطابق ہر کیٹیگری دی پہلی پوزیشن ای صوبائی سطح تے منعقدہ مقابلیاں وچ حصہ لے سکے گی۔ شرکا نے مقابلیاں دے کامیاب اعنقاد‘ فیصلیاں وچ نمایاں شفافیت برقرار رکھن تے نوجواناں دی حوصلہ افزائی تے کونسل دے افسراں تے ملازماں دی دن رات دی خدمات اتے زبردست خراج تحسین پیش کیتا۔ سرگودھا ڈویژن دے ہر ضلع دے تمدن نوں مدنظر رکھدے ہوئے اوتھے دے مقامی دیہی رہن سہن تے علاقے دی ثقافتی عکاسی نوں اک ماڈل دی صورت جہدے وچ علاقائی ثقافتی اشیا تے کرداراں نے عوام الناس نوں اپنی توجہ دا مرکز بنائے رکھیا جہدے نال سارے اپنی اپنی تصویراں بنواندے رہے۔
ایس سارے پروگرامز تے عوام الناس بالخصوص نوجوان نسل نے کرونائی دور تقریباً گزرن مگروں اوہناں دے تخلیقی صلاحیتاں نوں جلا بخشن تے وزیراعظم عمران خان‘ وزیراعلیٰ پنجاب سردار عثمان بزدار دا شکریہ باشگاف الفاظ تے آسمان نوں چھوندے نعریاں نال ادا کیتا تے امید کیتی کہ ایہ موقعے مستقبل وچ وی جاری رہن گے تاں جے ایس سرمایہ نوں ترقی دی منزلاں طے کرن وچ آسانی تے پروقار اعتماد حاصل ہو سکے۔