مشتاق بٹ۔۔۔۔۔ماں بولی پنجابی داسچا پتر

میاں آصف پنجابی

مشتاق بٹ ماں بولی پنجابی دا سچا پتر جس نے پنجابی واسطے سڑکاں تے نکل کے وکھایا تے اوہ تواریخی جلوس کڈھیا جس دیاں مثالاں اج تیکر دتیاں جاندیان ہین ، اوس جدوجہد دا ای نتیجہ اے کہ پاکستان دی تواریخ وچ پہلی واری پنجاب یونیورسٹی لاہور تے شاہ حسین کالج لہور وچ پنجابی پڑھائی شروع ہو سکی۔مشتاق بٹ1925 نوں لہور وچ جمے تے17جون1986نوں ایس دنیا توں چلانا کر گئے پر اپنی ایس مختصر حیاتی وچ اوہ کم کر گئے کہ پنجاب دی اتہاس دا انمٹ کردار بن گئیجس ویلے وی کوئی نِکا یا وڈا وکھالا یا ٹورا ہوئیگا مشتاق بٹ دا نام لازمی آوے گا۔مشتاق بٹ ہوراں نے پنجابی پڑھائی تے ماں۔بولی دیبحقاں لئی دیس پنجاب محاذبنایا تے17جولائی1970نوں پنجابی پڑھاو ریلی دا آہر کیتا تے موچی دروازے توں لے کے مال روڈ تے پنجاب اسمبلی تیک بڑا وڈا جلوس کڈھیا۔ پنجابی جلوس نوں کامیاب کروان لئی اوہناں نے ہر بندے نوں سنیہا گھلیا ہر پاسیوں لوکائی نوں سدن توں بعد اوہناں نے اک ہور کم وی کیتا جلوس نوں رنگ لان واسطے شہر وچ روایتی جلوس کڈھن والیاں نوں ملیجنہاں کول ڈھگیاں والے گڈے ،ریڑھے ٹانگے تے بگیاں سی اوہناں نوں وی سدیا ” پنجابی پڑھا ” دے نعرے دا وڈا بینر بنوایا گیا۔ جلوس۔وچ ہزاراں۔لوکاں نے رلت کیتی جلوس ناصر باغ توں لیکے پنجاب اسمبلی تیکر لمبا سی۔ جلوس توں۔مگروں مشتاق بٹ دی نظر بندی دا وی حکم ہویا، فیر ستمبر وچ مڑ کے جلوس کڈھیا گیا۔ ایس توں بعد ای پنجاب یونیورسٹی نے ایم اے پنجابی دے داخلے شروع کرواے۔ ایس توں بعد اگلا کم ریڈیو توں پنجابی خبراں شروع کروا دا سی، فیر بالاں دے جلوس نوں لے ریڈیو پاکستان اپڑے تے بالاں داپنجابی پروگرام وی شروع کروایا ۔ پرائمری تے پنجابی پڑھائی مشتاق بٹ دا اوہ سفنا سی جو اوہناں دی حیاتی وچ پورا نہ ہو سکیا۔ پر جناں کم اوہ کر گئے اوہی اوہناں نوں صدیاں دی حیاتی دے گیا۔