مشتاق بٹ۔۔۔۔پنجابی زبان لاگو کروان وچ بھرواں کردار ادا کرکےہمیش لئی امر ہو گیا

مدثر اقبال بٹ

اوہ لوک جیہڑے اپنی جان کسے مقصد یا مشن لئی قربان کردے نیں ہمیش زندہ رہندے نیں تے اجیہے لوکاں وچ اک ناں پنجاب دے انکھی پتر مشتاق بٹ دا وی اے۔ مشتاق بٹ جی نے پنجابی زبان نوں اوس دا جائز مقام دیوان لئی اک تحریک شروع کیتی تے اوس تحریک نوں کامیاب بنان لئی اپنا گھر تک لوڑدھ دتا۔ تریخ ایس گل دی گواہ اے پئی پہلی وار مال روڈ تے پنجابی لئی نکلن والے بندے دا ناں مشتاق بٹ سی جہنے بڑے منظم طریقے نال احتجاج کیتا تے سرکار نوں گھٹنے ٹیکن تے مجبور کردتا۔ ریڈیو تے پنجابی خبراں تے بالاں دے پنجابی پروگرام شروع کران دا سہرا وی مشتاق بٹ دے سر اے۔ اوہ آپ تے ایس دنیا وچ نہ رہے پر اوہناں دی ایہہ خواہش سی کہ پنجابی مڈھلی سطح تے ذریعہ تعلیم بنے تے اوس نوں جائز حق ملے۔ اج اوہناں دی ایس تحریک دے 50ورھے پورے ہو گئے نیں تے پنجابی نوں اجے وی اوہدا اصل مقام نہیں مل سکیا۔ اج اسیں سارے رل کے عہد کرئیے پئی مشتاق بٹ دے سفنے نوں پورا کرن لئی آپس دے اختلافات تے لڑائیاں جھگڑے بھل کے اک مٹھ ہو کے اگے ودھاں گے تے ایس بولی نوں اوس دا جائز مقام لے کے رہواں گے نالے فیر مشٹاق بٹ دی قبر تے جا کے اوس نوں ایہہ دساں گے پئی تیرا سفنا پورا ہو گیا۔ پنجابی نوں اوس دا اصل مقام مل گیا اے۔ اللہ سوہنا سانوں ایس مقصد وچ کامیابی دیوے۔