نعلین پاک
عبدالحمید نظامی
کدے عرش عُلا تے ڈیرے نعلیناں پاکاں دے
کدے خاک تے کرن بسیرے نعلیناں پاکاں دے
دَس پئی اے جتھے جتھے کتے ظلمی راتاں دی
ویکھے نے نور سویرے نعلیناں پاکاں دے
ہویا جبرائیل حیران جد ویکھی رفعت اوس
سدرا توں شان اُچیرے نعلیناں پاکاں دے
جد عرش نے تلوے چمے سرکار دی نسبت نال
ہو گئے سن شان ودھیرے نعلیناں پاکاں دے
دے دے کے درشن رب نوں سرکار منائوندے نے
تکے نے لگدے پھیرے نعلیناں پاکاں دے
چن ستارے تے سورج ایہہ منیا اچے نے
سب توں شان اگیرے نعلیناں پاکاں دے
میں نعت نظامی لکھناں سوہنے دی رات دنے
ہوئے صدقے دور ہنیرے نعلیناں پاکاں دے
Load/Hide Comments