جنگ نامہ حضرت امام حسینؑ

سید طاہر شیرازی

ایہناں شعراں وچ منظر نگاری وی ویکھن نوں ملدی اے تے اس دے نال نال فنی مہارتاں وی پائیاں ویندیاں ھن تے تلمیحات وی اس دا حصہ نیں۔
تکرار لفظی
تکرار لفظی ہک لفظ دا وت وت تکرار نال آونا یعنی ہک لفظ دا بار بار آونا تکرار لفظی آکھواندا اے۔ ایہ اجہی فنی مہارت اے جس نوں شاعر اپنی شاعری وچ انج کے ورتیندا اے جوں شعر دے سونپ اچ وادھا ہوویندا اے۔
فقیر میاں رحمت دے کلام وچ تکرار لفظی دی مہارت ملدی اے۔ ایہناں دے جنگ نامے وچ تکرار لفظی دی مہارت سوہنے تے سچجے ڈھنگ نال ورتی گئی اے۔
ایہ سر سر بازی عشق دی لاون نہیں آسان
ں
حوراں پریاں روندیاں لے لے نام حسین
ں
میں چُن چُن ماراں خارجی دیواں خاک رُلا
ں
سُن سُن مومن پٹدے پیا وچ کچہری شور
ں
گھر گھر پئے گئے پٹنے روندے مسلمان
ایہناں شعراں وچ تکرارِ لفظی دی فنی مہارت موجود اے۔ اس دے نال نال عقیدت مندی، میدان جنگ دا منظر، رثائی عناصر وی پائے ویندے نیں۔ جتھے ایہناں شعراں وچ فکری موضوعات ھن ایتھے ایہناں وچ فنی مہارتاں تلمیحات، رشتیاں دے جذباتی مناظر وی ویکھے جا سکدے ھن۔ فکری پکیائی، زبان تے بیان دا اسلوب وی خوبصورت انداز نال ورتیا گیا اے۔ ایہو تاں ہک وڈے شاعر دی خوبی ہوندی اے۔
صنعت ِ اعداد
فقیر میاں رحمت دی شاعری وچ صنعت اعداد دا ورتارا چوکھا تے سچے اتے اچے انگ ڈھنگ نال ویکھیا جا سگدا اے۔ ایہناں دے کلام وچ صنعت اعداد دے اوہ مصرعے ویکھو جہناں وچ مثال دے طور تے اک، دو، ترائے، چار عدد دا ورتارا اے۔
اوہ لکھدے نیں:
وچ مدینے زلزلہ روون لوگ ہزار
ں
کوفے دے وچ وسدے بندے کئی ہزار
(جاری اے)