پنجاب وچ شہر شہر’ قریہ قریہ میلادالنبیۖ دی پاک محفلاں دا انعقاد

نگاہ عشق و مستی میں وہی اول وہی آخر
وہی قرآں وہی فرقاں وہی یٰسین وہی طہٰ
رحمت ہر جہاں’ چارہ ساز’ دردمنداں’ آقائے کائنات’ فخر موجودات’ نبی کریمۖ’ نورمجسم سرکار دو عالم خاکدان گیتی اتے جلوہ گر ہوئے۔ ماہ ربیع الاول آندے ای پوری دنیا دے مسلمان جوش و خروش نال آقائے دو جہاں دی ولادت باسعادت دی خوشی وچ پورے عالم اسلام وچ محفل میلاد منعقد کردے نیں۔ ایس کائنات وچ حضرت محمدۖ دی حیثیت بے مثال آفتاب درخشاں دی اے جو غار حرا توں طلوع ہویا تے ساری کائنات اتے چھا گیا۔ جیویں سورج نکلدا اے تے موجودات عالم دی ہرشے نوں روشن کر دیندا اے۔ اوسے طرح اسمان روحانیت دا بڑا عظیم انساناں دے قلب ونظر نوں منور کر رہیا اے۔ حضرت محمدۖ اتے جان نثار آپ دی محبت ساڈے ایمان دی ضامن اے۔ کسے مسلمان دا ایمان آپۖ دی محبت دے بغیر ممکن نہیں ۔ نبی کریمۖ دا اخلاق ‘ کردار تے شخصیت ہر لحاظ نال کامل اے جہدی تاقیامت کوئی مثال نہیں۔ ایہو وجہ اے کہ غیرمسلم مؤرخین وی نبی کریم دے اوصاف حمیدہ بیان کردے نیں تے آپ دی صفات عالیہ دا اعتراف کردے نیں۔ آپ دا ذکر ساڈے دِلاں وچ محبت دے رَس گھولدا اے۔ آپۖ دی ذات’ صفات نال عقیدہ و محبت ساڈے دلاں وچ ہمیشہ زندہ رہوے گی۔ ایدھر فرشتے اسمان اتے دستار بنھے ہوئے حضور پاکۖ دی ولادت باسعادت دے استقبال لئی کھڑے نیں تے اودھر کرہ ارض اتے وی عالم قابل دید اے۔ ہر مسلمان اپنی استطاعت دے مطابق لیکن جوش طریقے نال تیاریاں وچ مصروف اے۔ ربیع الاول دا مہینہ سارے مسلماناں لئی اک خاص مقام رکھدا اے۔ ایہدی وجہ ایہہ ہے کہ زمانہ جاہلیت دے شکار ظلم تے استبداد دا نشانہ بندے ہوئے تے ظلم و ستم دی چکی وچ پسدے ہوئے لوکاں نوں لازوال اتے نور دا اک چمکدا ہویا ایسا روشن ستارہ وکھائی دتا کہ جہدی چمک نے دو جہاں نوں تابندگی نال منور کر دتا۔
گر تو می خواہی مسلماں زیستن
نیست ممکن جزو بقرآں زیستن
وزیراعلیٰ پنجاب نے پچھلے سال دی روایت نوں برقرار رکھدے ہوئے ایس سال وی شان رحمت اللعالمین نوں بیان کرن لئی پورا عشرہ مختص کیتا اے۔ ماہ ربیع الاول دی مناسبت نال وزیراعلیٰ پنجاب پرویزالٰہی ولوں صوبے بھر وچ تقریباں دا آغاز کیتا جا چکیا اے تے آئندہ وی جاری و ساری رہوے گا۔ ایہدا بنیادی مقصد مسلماناں دے ایمان نوں تازہ کرنا اے۔ وزیراعلیٰ پنجاب دا ایہہ قدم قابل تعریف اے کہ جیویں اوہ اک توں ودھ کے اک نواں منصوبہ یا پروگرام بنا رہے نیں اوسے طرح عوام دے دل وچ گھر کردے جا رہے نیں۔ جیویں پہلے تن سالاں وچ حکومت پنجاب ہر کم وچ ہر منصوبے وچ پروگرام وچ پیش پیش رہی اے۔ ایس سال وی وزیراعلیٰ پنجاب دے منعقدہ تقریباں وچ شان رحمت اللعالمینۖ بیان کیتی جاوے گی۔ ایس سال وی پچھلے سال وانگوں ایس سال تقریباں دا اعلان کیتا گیا اے۔ وزیراعلیٰ پنجاب ولوں شیڈول دے مطابق پہلے مرحلے وچ مقابلہ حسن و قرات تے مقابلہ حسن نعت نوں ضلعی سطح اتے تے دُوجے مرحلے وچ ڈویژن سطح اتے تقریباں منعقد ہون گئیاں۔ تیجے مرحلے وچ مقابلہ حسن قرات و نعت اتے ہووے گا۔ ایہناں سارے مقابلیاں وچ پوزیشن ہولڈراں نوں انعامات وی دتے جان گے۔ سیرت النبیۖ بی بی کانفرنس دا وی نقاد ہو چکیا اے۔ باغ جناح وچ خطاطی دی نمائش دا وی پربندھ ہووے گا۔ صوبہ بھر دی ساری پناہ گاہواں’ وزیراعظم ہائوس دی مسجد تے سارے وڈے درباراں تے مسجداں وچ احترام دے نال محفل میلاد دا پربندھ ہو چکیا اے۔ حکومت پنجاب ولوں مقرر کردہ شان رحمت اللعالمینۖ وچ شکالرشپ 2022دے ضرورت مند طلبا دے روشن مستقبل دا اعلان کردتا گیا اے۔
حکومت پنجاب میٹرک دے طلبہ نوں رحمة اللعالمینۖ بورڈ 2022دے رہی اے۔ وزیراعلیٰ ولوں ایہناں طلبا وچ وظائف تقسیم کیتے جان گے جہڑے انٹر تے میٹرک کلاساں وچ تعلیم حاصل کردے نیں۔ وقت گزرن دے نال نال ایس پروگرام نوں وسیع پیمانے اتے منتقل وی کیتا جاوے گا۔ خاص طور تے صوبہ بھر دے ہونہار تے غریب طلبا نوں ہدف بنایا گیا اے۔ سکالرشپ دی رقم 83کروڑ روپے کردتی گئی اے جو کہ 29142 طلبا نوں فراہم کیتی جاوے گی۔ا یہدے نال نال وزیر کھیل امور نوجوانان و ثقافت ملک تیمور مسعود دا شان رحمت اللعالمینۖ دے عشرے وچ حکومت پنجاب ولوں ہر سال وانگوں ایس سال وی بھرویں طریقے نال ہفتہ رحمت اللعالمینۖ وچ عوام دی بالخصوص سکولاں تے کالجاں وچ کوئز تے پروگرام کروائے جا رہے نیں۔ جہدا مقصد آقائے دو جہاں دی حیات طیبہ اتے اوہناں دے اسوہ حسنہ تے سیرت اتے زندگی گزارن دے مختلف موضوعات اتے چانن پایا جاوے گا۔ ایس عشرے وچ آرٹس کونسل دے اندر 10ڈویژن وچ آرٹس کونسل دے بھرویں پروگرام کروائے جان گے۔ جہناں وچ محفل میلاد’ محفل سماع’ سکولاں کالجاں وچ کوئز مقابلے کروائے جا رہے نیں۔وزیراعلیٰ پنجاب پرویزالٰہی خود وی ایس عشرے وچ منعقدہ تقریباں وچ رلت کرن گے۔ ایس عشرہ رحمت اللعالمینۖ وچ آرٹس کونسل نوں خصوصی اہمیت حاصل رہی اے۔ محفل سماع وچ قومی سطح دے ثنا خواں آن گے تے محمدیہ کلام پیش کرن گے۔ خوبصورت الفاظاں نال بھرواں محبت تے لگن نال پرمزین قوالی دا وی آغاز کیتا جا چکیا اے جہنوں سنن والیاں اتے وجد سرور دی کیفیت طاری ہو گئی تے آئندہ وی توقع کیتی جاندی اے کہ ایہہ سلسلہ اگے وی جاری رہوے گا۔ قوالی دا مقصد آپۖ نال اظہار محبت دا اک چھوٹا جیا نمونہ اے۔ وزیراعلیٰ پنجاب دے حکم نال پورے پنجاب وچ چراغاں کیتا جاوے گا۔ایس خوبصورت مہینے وچ گلیاں’ بازار تے گھر برقی قمقمیاں نال سجا ئے جاندے نیں۔ ہر ضیا پرافروز’ درودوسلام نال فضا معطر ہو جاندی اے۔ حکومت پنجاب ولوں خطاطی ورکشاپ ہووے گی جو کہ نبی پاکۖ دے نام نال ہووے گی جہدے وچ پورے ملک دے مایہ ناز ایس خطاطی وچ حصہ لین گے۔ ایس عشرے نوں بھرویں جوش و جذبے نال منایا جا رہیا اے۔ ایہدا بنیادی مقصد ساڈی آن والی نسلاں نوں تے سارے مسلماناں نوں وی دینی تعلیم دینا اے۔ اوہناں دی محبت ایمان دے کمال تے اسلام دے حسن دی دلیل اے۔ روحاں دی غذا دلاں دی شفا تے اکھاں دی ٹھنڈک اے۔
ذکر جس کا ہے سورة فاتحہ میں
وہ صراط مستقیم آپ صلی اللہ علیہ وسلم ہی تو ہیں
اسیں اپنے نبیۖ دی سیرت دی گل کیوں نہ کرئیے جہناں وچ ایہہ ساری خوبیاں نیں۔ ساڈے نبیۖ وچ صداقت اے ‘ جہدے توں ابوبکر صدیق بن گئے۔ساڈے نبیۖ دے اندر عدالت اے جہدے توں عمر فاروق بن گئے۔ ساڈے نبیۖ وچ سخاوت سی جہدے توں عثمان غنی بن گئے۔ ساڈے نبی دے اندر شجاعت اے جہدے توں حضرت علی شیر خدا بن گئے۔
حکومت پنجاب دا ماہ ربیع الاول وچ جشن آمد رسول اتے تقریباں دا اعلان کردتا گیا اے۔ وزیر پنجاب پرویزالٰہی دی خصوصی ہدایت اتے محکمہ اوقاف تے مذہبی امور دے اقدامات دا جائزہ لین دا حکم دے دتا گیا اے۔ ایہدے وچ سارے صوبائی وزرا نوں ایس عظیم مہینے نوں منان تے نگرانی لئی اضلاع تفویض۔ وزیراعلیٰ پرویزالٰہی دے حکم نال سارے صوبائی وزرا اراکین اسمبلی متعلقہ علاقیاں وچ عشرہ رحمت اللعالمینۖ وچ رلت کرن گے۔ صوبے بھر دے سارے ڈیپارٹمنٹ وچ ضلعی اداریاں وچ شان رحمت اللعالمینۖ دے سلسلے وچ محفل میلادۖ تے مقابلے منعقد کرائے جان گے۔ وزیراعلیٰ پنجاب دے حکم نال محکمہ اطلاعات و کلچر سارے ایونٹس دی پرنٹ تے الیکٹرانک میڈیا دے ذریعے تشہیر دا پابند ہووے گا تاں جے اوہ لوک جو شامل نہیں ہو سکن گے اوہ گھر بیٹھے ایہدے توں فیدہ چکن گے۔ جے ایتھے پچھلی حکومتاں نوں زیر بحث لیایا جاوے تے اوہ صرف ناواں دی حکومت سی کہ ایسا کم نہ تے اوہناں نے سوچیا تے نہ ای کیتا تے جو وی منصوبہ بنایا اوہنوں پورا نہیں کیتا۔ پچھلی حکومتاں صرف وعدیاں اتے مبنی سن’ موجودہ حکومت نے جو وعدہ وی کیتا اوہنوں اوسے طرحاں پورا کیتا جیویں اوہناں دا فرض سی۔ جو منصوبہ بنان داپلان کیتا اوہنوں پایہ تکمیل تک وی پہنچایا۔ وزیراعلیٰ پنجاب نے سارے کماں نوں مختلف افسراں دے سپرد کردتا اے تے ساری تقریباں اوہناں دے زیراہتمام کیتی جان گِیاں۔ ایہہ عشرہ 28ستمبر تا9اکتوبر تک انتہائی عقیدت و احترام نال منایا جاوے گا۔ ایہناں تقریباں دا مقصد اسلامی اقدار دا فروغ تے دینی تے روحانی جذبیاں نوں ترجیح دینا اے۔ محکمہ اطلاعات و ثقافت پنجاب دے پربندھ ہیٹھ الحمرا آرٹس کونسل جہناں وچ لہور تے گوجرانوالہ’ راولپنڈی سرگودھا’ فیصل آباد ‘ بہاوالدین زکریا’ ساہیوال ڈویژن’ مری شیخوپورہ وغیرہ شامل نیں۔ ایہہ ساڈا عقیدہ نیں تے اسیں ایہہ سمجھنے آں کہ ساڈا ایمان مکمل نہیں ہو سکدا جدوں تک ساڈے دِلاں وچ عقیدہ متفقہ نہ رہوے۔
وہ نبیوں میں رحمت لقب پانے والے
مرادیں غریبوں کی بر لانے والے
مصیبت میں غریبوں کے کام آنے والے
وہ اپنے پرائے کے کام آنے والے
وہ اپنے پرائے کا غم کھانے والے