چوہدری طارق رسول ڈھلو ںدا مدثر اقبال بٹ دے اعزاز وچ ظہرانہ

کینیڈا وچ مقیم پاکستانی بزنس مین احمد نگر چٹھہ دی منی پرمنی شخصیت چوہدری طارق رسول ڈھلوں نے پچھلے دناں چیئرمین پنجابی میڈیا گروپ مدثر اقبال بٹ دے اعزاز وچ ظہرانے دا پربندھ کیتا جہدے وچ احمد نگر تے علاقے دی معروف شخصیات نے رلت کیتی۔
چوہدری طارق رسول ڈھلوں نے مدثر بٹ نوں جی آیاں نوں آکھدے ہوئے اوہناں دی خدمات دی تعریف کیتی تے آکھیا کہ مدثر بٹ دوستاں دے دوست تے دشمناں دے دشمن نیں’ اک ایسے دوست نیں جہناں اتے ہر مرحلے وچ اعتماد کیتا جا سکدا اے تے اوہ کسے وی مرحلے تے دوستاں نوں کلیاں نہیں چھڈدے۔
کالم نگار جواد احمد بٹ نے مدثر بٹ نوں احمد نگر دا اک ایسا اثاثہ قرار دتا جہدی خدمات تا عمر یاد رکھیاں جان گئیاں۔
اعجاز حسین عاجر نے مدثر بٹ نوں دوستی دا مرکز قرار دیندے ہوئے آکھیا کہ سانوں مدثر بٹ دی دوستی اتے فخر اے تے اہالیان احمد نگر اوہناں دی خدما ت نوں ہمیشہ یاد رکھن گے تے مدثر بٹ نے ایس علاقے دے نوجواناں نوں ظلم دے سامنے کھڑے ہون دا حوصلہ دِتا۔ ملک امتیاز نے حلقہ احباب تے دوستاں دی پرانی یاداں نوں تازہ کردے ہوئے آکھیا کہ ساڈی دوستی تاعمر قائم رہوے گی۔
تقریب وچ حکیم حفیظ اللہ منہاس’ حکیم باری’ عارف ناز’ علی بابر بٹ’ ندیم رضا’اشتیاق احمد’ رضوان اصغر بٹ’ بلال مدثر بٹ’ حاجی محمد فاروق’ حبیب جوئیہ سنے سجناں بیلیاں بھرویں رلت کیتی تے ایس تقریب نوں اک یادگار تقریب قرار دیندے ہوئے آکھیا کہ اجیہی دوستاں دیاں تقریباں تے اکٹھ ہر مہینے ہونے چاہیدے نیں۔ ایہدے پاروں محبت تے پیار دا اک نواں سفر شروع ہووے گا۔
چیئرمین پنجابی میڈیا گروپ مدثر اقبال بٹ نے چوہدری طارق رسول ڈھلوں دی مہمان نوازی دا شکریہ ادا کردے ہوئے آکھیا کہ اوہناں دی وجہ نال بے شمار دوستاں نال ملاقات ممکن ہو ئی تے اسیں توقع کرنے آں کہ اوہ آئندہ وی ایسی تقریباں دا پربندھ کردے رہن گے جہدی وجہ نال دوستاں دی ملاقاتاں ممکن ہون۔ مدثر اقبال بٹ نے ملک امتیاز احمد تے اعجاز حسین عاجز دی ایس تقریب وچ رلت اتے شکریہ ادا کیتا تے آکھیا کہ د وستاں دی ایہہ تکون انشاء اللہ تاعمر قائم رہوے گی۔