معروف سکالر قاسم علی شاہ ولوں حضورۖ دا اندازِ حیات بارے لیکچر

پنجاب انسٹیٹیوٹ آف لینگوئج’ آرٹ اینڈ کلچر(پلاک)’ محکمہ اطلاعات و ثقافت پنجاب دے پربندھ ہیٹھ عشرہ شان رحمة اللعالمینۖ دے حوالے نال نامور سکالر قاسم علی شاہ نے ”حضورۖ دا انداز حیات” دے موضوع اتے لیکچر دتا۔ اوہناں نے آکھیا کہ حضورۖ دا طرز زندگی اپنا کے اسیں اپنے آپ نوں خوشحال تے صحت مند رکھ سکنے آں۔ آپۖ نے فرمایا بہترین شخض اوہ ہے جو اپنی بیوی لئی چنگا اے تے بیوی بارے فرمایا کہ جدوں اوہدا خاوند گھر وچ داخل ہووے تے خندہ پیشانی نال اوہدا استقبال کرے۔ کھان لئی چنگا اے تے بیوی بارے فرمایا کہ جدوں اوہدا خاوند گھر وچ داخل ہووے تے خندہ پیشانی نال اوہدا استقبال کرے۔ کھانے دے آداب بارے فرمایا کہ جدوں بھک لگے اوہدوں کھانا کھائو تے باقی ہووے تے کھانے توں ہتھ کھچ لوو۔سون دے آداب دے متعلق فرمایا کہ عشا مگروں سو جائو تے سورج طلوع ہون توں پہلاں جاگ جائو تے دوپہر ویلے قیلولہ کرو۔ اوہناں نے کہیا قیلولہ بارے جدید ریسرچ دے مطابق جہڑے لوک دوپہر ویلے تھوڑی دیر لئی آرام کردے نیں اوہناں وچ بیماریاں دی شرح نہ ہون دے برابر اے۔ اوہناں نے آکھیا کہ ساڈے اندر مال دی محبت جس قدر ودھدی جاوے گی اسیں اوہنا بوہتا مسائل دا شکار ہوندے جاواں گے۔ لیڈر نوں چاہیدا اے کہ اوہ ٹیم دے نال رل کے کم کرے تے کوئی وجہ نہیںکہ اوہنوں کسے کم وچ رکاوٹ یا پریشانی دا سامان کرنا پووے۔ حضورۖ دے کول خندق دے موقع تے جدوں اک صحابی نے بھک دی شکایت کیتی تے ڈھڈ اتے بنھیا ہویا پتھر وکھایا تے اوس ویلے آپۖ نے اپنے شکم مبارک اتے بھک دی وجہ نال دو پتھر بنھے ہوئے سن۔
لوکاں نوں معاف کرنا’ مشکلات اتے صبر کرنا’ اپنے گناہواں اتے نادم ہو کے اللہ کولوں معافی دا خواستگار ہونا تے اللہ تعالیٰ دی دتی ہوئی نعمتاں اتے شکر بجا لیانا ایسے کم نیں جہڑے ساڈے لئی جسمانی تے روحانی سکون دا کارن بندے نیں۔ اوہناں نے آکھیا کہ احساس جرم انسان نوں اندروں کمزور کر دیندا اے۔ ڈائریکٹر جنرل ڈاکٹر صغرا صدف نے قاسم علی شاہ نوں پھلاں دا تحفہ پیش کیتا۔