چج ادبی پروار جھنگ دی چھتر چھاویں دُوجی برسی تے پنجابی نعتیہ محفل مشاعرہ

چج ادبی پروار جھنگ پنجاب پاکستان دی چھتر چھاویں پنجابی نعتیہ محفل مشاعرہ بیاد ایصال ثواب پنجابی ادب دا مان فخر ایشیا جھنگ دا مان استاد الشعرا مہر محمد ریاض سیال مرحوم دا آہر ہادی ڈیرہ میاں صفدر محمود ایڈووکیٹ دارالسکینہ روڈ جھنگ صدر کیتا گیا مشاعرے دی صدارت چج ادبی پروار جھنگ پنجاب پاکستان دے صدر حاجی ملک عبد الطیف شیدائی ہوراں کیتی۔ مہمان خصوصی ضلع جھنگ دے گورنمنٹ گریجوایٹ کالج جھنگ شعبہ پنجابی دے پرفیسر بشارت حسین وقار جی ہن۔ اعزازی مہمان ضلع چنیوٹ توں آئے مہمان شاعر ڈاکٹر خالد اقبال خالد پنجابی شاعر عارف خان بلوچ تے ضلع چنیوٹ توں آئے پنجابی مزاحیہ شاعر خلیل ساحر ہن ۔سٹیج سیکرٹری دے فرائض عبد الرحمن ساجد ہوراں نبھائے مشاعرہ دی شروعات تلاوت قرآن پاک توں ہوئی ۔تلاوت قرآن پاک دی سعادت عبد الطیف شیدائی ہوراں حاصل کیتی ۔نعت رسول مقبول صلی اللہ علیہ وآلہ وسلم دی سعادت سائم نفیس تے پروفیسر بشارت حسین وقار ہوراں تے میاں صفدر محمود ایڈووکیٹ ہوراں حاصل کیتی۔ مشاعرہ وچ رلت کرن آلے شعرا کرام وچ حاجی ملک عبد الطیف شیدائی پروفیسر بشارت حسین وقار ڈاکٹر خالد اقبال خالد خان عارف خان بلوچ خلیل ساحر عبد الرحمن ساجد مہر احسان سجوکہ شاہد محمود عاقب ملک سخاوت عباس گوہر عمران عاجز مختار خان بلوچ ملک نیاز عباس نیاز مہر الطاف اویس میانہ ملک شہزاد اعوان سلانوالی سرگودھا محمد یار انصر فاروقہ سرگودھا خان منظور صفدر خان اخلاد الحسن اخلاد محمد ریاض ایاز عمران عاطف بلوچ امان اللہ کاشف اسرار خان بلوچ سید توقیر شاہ کوٹ بہادر شاہ جابر علی جابر خیرات علی خیرات علی رضا نازش اعجاز حسین جازو مہر غلام مصطفی عاکف لکھنانہ ملازم حسین کاشی حاجی محمد اقبال نیاز عباس نیاز احمد سیال تسکین ہوراں رلت کیتی شعرا کرام آپنا چونڑواں کلام سنا کے ڈھیر ڈھیر داد حاصل کیتی۔ مشاعرے وچ عوام بارش دے باوجود بھرویں رلت کیتی۔ مشاعرے دے اخیر تے سارے شعرا کرام نوں کھانا دتا گیا تے مہر محمد ریاض سیال مرحوم تے دوجے شعرا کرام جہڑے اس دنیا توں جھوک لدا گئے ہن انہاں واسطے دعا مغفرت کرائی گئی مشاعرہ دے اخیر سارے شعرا کرام دا شکریہ ادا کیتا گیا۔