چنگی نسل تے قوم کیویں تیار ہوندی اے؟

اک انگریز مسلمان ہویا۔ اوہنے اپنی اکلوتی دھی نوں دس ورھے دی عمر وچ سکول داخل کرایا۔ ایہ حیران کن گل دسی تے سنن والے حیران سن۔ اوہ انگریز آپ پڑھیا لکھیا سی۔ ساڈے ایتھے دہائیاں پہلاں پنج یاں چھ ورھے دے بچے نوں سکول داخل کرا دتا جاندا سی۔ اج کل پلے گروپ نرسری وچ تن ورھے دے بچے وی داخل ہوندے نیں۔ انگریز نے وضاحت کیتی کہ اوہنے گھرتے بچی نوں اسلام دی تعلیمات توں روشناس کران دی تربیت دتی۔ قرآن’ حدیث’ تہذیب’ تمدن’ اٹھنا بیٹھنا’ آداب زندگی تے عبادت ایس عمر وچ جو وی اوہدی سمجھ آنا ممکن سی اوہنوں سکھا دتا۔ ہن اوہ پکی مسلمان ہو چکی اے۔ ایہدے بعد اوہ سکول جان لگی اے۔ جے ایسے نہج تے ہر بچے دی تربیت کیتی جاوے تے اوہ یقینا پکا مسلمان تے ملت دے مقدر دا ستارہ بن سکدا اے۔ بچیاں دی تربیت ول ساڈا دھیان بالکل وی نہیں۔ ایہو ساڈی پستی دا سب توں وڈا کارن اے۔ مسلماناں دے کول جو مثالی ضابطہ حیات اے اوہ دنیا دے کسے مذہب دے کول نہیں پر اسیں ایہدے تے عمل کرنا تے دور دی گل اے رہنمائی وی نہیں لیندے۔ ایہو وجہ اے کہ علامہ اقبال نوں کہنا پیا سی:
گنوا دی ہم نے جو اسلاف سے میراث پائی تھی
ثریا سے زمیں پر آسماں نے ہم کو دے مارا
قوم ویکھنی اے تے سوئٹزرلینڈ نوں ویکھو سنگلاخ پہاڑاں نوں سرسبز بنا دتا۔ بنجر زمیناں نوں شاداب کر لیا۔ نہ ایس ملک چوں تیل نکلدا اے نہ سونے دیاں کاناں نیں پر امیرترین ملک اے تے مینوں ایتھے اسرائیل دا ذکر کرنا پے رہیا اے۔ دنیا بھر وچ کل تن کروڑ یہودی پائے جاندے نیں۔ اوہناں دی اک ای ملک وچ حکومت اے۔ ایہ ملک وی نجائز اے تے حکومت وی۔ ایہ مسلمان ملکاں وچ گھریا ہویا لہور ضلع توں وی گھٹ رقبے دا ملک اے جو درجن بھر عرب ملکاں نوں ہرا چکیا اے۔ آخر اوہدی طاقت دی وجہ کیہ اے۔ میں ایہدے تے ریسرچ کیتی تے حیران کن ثبوت سامنے آئے اوہناں دے بچے دی تربیت اوہدی پیدائش توں وی پہلاں شروع ہو جاندی اے۔ خاتون ماں بنن والی ہوندی اے تے اپنے پیٹ وچ موجود بچے دی تربیت دا پربندھ کردی اے۔ آرٹس ول دھیان دیندی اے’ سائنس و میتھ دی پریکٹس نوں معمول بنان دے نال خوراک تے دھیان دتا جاندا اے۔ اجہی خوراک لینی اے جو بچے دی ذہنی و جسمانی نشوونما لئی مددگار ہووے تے فیر اوہناں دا تعلیم دا نظام وی خاص طور تے ترتیب دتا گیا اے۔اسرائیل وچ رہن والے ہر یہودی لئی فوجی تربیت لازم اے۔ امریکہ وچ موجود میرے اک یہودی دوست نے مینوں دسیا کہ یہودی کسے تے اعتبار نہیں کردے تے ایہ تربیت کیویں کیتی جاندی اے۔ چھ ورھے دے بچے نوں کندھ تے کھڑا کر دتا جاندا اے۔ اوہدا باپ سامنے آ کے بازو کھلے کر کے چھال مارن تے اصرار کردا اے تے بچہ چھال لا دیندا اے تے جیویں ای چھال لاندا اے باپ پچھے ہٹ جاندا اے۔ بچے نوں چوٹ لگدی اے اوہ روندا اے’ چپ ہون تے اوہنوں سمجھایا جاندا اے کہ دیکھو بیٹے باپ تے وی اعتبار نہیں کرنا۔
یہودی بنیادی طور تے کاروباری مشہور نیں۔ دنیا دی 80فیصد معیشت تے اوہناں دا تسلط اے۔ اوہناں نوں اجہی کامیابی کیوں مل گئی؟ کوئی سٹوڈنٹ ڈاکٹر بنے’ انجینئر بنے یاں کسے وی شعبے وچ ڈگری لوے اوہنوں ڈگری اوس ویلے ملدی اے جدوں اوہ اپنے سر تے اک ملین ڈالر کما کے شو کردا اے۔ اسیں اپنے بچیاں نوں قرض لے کے اوہنوں ہڑپ کرکے صاف کران دے طریقے دسنے آں۔ ایہو ساڈی پستی دا کارن اے۔ یہودیاں دی ایس طرزتعلیم وتربیت نوں سامنے رکھ کے ہن ذرا سوچو۔ اوہناں وچ اکثر گلاں تے اسلام دی خوبصورت تعلیمات وچوں نیں۔ مثلاً اسلام نے بچے دی تربیت نوں چنگے تے دین دار رشتے دی تلاش توں ای شروع کرن نوں کہیا۔ پر بدقسمتی ایہہ وے کہ مسلماناں نے اپنی تعلیمات نوں نظرانداز کیتا’ اپنی اولاد دی جامع تعلیم و تربیت نوں نہ صرف چھڈ دتا سگوں چنگی تربیت دا احساس وی گھٹ ہو گیا۔میری خاص ریسرچ اے کہ مملکت اسرائیل تے امریکہ’ یورپ وچ جتھے جتھے یہودی رہ رہے نیں اوہناں دے گھراں وچ تہانوں ٹیلی ویژن’ بچیاں دی گیمز تے سگرٹ و تماکو نہیں پیتا جاندا’ حالاں کہ ایہ پراڈکٹس تیار کرن والی انڈسٹری دا 80فیصد طبقہ یہودی مالکان تے مشتمل اے۔ اٹھ وجے رات سون توں پہلاں یہودی بچے اپنے موبائل فون اپنی ماں دے حوالے کر دیندے نیں۔
دوستو! سابق اسرائیلی وزیراعظم آنجہانی شمعون پیریز نال میری دوستی سی میں اوہناں دی دعوت تے وی گیا تے اوہناں نال اکثر بین الاقوامی فورماں تے ملاقات رہندی سی۔ اوہناں توں میں اک واری پچھیا کہ عددی طور تے گھٹ ہون دے باوجود یہودی ایس ویلے دنیا دی عالمی معیشت’ سائنس و ٹیکنالوجی تے انڈسٹریز تے چھائے ہوئے نیں ایہدی کیہ وجہ اے؟ تے آنجانی وزیراعظم نے مینوں دسیا کہ ساڈے معاشرے وچ بچے ہر ماں باپ لئی ایہ ضروری اے کہ اوہ اپنے بچے دی یہودی معاشرے دے عین مطابق نشوونما کرے۔ اج جدوں مسٹر شمعون پیریز نوں گزرے کافی سال ہو چکے نیں میں سوچنا واں کہ یہودی ایس دنیا وچ کامیاب ایس لئی نیں کہ اوہ اپنی نسل تے قوم دی آبیاری تے تیاری کردے نیں۔ جد کہ ساڈی قوم زیادہ تر بچے حادثاتی طو رتے پیدا کردی اے تے فیر اوہناں نوں سڑکاں توں کچرا اٹھان لئی یاں بعد وچ ریڑھی لان لئی تیار کیتا جاندا اے۔ بہتر نسل تیار کرن نال ای بہترین قوم تیار ہوندی اے۔٭