محفل ذکرونعت و استحکام پاکستان و بین المذاہب کنونشن

خالقِ کائنات اللہ رب العالمین نے اشرف المخلوقات بنی نوع انسان دی رشد و ہدایت تے مقصدِ تخلیق انسان توں آگاہی لئی اک لکھ 24ہزار انبیا کرام ؑنوں مبعوث فرمایا جناں نے اپنے اپنے دوراں وچ مخلوق نوں ہدایت دا فریضہ بخوبی سر انجام دتا

میاں عبدلرشید

خالقِ کائنات اللہ رب العالمین نے اشرف المخلوقات بنی نوع انسان دی رشد و ہدایت تے مقصدِ تخلیق انسان توں آگاہی لئی اک لکھ 24ہزار انبیا کرام ؑنوں مبعوث فرمایا جناں نے اپنے اپنے دوراں وچ مخلوق نوں ہدایت دا فریضہ بخوبی سر انجام دتا۔ انسان نوں ظلمتاں توں کَڈ کے اوہناں دے دِلاں وچ علم و معرفت دے چراغ روشن کیتے۔تے فیر قصرِ نبوت دی تکمیل کیتی خاطر خاتم الانبیا امام الانبیا، فخرالانبیا، نبی آخرالزمان، جناب سیدنا حضرت محمد مصطفی صلی اللہ علیہ والہِ وسلم نوں مبعوث فرمایا۔ آقائے دوجہاں سرورکون ومکاں حضرت محمدمصطفی صلی اللہ علیہ والہ وسلم چوں کہ خاتم النبین نیں لہذا آپ صلی اللہ علیہ والہ وسلم توں بعدنبوت داسلسلہ ختم ہوگیا،ایس لئی آقاصلی اللہ علیہ والہ وسلم توں بعداُمت نوں ہدایت تے رہبری لئی اولیائے کرام گھلے گئے جناں داسلسلہ قیامت تک جاری وساری رہے گا۔اولیائے کرام رحمتہ اللہ علیہ نے ہردوروچ پیغامِ حق عام کیتاتے بھٹکی ہوئی انسانیت نوںحق دی راہ وکھائی۔تریخ گواہ اے کہ نبی کریم صلی اللہ علیہ والہ وسلم دی ظاہری زندگی توں بعداسلام دی تبلیغ وترویج دابیڑااُمتِ مصطفی صلی اللہ علیہ والہ وسلم،علما تے اولیائے کرام نے چُکیا۔خلفائے راشدین توں لے کے موجودہ دورتک اسلام دی خدمت وچ صلحا اُمت داکردارنمایاں اے۔اینہاں پاکیزہ نفوساں نے دین ِ اسلام دے ودھا دی خاطرلازوال قربانیاں پیش کیتیاں۔ دینِ مصطفی صلی اللہ علیہ والہ وسلم نوںبلندیاں تک پہنچایابلکہ ہردور دے محدثین،مبلغین،اتقیا،اولیا ومشائخ عظام نے کفر دے خلاف سینہ سُپرہو کے بقائے اسلام دی جنگ لڑی،تریخی قربانیاں دے کے دین مصطفی صلی اللہ علیہ والہ وسلم دا عَلم اُچا کیتا۔ مرشدِ اکمل، حبیبِ مصطفیؓ، قائد روحانی انقلاب، نائب غوث الاعظم، وارث فقر حضرت صوفی مسعود احمد صدیقی لاثانی سرکار رحمۃ اللہ علیہ دا شمار وی ااینہاں برگزیدہ ہستیاں وچ ہُندا اے۔آپؒ دی ولادت نومبر1960وچ خانیوال شہر دے معزز تے متمول گھرانے وچ ہوئی۔
آپؒ دے والد ماجد جناب حاجی مختار احمد صاحب گولڑہ شریف والیاں دے بیعت سَن تے حلیم الطبع تے دریا دل انسان سَن۔ آپؒ دا اسم گرامی مسعود احمد تے لقب صدیقی لاثانی سرکار اے۔
اکثر عقیدت منداں نوں عالم رویا تے مشاہدیاں وچ جَد وی حضور نبی کریم ﷺ تے بزرگان دین کرم فرماندے ہوئے قبلہ پیرو مرشد حضرت صوفی مسعود احمد صدیقی رحمتہ اللہ علیہ بارے ارشاد فرماندے تے ناں دی بجائے لاثانی سرکار دے لقب نال ارشاد فرماندے تے جَد اوس بارے حضرت صدیقی لاثانی سرکاررحمتہ اللہ علیہ توں دریافت کیتا گیا تے آپؒ نے فرمایا:درویش دا اک ناں زمین اُتے ہُندا اے تے اک روحانی دنیا(آسماناں وچ)میں تے اُوس فقیر نوں وی حضور نبی کریم ﷺ نے روحانی نام یعنی لاثانی سرکار دے لقب توں نوازیا اے۔آپؒ بچپن توں ہی ملنسار، مہمان نواز، خوش گفتار، خوش اخلاق، نرم مزاج، عفو و درگزرکرن والے، اللہ و رسول پاک ﷺ ول مکمل توجہ، عاجزی تے انکساری ورگے اوصاف توں مزین سَن۔ آپ صدیقی لاثانی سرکارؒدی سادگی اپنی مثال آپ سی۔ غرض ایہ کہ آپ صدیقی لاثانی سرکارؒ دی زندگی اسوہ حسنہ دا بہترین نمونہ سی۔حضرت صدیقی لاثانی سرکار رحمتہ اللہ علیہ داسلسلہ طریقت حضرت سیدنا ولی محمد شاہ صاحب المعروف چادر والی سرکار رحمتہ اللہ علیہ(حسن پروانہ کالونی ملتان شریف)نال اوہناں دے مرشد پاک حضرت سیدنا پیر جماعت علی شاہ رحمتہ اللہ علیہ محدث علی پوری(علی پور سیداں شریف)دے مرشد پاک حضرت خواجہ سید نور محمد چوراہی رحمتہ اللہ علیہ نال ہُندا ہویاامیر المومنین حضرت سیدنا ابو بکر صدیق تے حضور نبی کریم رو ف الرحیم ﷺ نال جا ملدااے۔ آپؒ نے کدی مرشد دے کسی قول و فعل اُتے اعتراض نہ کیتا۔اوہناں دی ہر گل نوں محبت دی نظر نال ویکھدے تے اپنی نسبت اُتے فخر کردے۔حضرت صدیقی لاثانی سرکار رحمتہ اللہ علیہ فرماتے کہ میرے قبلہ دا فرمان اے محبت کرنے سے بڑھتی ہے۔ مرشد اکمل حضرت سیدنا چادر والی سرکار کے تیس سے چالیس سال پرانے واقعات بھی آپ مکمل تفصیل نال اینج دہراندے جس طرح ایہ اجے اج کل دے واقعات ہی ہون۔مرشد اکمل دے الفاظ نوں نہایت محبت نال دہراندے، آپؒ دی گل بات نال روحانی نکات اخذ کردے تے دُوجیاں نوں سمجھاندے۔آپؒ دی ایہ گل کئی کئی گھنٹے جاری رہندی تے حاضرین محفل نوں ویلا لنگن دااحساس ہی نہ ہُندا۔ تقریبا 5یا6ورھے تہاڈے اُتے نیم مجذوبانہ کیفیت رہی۔ ایس دوران آپؒ نے کوئی دنیاوی شغل اختیار نہیں کیتا۔ جَد فنا فی الشیخ دی منزل مکمل ہوئی تے رفتہ رفتہ طبیعت وچ سکون آندا گیا۔ قبلہ چادر والی سرکار رحمتہ اللہ علیہ نے نماز دی تاکید کیتی تے شروع ہی توں کَدی کوئی نماز نہ چھڈی۔نیم مجذوبیت دی حالت وچ وی ایس قدر سختی فرماندے کہ ترک نماز چھڈنا دے دُور دی گل بلکہ آپؒ نوں نماز وچ سستی وی گوارہ نہ ہُندی۔ قائد روحانی انقلاب صوفی مسعود احمد صدیقی لاثانی سرکار ولوں 1993توں جاری ہون والے(پوری انسانیت لئی)اعلان عام دی حقیقت کسی وی مذہب و مسلک تے فرقے نال تعلق رکھن والا شخص اگر راہ حق دی تصدیق کرنا چاہندا اے،تے صرف اک مہینے ایس فقیر(مسعود احمد صدیقی) نال نسبت قائم کر کے ویکھ لئے،اوس نوں راہِ حق دی تصدیق ہو جائے گی انشا اللہ۔حضرت صوفی مسعود احمد صدیقی لاثانی سرکار رحمتہ اللہ علیہ فرماتے سَن کہ میرے مرشد پاک حضور میاں صاحب چادر والی سرکار نے اپنی زیارت بابرکات توں نوازیا، تے میری پیشانی دے درمیان وچ 3 لکیراں لائیاں،درمیان والی گیرو رنگ دی تے آسے پاسے سفید رنگ دی۔تے ایہ بشارت دتی، بابو جی،اسیں آپؒ نوں غیر مسلماںدی سرداری عطاکیتی،اوہ وی تہاڈے توںفیض یاب ہونگے۔1993 توں ایہ گل مشاہدے وچ آئی سی کہ پاکستان سَنے پوری دُنیا وچ علم روحانیت نوں نہ منن والیاں تے مختلف مذہباں تے مسلکاں دے لکھاں لوکاں نے ایس اعلان عام نوں سُن کے آپؒ نال رابطہ کیتا تے نسبت اختیار کر کے راہِ حق اُتے گامزن ہوئے۔28 اپریل 1997 نوں حضرت صوفی مسعود احمد صدیقی لاثانی سرکار رحمتہ اللہ علیہ نے فقیراں تیدرویشاں دی محفل وچ ارشاد فرمایا!باطنی طور اُتے ایس امر دی اطلاع ہوئی اے کہ لوگ حرام کماں(سودی لین دین تے رزق حرام )وغیرہ توں اجتناب نہیں کردے،جھوٹ بولدے نیں اک دُوجے اُتے بہتان لاندے نیں۔ حتی کہ فقیراں(اولیا اللہ)اُتے وی بہتان لان توں باز نہیں آندے،نصیحت قبول نہیں کردے۔ ایسی وجہ نال لوکاں دی اکثریت میرے غضب وچ اے تے ایس وجہ نال زلزلے، پتھراں دی بارش،اگ لگنا،فتنہ وفساد، آفات وبلیات، لاعلاج تے مالی نقصان ورگے واقعات رونما ہون گے تے اچانک موتاں ہون گیاں۔ایس فرمان توں بعد حضرت صدیقی لاثانی سرکار رحمتہ اللہ علیہ نے عرض کیتی اے رب العالمین!بے شک تیری رحمت تیرے غضب اُتے حاوی اے تے تُو حل المشکلات اے ،ساڈی دستگیری فرماکہ اینہاں عذاباں توں بچا تے اسیں تیری رحمت وچ آجائے حضرت صدیقی لاثانی سرکار رحمتہ اللہ علیہ نے فرمایا کہ مینوں باطنی طور اُتے ایہ اطلاع ہوئی کہ اپنے محبت کرن والیاں،عقیدت منداں،سلسلہ والیاںنُوں کہہ دیو کہ اوہ جھوٹ تے بہتان توں پر ہیز کرن تے رزق حرام توں وی پرہیز کرن تے جیہڑا اینہاں برائیاں توں توبہ کرے تے میرے محبوب(حضور نبی کریمﷺ ) اُتے درودوسلام دے نذرانے پیش کرے اوہ اینہاں ساریاں عذاباں توں بچ سکدا اے۔صلو وسلام دے نذرانے پیش کرن دے حوالے نال آپ سر کارؒ نے عرض کیتی یا رب العالمین!اسیں کس طریقے نال تیرے محبوب اُتے صلو وسلام دا نذرانہ پیش کریئے تے الہام فرمایا گیا کہ باوضو کھڑے ہو کے مدینہ شریف ول رُخ کر کے(پاکستان وچ خانہ کعبہ شریف توں قدرے دائیں پاسے)کسی وی ویلے روزانہ اک وار قدرے اُچی آواز نال نذرانے پیش کرن،الصلوۃ والسلام علیک یارسول اللہ ٭الصلوۃ والسلام علیک یاحبیب اللہ٭الصلوۃ والسلام علیک یانبی اللہ٭الصلوۃ والسلام علیک یا رو ف الرحیم ٭الصلوۃ والسلام علیک یارحمتہ اللعالمین ۔ تے جیہڑا ایہ نصیحت قبول کرے گاتے ایسطریقے نال صلوۃ وسلام دا نذرانہ پیش کردا رہے گا اوہ شخص لاعلاج امراض، فتنہ وفساد،تے حادثیاں توں مکمل محفوظ رہے گا تے مکمل طور اُتے میری رحمت وچ آجائے گا ۔آپ(ؒلاثانی سرکار)مسلسل اپنے مریداں نوں اللہ رب العزت دے حضور توبہ واستغفار تے صلوۃ سلام دے پیغام دی تلقین فرماتے سَن ۔تے آپ وی اللہ دے حضور اُمت محمدیہﷺ اُتے رحم وکرم دی دعا فرماندے:آپ(حضرت صدیقی لاثانی سرکار رحمتہ اللہ علیہ) دا اندازِ گفتگو نہایت مشفقانہ تے ہر گلدا مفہوم اینج واضح ہُندا کہ سُنن والیاں دے دلاں وچ جذب ہُندا چلا جاندا۔دورانِ گل بات الفاظ دے استعمال تے ادب نوں ملحوظ خاطر رکھدے تے اوس گل نوں نہایت اہمیت دیندے۔ آپؒ دیاں گلاں نال لو کاں دے دل منور تے نور الہی تے حضور نبی کریم ﷺ نال عشق و محبت نال معمور ہوجاندے۔ دانشور، معاملہ فہم، علم و حکمت والے یا غورو فکر کرن والے ہی نہیں بلکہ عام شخص تے سادہ لوح انسان وی تہاڈے نال ملاقات تے آپؒ دیاں گلاں توں ایہ جان لیندا کہ آپؒ ہر لمحہ اللہ و رسول پاک ﷺ نال وصل وچ نیں تے آپ ؒ نوں مکمل محبوبیت حاصل اے۔ ایس کیفیت وچ وی آپؒ اپنا ویلا مخلوقِ خدا دی خدمت وچ صرف فرماندے۔آن والے مہماناں نوں عزت و احترام دیندیاں تے اوہناں دے آرام،کھان پین دا مکمل خیال رکھدے۔حضرت صدیقی لاثانی سرکار رحمتہ اللہ علیہ دی تربیت تے اصلاح دی بدولت لوکاں دادل و زبان ہر ہر لمحہ ذکر الہی تے حبیب الہی ﷺ دے ذکر وچ مشغول رہندا سی۔ آپؒ دے عقیدت مند تے مرید دِن رات سید الاولین و الآخرین مختار کل رحمتہ اللہ اللعالمین حضرت محمد مصطفی ﷺ دی بارگاہ وچ درودو سلام دے نذرانے پیش کر رہے نیں۔ حضرت صدیقی لاثانی سرکار رحمتہ اللہ علیہ آئینہ خدا، امام الواصلین، امام زمانہ، شیخ الشیوخ، امام الفقر ا، شہنشاہ فقر، فقیر حبیب، فنائیت و بقائیت (بقا الابقا)دے اعلی ترین مقام اُتے ہون دے باوجود خود وی نماز دے پابند رہے تے سارے سالکیناںنوں وی نماز دی پابندی دا حکم فرماندے رہے۔ نماز دے قیام بارے سختی نال حکم فرماندے تے ایہ وی فرماندے کہ نماز مومن دی معراج اے۔نماز حکم الہی اے۔تے اسیں حکم الہی نوں اپنیاں جاناں توں ودھ عزیز رکھدے ہاں۔آپؒ دا فرمان اے کہ بے نمازی دی نحوست 40گھراں تک جاندی اے۔ آپؒ نے ایس لئی نماز دی پابندی تے اُس دی اہمیت اہل معاشرہ اُتے اجاگر کرن لئی صوم وصلوۃ کمیٹیاں قائم کیتیاں۔ نماز دی پابندی دے نال نالوظائف دی پابندی، نبی کریم رئوف الرحیم ﷺ اُتے درودو سلام دے نذرانے، ذکر و نعت دیاں محفلاں کرن دا حکم فرماندے۔ ایس دے نال نال جھوٹ، بہتان، رزق حرام توں پرہیز، بزرگانِ دین بالخصوص انبیا کرام ، صحابہ کرام ، ازواج مطہرات ، اولیائے کرام دی عزت تے احترام دی تلقین فرماندے تے اوہناں دی گستاخی توں منع فرماندے۔ اصلاح معاشرہ تے فلاح و بہبود لئی حضرت صدیقی لاثانی سرکار رحمتہ اللہ علیہ نے ویاہ وچ جہیز ، بے جا اسراف تے ایس موقع اُتے فرسودہ رسماںنوں ختم تے ویلنٹائن ڈے ورگے تہوار منان تے اوہناں اُتے فضول خرچی توں منع فرمایا۔ مہنگائی، کرپشن، ودھ ہُندی فحاشی، بے راہ روی، فرقہ واریت، سود، سودی بینک کاری سسٹم دے خلاف مختلف محاذاں(فورماں)اُتے آواز اُچی کیتی جس پارون اج لوکاںوچ شعور و آگاہی بیدار ہو چکی اے۔ لوکاںوچ شعور تے آگاہی بیدار کرن وچ وقتا فوقتا سیمینار، کانفرنساں داانعقاد کردے۔ حضرت صدیقی لاثانی سرکار رحمتہ اللہ علیہ حکومتی سطح اُتے ہر چنگے کم وچ حکومت وقت دے نال تعاون کردے تے مختلف مہمات مثلا شجر کاری، پولیو، زلزلیاں، سیلاب، آفات تے ڈینگی وغیرہ دے خلاف شانہ بشانہ آپ وی کم کردے تے امدادی کیمپ لاندے۔ حضورنبی کریم روف الرحیم ﷺ ،انبیا کرام، صحابہ کرام، پنجتن پاک، آل رسول ،اہل بیت اطہار، خلفائے راشدین تے سارے بزرگان دین نے وی حضرت صدیقی لاثانی سرکار رحمتہ اللہ علیہ اُتے باطنی طور اُتے بوہت زیادہ کرم نوازیاں فرمایاں نیں ایس کرم و عطا بارے تفصیل نال سلسلہ عالیہ دیاں کتاباں وچ موجود اے۔پوری دنیا وچ درود و سلام دا پیغام عام کرن والی عظیم روحانی شخصیت چیئرمین لاثانی ویلفیئر فائونڈیشن انٹرنیشنل، امیر تنظیم مشائخ عظام پاکستان، ناظم اعلی آل پاکستان صوم و صلو کمیٹی و چیئرمین بین المذاہب امن اتحاد پاکستان پیر طریقت، مرشد اکمل حضرت صوفی مسعود احمد صدیقی لاثانی سرکار رحمتہ اللہ علیہ مورخہ 26نومبر 2021 بروز جمعۃ المبارک بمطابق 20ربیع الثانی 1443ہجری نوں اپنے خالقِ حقیقی نال جاملے۔