ڈاکٹر رزاق شاہد دا ڈائریکٹرطور اک سال مکمل

دیال سنگھ ریسرچ اینڈ کلچرل فورم

رپورٹ: عمران احمد

ڈاکٹر عبدالرزاق شاہد ڈائریکٹر دیال سنگھ ریسرچ اینڈ کلچرل فورم نے پچھلے سال جولائی وچ ایہ ذمہ داری سنبھالی، اک سال مکمل ہون تےاوہناں نوںمبارک باد دین تے فورم ولوںسال بھرہون والے ویبی نارز دے رلتاں دا خصوصی شکریا اداکرن لئی اک آن لائن انٹر نیشنل تقریب دا سربندھ کیتا گیا ۔
تقریب دا آہر ڈائیسپورا(کینیڈا)تے ورلڈ پنجابی فاؤنڈیشن نے کیتا۔ DSRCFڈائسپورادے ڈائریکٹر بھوپندر سنگھ (سادھو جی) پروگرام دے میزبان سن جد کہ ورلڈ پنجابی فاؤنڈیشن دے صدر درشن سنگھ ہروندر شریک میزبان سن۔بھپندر سادھو جی( کینیڈا ) نےگل بات دا مڈھ بنھدیاںآکھیا ،ڈاکٹر عبدالرزاق شاہددے بطور ڈائریکٹر اپنی اک سال د ی مدت کامیابی نال مکمل پر اوہناں نوں مبارک باد دتی تےرلتیاں نوں دسیاکہ اوہناںنے اپنیاں صلاحیتاںنوں جس طرح بروئے کار لیا کے فورم نوں عالمی پدھرتے روشناس کروایا۔ ایس دی جنی تعریف کیتی جائے گھٹ ہے۔ اوہناں دے اک سالا دور وچ بہت سارے کم ہوئے، جیہناں نوں سراہنا بہت ضروری ہے۔ ورلڈر پنجابی فاؤنڈیشن ،پنجابی میڈیا گروپ، ٹی وی چینل” ڈسکور پاکستان”، لاہورکالج فار ویمن یونیورسٹی ، گورنمنٹ کالج یونیورسٹی لاہور تے کئی ہوراداریاں دے نال مفاہمتی یادداشتاں تے دستخط اوہناں دی کامیابی دے گواہ ہین۔ مہاراجہ رنجیت سنگھ دے وزیر خارجہ فقیر عزیز الدین دی یاد وچ قائم (فقیر خانہ میوزیم)دے کرتا دھرتا فقیر سیف الدین ہوراںنے وی دیال سنگھ ریسرچ اینڈ کلچرل فورم نال تعاون کرن دی خواہش دا اظہار کیتا اے۔ ڈائریکٹر، DSRCF ڈاکٹر عبدالرزاق شاہد نے اپنی اک سال دی کارکردگی بارے وچ شرکاء نوںدسیا کہ” میں دیال سنگھ ریسرچ اینڈ کلچرل فورم دے ڈائریکٹر دے طور تے سال گزاریا، میرے دوروچ دیال سنگھ ریسرچ اینڈ کلچرل فورم نے بین الاقوامی پدھر تے اپنی رسائی نوں ودھایا۔گورنمنٹ کالج یونیورسٹی وچ گرو نانک چیئر قائم کرن لئی شروعات میرے دوروچ ہوئی۔ بہت چھیتی ایہ چیئر کم شروع کرن والی ہے۔ کینیڈا وچ DSRCF آفس نے کم شروع کر دتا ہے اوتھے بھوپندر سنگھ (سادھو جی) نوں ڈائیسپورداا ڈائریکٹر مقرر کیتاگیا ہے۔جس توں فورم دیاں سرگرمیاںنوں عالمی پدھر تے وسعت دتی تے دنیا دے منے پرمنے سکالرز نال رابطےوچ آسانی ہوئی ہے۔
درشن سنگھ ہرویندر، صدر ورلڈ پنجابی فاؤنڈیشن نے کہیا کہ پروفیسر عبدالرزاق شاہد پنجابی زبان لئی اک زیور ہین کیوں جے ااوہناں نے 36 سال تک بطور استاد ملک دی خدمت کیتی اے، اوہ ہن وی گورنمنٹ کالج یونیورسٹی لاہوروچ بطور وزیٹنگ فیکلٹی خدمات سرانجام دے رہے ہیں۔اوہناں نے فورم دے کماں دا دائرا عالمی پدھرتیک ودھا کے اپنی صلاحیتاںنوں منوایا ہے۔خاص طور تے پنجابی زبان تے ادب دے فروغ دے نال نال اوہناں دا فوکس ثقافتی سرگرمیاں ول ہے جس توں دوناں پاسے دے فنکاراں دے وفود دے تبادلیاں دے نال نال ثقافتی پدھرتےبھائی چارے نوںودھا ملے گا۔ ارون سنگھ (امریکا) نے اپنے ویڈیو پیغام وچ ڈاکٹر رزاق شاہد دیاں خدمتاں نوں سراہندیاں ہوئیاں اوہناں نوںاک سال کامیابی نا ل پورا کرن تے مبارک باددتی۔پریت سنگھ (امریکا)نے کہیا کہ ڈاکٹر عبدالرزاق شاہد بہت ہی محبت کرن والے، ملنسار طبعت دے مالک ہین۔ مینوں اوہناں نال ملن دا اتفاق ہویا ہے۔ میں پنجاب دے وزٹ دے موقع تے بہت ڈریا ہویا تے سہمیا ہویاساں۔ ایس لئی میں صرف تن چار دن دا پروگرام بنایا سی پر اوہناں نال مل کے،میرا خوف جاندا رہیا تے میںاوتھے14دن قیام کیتا۔اوہناں دا کہنا سی کہ بطور ڈائریکٹر اوہناںدے کم مونہوں بولدے نیں۔کرپال سنگھ ننھار(امریکا)نے کہیا کہ ا وہ ڈاکٹر عبدالرزاق شاہد نوں چنگی طرح توں نہیں سن جان دے،اج دی تقریب دے رلتیاں نے اوہناںنال واقفی کروائی اے دیال سنگھ ریسرچ اینڈ کلچرل فورم دی اہمیت توں آگاہ کیتااے۔ اوہناں تنظیم دیاںہور کامیابیاں لئی نیک خواہشاں دا اظہار وی کیتا۔
ڈاکٹر دلجیت سنگھ ورک (یوکے)نےدسیا کہ ڈاکٹررزاق شاہدنال اوہناں دی پہلی ملاقات 2023دیاںوساکھی دیاں تقریباںدے دوران ہوئی۔ اوہناں نوں دیال سنگھ ریسرچ اینڈ کلچرل فورم دیاں چھپیاںکجھ کتاباں دا تحفاتے یادگاری شیلڈدتی گئی، ایہ بڑا ای یادگار موقع سی۔رزاق شاہد ہوراں اپنیاں محبتاں دا اسیر کر لیا۔اوہناں نے فورم لئی نیک تمناواں دا اظہاروی کیتا ۔انجینئر دیوندر موہن سنگھ (انڈیا)نے کہیا کہرزاق شاہد نال میری شناسائی دا عرصابھاویں بہت گھٹ ہےپرر میں اوہناں توں بے حد متاثر ہویا ںا وہ بہت محبت کرن والے انسان نیں۔ پروفیسر جسبیر سنگھ سادھو (انڈیا) نےڈاکٹر عبدالرزاق شاہد نوں پوری دنیا دے پنجابیاں نوں اک پلیٹ فارم یعنی دیال سنگھ ریسرچ اینڈ کلچرل فورم تے اکٹھیاں کرن تے مبارکباددتی۔ اوہناں نے پنجابیاںتے پنجابی زبان لئی کیتی جان والیاں مخلصاناکوششاں نوں سراہیا۔ اوہناں کہیا کہ دنیا بھر وچ پنجابی دے فروغ لئی انتھک تے محنت نال کیتیاں کاوشاں تاریخ وچ ہمیشایاد رکھیاں جان گیاں۔
پروفیسرجگ موہن(انڈیا) نے فورم دیاں گذرے سال دیاں سرگرمیاں نوں سراہندیاں ہوئیاں تجویز دتی کہ نوجواناں تے خواتین نوںوی مختلف تقریباں وچ دسیاجانا چاہیدااے۔ اوہناں نے گورمکھی تے شاہ مکھی وچ چھپے لٹریچر دی اک توں دوجے سکرپٹ وچ منتقلی ول وی توجھا دینی چاہدی اے تاںکہ دونواں پاسے تخلیق ہون والے ادب توں واقفیی ہو سکے۔
اوہناں نے سکالرز خاص کر کےنوجوان سکالرز دے وفوددکے تبادلیاں تے زور دتا۔ روپندر سنگھ(انڈیا)نے ڈاکٹرعبدالرزاق شاہدنوں مبارکباد دتی تے نیک خواہشاں دا اظہار کردیاںکہیا کہ اوہ اپنا کم ایسے رفتار تے سرعت نال جاری رکھن۔ڈاکٹر سریش کمار شرما(انڈیا) نے گفتگو کردیاں ہوئیاں کہیا کہ میںپچھلے اک سال توں فورم نال جڑیا ہوئیاں،مینوں کئی تقریبات وچ رلت کرن تے مختلف موضوعاں تے گل بات کرن دا موقع ملیا۔ میں ڈاکٹر صاحب دی شخصیت تے طبعت توں بے حد متاژر ہویا ہاں۔ اوہناں بہت اچھے اچھے پروگرام کرائے ہیں۔
اوہناں مشورہ دتا کہ نوجوان سکالرز نوں وی فورم دیاں سرگرمیاں وچ شامل کرنا چاہی د ااے۔تن گھنٹے تک چلن والے ایس پروگرام دے آخیر تے میزبان بھوپندرسنگھ سادھو، شریک میزبان ڈاکٹر درشن ہروندرسنگھ تےڈائریکٹر رزاق شاہد ہوراںواری واری تقریب دے رلتیاں دا شکریا ادا کیتا۔