رحمت علی رازی مرحوم یاد بوہت آن گے!

تحریر:شاہد ندیم احمد

زندگی موت دے پرچھاویں وچ پرورش پاندی اے، زندگی نمودار ہوندی اے، ابھردی اے، شاہ راہ حیات کیروشن تے تریک نشیب و فراز توں لنگھدی اے، تے فیر موت دے ہنگامیاں وچ روپوش ہو جاندی اے، کسے مقصد توں بے نیاز، ک سے کارنامے توں ب ے پرواہ، اک بے نام جہی رہ گزر تے ظاہر ہوندی اے تے پانی دے بلبلے وانگوں فنا ہو جاندی اے، ایس دے سفر وچ نہ کوئی شناخت نہ معرفت، نہ مقصدیت توں شناسائی ہوندی اے، ایہناں نوں ایہہ وی پتا نہیں ہوندا کہ ایس دا کارگہِ عالم وچ ایہناں نوں کیوں لیایا گیا تے کیوں ایس امانت توں محروم کیتا جا رہیا اے پر ایسے عالم رنگ و بو وچ کجھ وجود انج دے وی ہوندے نیں جہڑے خموشی دے نال اکھاں کھولدے نیں پر حیات دے ایس سفر ودچ اپنی خداداد صلاحیتاں، فطری استعداداں، بے پناہ مشقتاں، مسلسل قربانیاں تے مستقل جاں فشانیاں توں کارنامیاں دا اک انج دا جہاں اآباد کر جاندے نیں کہ ایہناں دا ہر نقش قدم اآن والی نسلاں لئی مشعل راہ بن جاندا اے۔ رحمت علی رازی دا شمار وی انج دی ای شخصیات وچ ہوندا اے جیہڑے اپنے تعمیر جذبات ، لافانی خدمات دے لہو توں صحرا نوں نہ صرف گلزار بنا دیندے نیں بلکے بے مایہ ذریاں دی انج دی پرورش کردے نیں کہ ایہناں نوں اآفتاب دی حیاتی مل جاندی اے۔
رحمت علی رازی نے جس فضا وچ پرورش پائی، اوہ ماحول سنت نبوی ﷺدی شعاع نال جگمگا رہیا سی، درویشانہ مزاج دی خوشبو ہر سو پھیلی ہوئی سی، فکر و فن دے زمزمیاں نال پوری فضا گونج رہی سی، علم و ادب دے نال نال فقیرانہ شان دی حکمرانی سی۔ ایس روحانی تے علمی فضا نے ایہناں دی شخصیت دی تعمیر و تشکیل وچ سنگ میل دا کردار ادا کیتا، تاں زندگی دے علمی و ادبی تربیتی عروج وچ تاریخی شعور دی پختگی تے کرداراں دی بلندی وچ ذاتی استقامت و استقلال خاصا رہیا اے۔ رحمت علی رازی ایہناں نوں اثاثیاں دی بنیاد تے اپنی زندگی وچ کامیابیاں دے عروج تیکر اپڑے پر جدوں عدم دے سفر تے روانہ ہوئے تے اک عالم نوں سوگوار کر گئے۔ دانش گاہواں دے بام و در تے جتھے اداسی چھائی، اوتھے صحافتی حلقیاں وچ ماتمی پرچھاویں ودھ گئے، قلم و قرطاس دی دنیا وچ غل ہویا کہ اک تابناک ستارہ علمی افق توں ٹٹ کے تاریکیاں وچ کدھرے گم ہو گیا اے۔ 15 جون دی کالی رات دے رخت سفر بنھدے ہوئے کنہوں خبر سی کہ علمی و فکری اسمان دا ستارہ وی اپنی تریخ زنبیل وچ لُک کے رخصت ہو جائے گاتے سحر دی سفیدی نوں بے نور کر جائے گا۔ قدرت دا نظام اے کہ ہر اآن والے نوں اک نہ اک دن جانا اے۔ رحمت علی رازی وی ایمان و عمل دے سرمائے دے نال رخصت ہو گئے پر ایس طرح کہ پوری صحافتی علمی دنیا نوں اشک بار کر گئے۔ اک کامیاب قابل رشک زندگی دی ایہو علامت اے کہ اوہ دنیا والیاں دے دلاں وچ اپنے بہترین کم تے کرداراں دی بدولت ایس طرح گھر کے جاوے کہ ایس دی جدائی برداشت کرنا اپنیاں توں علاوہ غیراں لئی وی اوکھی ہو جاوے۔ رحمت علی رازی دنیائے اکھ توں اوجھل ہو گئے پر اپنے لکھاں چاہن والیاں دے دل توں کدی نہیں نکل سکن گے۔
رحمت علی رازی مرحوم اک خوب سیرت شخصیت دے مالک ہون دے نال ہر دل عزیز سن، اوہ اک معروف سینئر صحافتی و کالم نگار دی حیثیت نال اہم عہدیاں تے فائز رہے۔ اپنے آخری دناں وچ جوائنٹ سیکرٹری آل پاکستان نیوز پیپر (اے پی این ایس) ممبر ایگزیکٹو کمیٹی (اے پی این ایس) ممبر سٹیڈنگ کمیٹی (سی پی این ای) تے چیئر مین عزم گروپ دی حیثیت نال فرائض سر انجام دے رہے سن۔ صحافتی زندگی وچ ایہناں دی وجہ شہرت جتھے تحقیقتی رپورٹنگ بنی اوتھے کالم نگاری وچ اپنے منفرد اسلوب پاروں اعلیٰ ناں تے مقام بنایا۔ روزنامہ جنگ وچ ’’درونِ پردہ‘‘ دے ناں توں باقاعدگی نال شائع ہون والا کالم قومی تے بین الاقوامی سطح تے ہر مکتبہ فکر دی توجہ دا مرکز بن گیا جیہڑا آخری دناں تیکر روزنامہ ’’ایکسپریس‘‘، روزنامہ’’طاقت‘‘ اور ہفت روزہ ’’عزم‘‘ دے صفحیاں دی زینت بن رہیا سی۔ رحمت علی رازی پاکستان دے اکو صحافی نیں جنہاں نے تحقیقی رپورٹنگ وچ ست ’’اے پی این ایس‘‘ایوارڈ حاصل کر کے صحافت دی تریخ وچ اک سنہرا باب رقم کیتا۔ شعبہ صحافت وچ گراں قدر خدمات دے اعتراف وچ ایہناں نوں 23 مارچ 2000 نوں ’’صدارتی تمغہ برائے حسن ِ کارکردگی‘‘ نال وی نوازیا گیا اے۔
رحمت علی رازی مرحوم نوں جدا ہوئے اک ورھا لنگھ گیا پر انج لگدا اے کہ جویں کل دی گل اے۔ ایہہ کل دی جدائی دا لگیا زخم اج وی ہرا اے تے یاداں دے دریچے توں ان گزرے لمحیاں نوں محسوس کر رہیا اے جیہڑے ایہناں دے نال لنگھے سن ۔میری رحمت علی رازی مرحوم نال کجھ زیادہ ملاقاتاں نہیں رہیاں پر ایس دنیائے فانی توں رخصت ہون والے دو تن دن پہلاں آخری ملاقات یاد گار اے۔ ایس لمبی نشست وچ رحمت علی رازی مرحوم نے ہر موضوع تے کھل کے گل کیتی سی۔ اوہناں نے سیاست توں لے کے اج دی صحافت دا بڑی باریک بینی نال مکمل جائزہ پیش کیتا سی۔ ایس تجزیاتی گل بات دے تناظر وچ ویکھیا جائے تے موجودہ دور دے اہل دانش ایہناں دی فہم و فراست توں کوساں دور نظر آندے نیں۔ اوہناں نے ویلے دے حالات دے تناظر وچ مستقبل وچ آن والے جنہاں خدشیاں دا ذکر کیتا سی اج صحافتی ادارے تے ملک ایسے دوراہے تے کھلوتااے۔
رحمت علی رازی مرحوم وزیراعظم عمران خان دے ہمدرداں وچوں سن تے ایہناں نوں چنگے مشوریاں دے نال تجویزاں وی دیندے رہندے سن جے اج وی ایہناں دی دتی گئی تجویزاں تے نظر ثانی کر لئی جاوے تے ملک دے بوہت سارے مسئلیاں دا سدباب ہو سکدا اے۔
رحمت علی رازی مرحوم پکے تے سچے عاشق رسول ﷺ سن ۔ آپ ﷺ دی محبت ایہناں دے دل وچ گھر کر چکی سی۔ اوہناں نے مینوں دسیا کہ اکثر رات جاگ کے عبادت وچ لنگھانا واں تے ہمہ وقت درود شریف پڑھنا عادت بن گئی اے۔ اوہناں نے مینوں وی بڑی محبت نال تاکید کیتی کہ درود شریف کثرت نال پڑھیا کرو۔ دل نوں سکون ملن دے نال عام زندگی وچ وی بوہت فائدہ ہوندا اے ، میرے تے ایہناں دی نصیحت دا مثبت اثر ہویا اے۔ رحمت علی رازی مرحوم دی خلوص بھری قربت بھلن والی نہیں، اوہ اکھ توں اوجھل ہو کے وی ہر دم یاداں وچ زندہ رہن گے۔ ایس عالم فنا توں بقا ول ہر بندے نوں جانا اے، رحمت علی رازی مرحوم وی حیات مستعار دا متعین حصہ لنگھا کے ایس جہان ول رخصت ہو گئے جتھوں واپسی دے راہ ہر اک لئی بند نیں پر اپنے روشن کارنامیاں تے زریں خدمات دی بدولت اپنے وجود زندگی محمد اویس رازی نوں روشنی عطا کر گئے نیں جیہڑی ایہناں نوں اآئندہ کامیابیاں دی منزلاں طے کرن وچ مددگار ثابت ہوئے گی۔ جے محبت خلوص نال ویکھو تے محمد اویس رازی وچ رحمت علی رازی دی شبیہ وکھائی دیندی اے، اسیں دعا گو آں کہ محمد اویس رازی عزم میڈیا گروپ نوں ایس مقام تیکر لے جان وچ کامیاب ہو جان، جس دی آرزو رحمت علی رازی کیہ کردے سن۔ اللہ پاک محمد اویس رازی نوں کامیابی تے رحؐت علی رازی مرحوم نوں جنت الفردوس دے اعلیٰ مقام وچ جگہ عطا فرمان ۔ آمین