پاکستان طبی کانفرنس جمہور اطباء دی واحد ملک گیر جماعت

پروفیسر حکیم سید عمران فیاض

پاکستان طبی کانفرنس حقیقت وچ مسیح الملک حکیم محمد اجمل خان مرحوم دی تاسیس کردہ طبی تنظیم آل انڈیا آیورویدک اینڈ یونانی طبی کانفرنس دی آئینی قائم مقام تنظیم اے جس دا قیام 1910ئ وچ ہویا، تے قیام پاکستان دے بعد ملک دے دیگر شعبیاں وانگوں ایہہ تنظیم وی دو حصیاں وچ ونڈی گئی۔
تاریخی اعتبار نال ایس تنظیم دی لوڑ ایس ویلے محسوس کیتی گئی جدوں برطانوی دور حکومت وچ حکومت بمبئی نے رجسٹریشن ایکٹ دے نفاذ دے ذریعے غیر رجسٹرڈ معالجین دی پریکٹس اُتے پابندی عائد کرن دا فیصلہ کیتا تے ایس دی آڑ وچ دیسی طباںتے ایس دے معالجین نوں ختم کرن دا منصوبہ بنایا گیا۔
مسیح الملک حکیم محمد اجمل خان نے آن والے خطریاں دا ادراک کردے ہوئے پورے ملک دے اطباء تے ویداں نوں اک مرکز اُتے اکٹھا کرن لئی شبانہ روز محنت کیتی تے فن طب دے تحفظ تے بقا تے دیسی طباں دے معالجین دی حیثیت نوں تسلیم کروان لئی آل انڈیا آیورویدک اینڈ یونانی طبی کانفرنس دی بنیاد رکھی۔ ایہہ تنظیم اپنے پروگرام بے لوث خدمت تے سچے جذبیاں دی بنیاد اُتے استوار ہون دی وجہ نال ملک گیر شہرت حاصل کر گئی تے ایس نے اک تحریک دی شکل اختیار کر لئی، ایس تنظیم دی مقبولیت تے ہمہ گیری دا اعجاز سی کہ حکومت نوں اپنا فیصلہ بدلنا پیا۔
قیام پاکستان دے بعد ایس دا اک ملک گیر اجتماع ایس خطے دی پرانی درسگاہ طبیہ کالج (انجمن حمایت اسلام) لہور وچ ہویا جس وچ ایس دا ناں پاکستان طبی کانفرنس دے ناں توں موسوم کرن دی منظوری فرمائی، ایس تنظیم دا پہلا اجلاس عام کراچی وچ منعقد ہویا جس دی صدارت مادر ملت محترمہ فاطمہ جناح نے فرمائی بعد وچ 20 نومبر 1966 باضابطہ طور اُتے شفا الملک حکیم محمد حسن قرشی نوں تنظیم دا صدر منتخب کیتا گیا۔ پاکستان طبی کانفرنس دی قیادت دی شبانہ روز کاوشاں نال اطباء پاکستان نوں یونانی اآیورویدک اینڈ ہومیو پیتھک پریکٹیشنرز ایکٹ 1965IIء دے تحت قانونی طور اُتے پریکٹس کرن دا حق ملیا تے ایس ایکٹ دی رو نال پاکستان دا پہلا طبی بورڈ تشکیل پایا جس دے سارے اراکین نوں حکومت پاکستان نے نامزد کیتا تے پاکستان طبی کانفرنس دے مرکزی صدر شفا الملک حکیم محمد حسن قرشی نوں ایس بورڈ دا پہلا صدر منتخب کیتا گیا جنہاں دی وفات توں بعد پاکستان طبی کانفرنس دی صدارت اُتے حکیم میاں محمد نبی خان جمال سویدا منتخب ہوئے، تے ایس ویلے لخت جگر شفا الملک حکیم محمد حسن قرشی حکیم اقبال احمد ق رشی کرسی صدارت اُتے جلوہ افروز نیں۔
پاکستان طبی کانفرنس دی طبی تاریخ وچ کیتے جان والے اقدامات وچ مثالی پیش رفت ہوئی جس نال
*- اطباء دے وقار وچ وادھا ہویا۔
*- اطباء نوں سرکاری ملازمتاں ملیاں۔
*- اطباء دے گریڈاں وچ وادھا ہویا۔
*- طبی شفاءخانیاں دا اجراء ہویا۔
*- محکمہ بہبود آبادی وچ وفاقی سطح اُتے ڈائریکٹوریٹ آف حکیم دا قیام عمل وچ آیا۔
*- وفاقی دارلحکومت اسلام آباد وچ نیشنل کونسل فار طب لئی تھاں تے ایس دی چاردیواری دی تکمیل تے ترقی طب دے بوہت سارے منصوبے بنائے گئے۔
ایس تنظیم نوں ایہہ اعزاز حاصل اے کہ ایس دے ملک گیر اجلاساں وچ مادر ملت محترمہ فاطمہ جناح، ؒ ڈاکٹر علامہ اقبالؒ , صدر مملکت آف پاکستان , گورنر ,سپریم کورٹ و ہائی کورٹ کے جج صاحبان , صدر و وزیراعظم آزادکشمیر , چیئرمین سینٹ , سپیکر قومی و صو بائی اسبلی , وفاقی و صوبائی وزراء. مفتی اعظم فلسطین تے بے شمار نامور قومی , سماجی , صحافتی , سماجی , سیاسی تےبین الاقوامی شخصیتاں نے شرکت فرمائی۔
پاکستان طبی کانفرنس نے اطباء دی بہتری تے فلاح و بہبود دی خاطر مرکزی صدر حکیم اقبال احمد قرشی دی ہدایات اُتے مختلف شعبہ جات دا قیام عمل وچ لیاندا جنہاں وچ
*- شعبہ تصنیف و تالیف
*- شعبہ انسداد منشیات
*- شعبہ قانون
*- شعبہ تحقیق
*- شعبہ خواتین
*- شعبہ طلباء و طالبات
*- شعبہ جراحت
شامل نیں۔ پاکستان طبی کانفرنس دی آئندہ ترجیحات وچ
*- حکماء دی حج میڈیکل مشن وچ شمولیت
*- دارالحکمتاں وچ سرکاری طبیہ کالجاں دا قیام
*- طبی ریسرچ سینٹرز دا قیام
*- ہسپتالاں وچ اطباء دی تقرری
*- صحت بجٹ وچ اطباء لئی وکھری رقم
*- نکے دوا ساز اداریاں لئی خصوصی مراعات تاں جے ملکی دوا سازی دی صنعت فروغ پائے
*- ڈگری کورسز دی حوصلہ افزائی
*- نباتات دی کاشت لئی کمیشن دا قیام
*- وفاقی تے صوبائی سطح اُتے مشیر طب دی تقرری
*- طبی تعلیم نوں اکیڈمک تعلیم دے برابر قرار دلوان لئی اقدامات نمایاں ترجیحات وچ شامل نیں۔
پاکستان طبی کانفرنس شعبہ طب دی ترقی لئی طبی لیکچرز، تے عالمی معیار دے طبی سیمینارز دا انعقاد کروان دے نال نال وفاقی تے صوبائی وزراء، P.H.C ہیلتھ فائونڈیشن، محکمہ صحت تے وفاقی محتسب توں اطباء دے تحفظ و بقاء دی خاطر رابطہ و ملاقاتاں ایس تنظیم دا طرئہ امتیاز رہیا اے۔
پاکستان طبی کانفرنس اپنے قیام توں لے کے اج تیکر اطبائے پاکستان دی فلاح تے طب دی ترقی تے ترویج لئی کوشاں اے تے ایہہ واحد ملک گیر تنظیم اے جیہڑی ملک دے چارے صوبیاں تے آزاد کشمیر دے شہری علاقیاں توں لے کے پنڈ دے علاقیاں تیکر اپنا تنظیمی ڈھانچہ رکھدی اے تے اپنی بے لوث خدمات دی بنا اُتے اطبائے پاکستان دے اعتماد اُتے پورا اتردی اے۔
پاکستان طبی کانفرنس دا تنظیمی ڈھانچہ اسلامی جمہوریہ پاکستان دے چارے صوبیاں، بشمول آزاد کشمیر، گلگت، بلتستان وچ پوری آب و تاب دے نال موجود اے، ایس تنظیم دے پنجاب دے صدر پروفیسر حکیم حافظ محمد یونس، صوبہ سرحد دے صدر پروفیسر حکیم عبدالواحد شمسی، صوبہ سندھ دے صدر پروفیسر حکیم محمد منور شیخ، صوبہ بلوچستان، صوبہ آزاد کشمیر دے بشمول گلگت بلتستان دی تنظیم دے عہدیداران طب تے طبیب دی فلاح و بہبود پاکستان طبی کانفرنس دی پہچان نیں تے جدوں طب دی تاریخ لکھی جائے گی تے صرف پاکستان طبی کانفرنس دی مایہ ناز قیادت دیاں کاوشاں کامیابیاں دا ذکر سنہرے حرفاں وچ لکھیا جائے گا۔ الحمداللہ نیشنل کونسل فار طب حکومت پاکستان نوں دفتر لئی ملن والی زمین طبی تاریخ دا اک اہم قدم اے، جتھے تھاں دی چار دیواری دا کم مکمل ہو چکیا اے۔
الحمداللہ وطن عزیز دے محب الوطن اطباء اکرام اک وار فیر اپنی قیادت اُتے اللہ رب العزت دے شکر دے نال فخر کر رہے نیں۔ اسیں اطباء دی شان صدر پاکستان طبی کانفرنس حکیم اقبال قرشی، ڈاکٹر ضابطہ خان شنواری ۔ حکیم و ڈاکٹر ذاھد اشرف ۔ حکیم وید جمیل خان ۔ حکیم منصورالعزیز سپرا ۔ حکیم حافظ محمد یونس ۔ حکیم اے بی بھٹی تے سالار طب حکیم احمد سلیمی ہوری تے سارے کاروان پاکستان طبی کانفرنس نوں ایس کامیاب کاوش اُتے سلام پیش کردے نیں۔بلاشبہ ایہہ قیادت دی طب تے طبیب دے نال اخلاص دا ثمر اے۔ اللہ تعالیٰ مزید کامیابی عطا فرمائے۔ آمین