تیجی اکھ دا سفر تے میں

اک دیہاڑے سورج وانگوں چمکاں گا
سوچاں اندر سورج رکھیا ہویا اے
کدی کدی ساڈی سوچ چوں نکلیا ہویا اکھر”امر”ہو جاندا اے،2007 وچ ایہ شعر میں کہیا سی مینوں نہیں علم سی کہ ایہ شعر میرا مینوں امر کر دیوے گا۔جیویں رب کرے انج ای ہوندا اے24 جون دے دیہاڑے میں اک مشاعرہ دا پربند کیتا سی جس وچ فیروز وٹواں توں تشریف لیائے متر افضال اسلم جی وی سن اوہناں میرے کن وچ کنو کنو کیتا تے آکھیا بھئی اسیں عید دے دوجے دیہاڑے اک مشاعرہ رکھیا جیس وچ تہاڈی کتاب تیجی اکھ دی مکھ وکھالی ہووے گی تے کی تسیں تشریف لے آئو گے؟میں کہیا ضرور آواں گا11 جولائی عید دے دوجے دیہاڑ میں تے عرفان سانول جی سمندری توں موٹر سائیکل منڈی تے سدھا فیروز وٹواں اپڑے اوتھے جا کے اساں فیصل آسی جی ہوراں نوں کال کیتی تے اوہناں اگے کھاریاں والا آن دا کہیا جہڑا کہ 8 کلومیٹر دوری دا فیروزوٹواں توں سی فیصل آسی جی ہوراں کول 10 وجے دے نیڑے تیڑے اسیں اپڑ گئے ساں اوہناں کھلے متھے سانوں جی آیاں نوں آکھیا تے اپنے نال گھر لے گئے اوہناں ساڈی سوچ توں ودھ آ بھگت کیتی جیس تے فیصل جی ہوراں دا شکریہ ادا کرنا لازمی اے2 وجے دے نیڑے افضال اسلم جی ہوراں دی کال آئی میں اوہناں نوں کہیا ان شااللہ 2 وج کے 30 منٹاں تے تہاڈے کول ہوواں گے میں،فیصل آسی تے عرفان سانول جی مشاعرہ والی تھاہراں تے اپڑے فیروز وٹواں والے بیلیاں ساتھیاں ساڈا سوہنا تے انملا استقبال کیتامشاعرہ تقریبا ساڈھے 3 وجے کول شروع ہو گیا سب دوستاں نیں بھرواں کلام سنایا مولوی عبدالستار جی ہوراں دا کلام وی گائیکی دی شکل وچ سنن نوں ملیا مشاعرہ وچ شریک شرکا کرام نے جی بھر کے داد دتی مشاعرہ وچ کجھ دوستاں نال سلام دعا پہلوں توں ہیگی سی جہدے وچ جاوید پنچھی جی،زاہد اقبال بھیل جی،ساجن انصاری جی،زین جی،چیتے وچ نیںمشاعرہ دے آخر تے دوستاں نوں ایوارڈز توں وی نوازیاں گیا میرے حصے وچ مولوی عبدالستار ایوارڈ آیاباقی جیاں نوں وی اوہناں دے ادبی قد کاٹھ نوں سانویں رکھ کے ایوارڈز دتے گئے۔