سرو دی کوی
بشیراحمد شاد
میں اک سرودی کوی آں
میری کوتا مٹی وچوں پنگری اے
ماہئیے ڈھولے گائوندا ہاں
لوکاں دا من پرچاوندا ہاں
اس دھرتی دے سینے اُتے
پہلے پُھل جدوں کھڑیا سی
ہسدے بدل دے مُکھڑے چوں
چھم چھم مینہ جدوں ورھیا سی
پُھل دی خشبو گیت سی میرا
پیار دا میں ورتارا ہاں
شانتی دا ہرکارا ہاں
دھرتی دا میں گہنا ہاں
اکھراں دا راج دُلارا ہاں
پُھلاں دے و چ رنگ نیں میرے
بھکھدے تارے انگ نیں میرے
سارے لوکی سنگ نیں میرے
سچ تے سچ اے
توں وی سچ ایں
بُلھے شاہ دی کافی وانگوں
وارث شاہ دی ہیر دے وانگوں
سچ توں کاہدا اوہلا رکھنا
کُوڑے دے کولوں کاہدا ڈرنا
آ پھیر دوویں اک ہو جائیے
کُوڑے دے مونہہ توں بھوچھن لاہئے
