غزل

منصور عزمی

چُپ چپیتے ظلم جو جردا اے مجرم ِگنیا جاندا اے
ظالم دِی جو حامی بھردا اے مجرم ِگنیا جاندا اے
ایتھے توں منصور دا چولا پائون تو پہلاں سوچ لویں
جیہڑا کھریاں کھریاں کردا اے مجرم ِگنیا جاندا اے
پھٹ ہمیشہ سینے اُتے لگدے نیں سچیاراں دے
کنڈ تے زخم جو کھا کے مردا اے مجرم ِگنیا جاندا اے
عشق تے جنگ وچ پیر دھرن توں پہلاں ایناں سوچ لووَ
جو وی وچ میدانے ہردا اے مجرم ِگنیا جاندا اے
دڑ وٹ کے سہہ جانی پیندی جو کُجھ ایتھے واپردی
سُن لے جیہڑا اگیوں وہردا اے مجرم ِگنیا جاندا اے
ایتھے سنھّاں لائوندے نیں جو اوہ پردھان اکھوائوندے نیؓ
مالک ایتھے جیہڑا گھر دا اے مجرم ِگنیا جاندا اے
اک نقطہ مَحرم نوں مجرم پل وچ عزمیؔ کر چھڈدا
جیہڑا جرم اجیہے کردا اے مجرم ِگنیا جاندا اے