عمران خان اپنے دوستاں تے سرکار نوں بچان لئی نیب ترمیمی آرڈیننس لیائے: مریم اورنگزیب

لہور: مریم اورنگزیب آکھیا اے عمران خان اپنے دوستاں تے سرکار نوں بچان لئی نیب ترمیمی آرڈیننس لیائے، آرڈیننس جاری ہون توں دو دن پہلاں احسن اقبال نوں بے گناہ تے ناحق گرفتار کیتا گیا۔ ترجمان مسلم لیگ (ن) مریم اورنگزیب نے اپنے بیان وچ آکھیا آرڈیننس جاری ہون دے بعد مسلم لیگ (ن) سنے اپوزیشن دے سارے بے گناہ قیدیاں نوں فی الفور رہا کیتا جاوے۔ اوہناں آکھیا احسن اقبال دے خلاف کرپشن کوئی کیس نہیں، عمران صاحب تے چیئرمین نیب مسلم لیگ (ن) تے اپوزیشن دے سارے بے گناہ قیدیاں توں معافی منگن۔ مریم اورنگزیب دا کہنا سی نالائق سرکار دا اپنیاں نوں بچان لئی این آر او پلس تے اپوزیشن دے بے گناہ 15مہینے توں جیلاں وچ قید نیں۔