نیب نے ہراک اُتے دہشت پا رکھی اے: سپریم کورٹ

اسلام آباد( پنجابی میڈیا گروپ) نامزد چیف جسٹس عمرعطا بندیال ہوراں آکھیا کہ نیب نے ہراک اُتے دہشت پھیلا رکھی اے ،ہر اک نوں بلا کے آکھیا جاندا اے جواب جمع کرواو۔سپریم کورٹ وچ سابق چیف سیکرٹری صاحبزادہ ریاض نور تے ہوراں افسراں دے خلاف تحقیقات کالعدم کرن دے فیصلے دے خلاف نیب اپیل اُتے سماعت نامزد چیف جسٹس جسٹس عمر عطا بندیال دی سربراہی وچ 3 رکنی بینچ نے کیتی ۔ سپریم کورٹ نے وضاحت منگدیاں آکھیا کہ نیب دسے کہ کس اختیار دے تحت انکوائری دوبارہ شروع کیی ؟ سپیشل پراسیکوٹر نیب ناصر مغل ہوراں آکھیا کہ ملزم زاہد عارف نے پلی بارگین دے ذریعے 17 ملین جمع کروائے، چیف سیکرٹری صاحبزادہ ریاض نور نے پلی بارگین دے باوجود ملزم نوں ملازمت اُتے بحال کردتا۔جسٹس منصور علی شاہ ہوراں آکھیا کہ ملزم دی پلی بارگین کرن توں بعد نیب دا کیہ اختیار بن دا اے ؟ ڈپارٹمنٹ نے صحیح کیتا یا غلط کیتا نیب نے دوبارہ انکوائری کس قنون دے تحت شروع کیتی؟ نیب نے قنون دے اندر تے اپنے دائرہ اختیار وچ ہی رہنا اے ۔جسٹس عمر عطا بندیال ہوراں آکھیا کہ نیب نے ہر اک اُتے دہشت پھیلا رکھی اے ، کیا نیب نے ایس کیس وچ سیکرٹری اسٹیبلشمنٹ نوں وی شامل کرلیا اے؟ نیب ولوں ہر اک نوں بلا کے آکھیا جاندا اے کہ جواب جمع کرواو۔ کیس دی ہور سماعت غیر معینہ مدت لئی ملتوی کر دتی گئی اے۔