خط وچ رتی بھر وی غیر ملکی سازش ثابت ہوئی تے استعفی دے دیا ں گا،وزیراعظم شہباز شریف

اسلام آباد(پنجابی میڈیا گروپ)نومنتخب وزیراعظم محمد شہباز شریف نے آکھیا اے کہ پارلیمان دی قومی سلامتی کمیٹی وچ خط اُتے اِن کیمرہ بریفنگ دتی جائے اگر ایس حوالے نال رتی برابر ثبوت مل جائے کہ اسیں کسی باہر دی سازش دا شکار ہوئے یا ساہنوں باہروں وسائل نال مدد ملی تے اک سیکنڈ وچ وزارت عظمیٰ توں استعفیٰ دے کے گھر چلا جاواں گا،اگر پاکستان دی معیشت نوں پروان چڑھانا اے،جمہوریت تے ترقی نوںآگے ودھانا اے تے ڈیڈ لاک نہیں ڈائیلاگ دی ضرورت اے،تقسیم نہیں، تفہیم نوں کم لینا ہوئے گا،نہ کوئی غدار سی اے نہ کوئی غدار اے،ساہنوں احترام نال قوم بننا ہوئے گا،بے نظیر انکم سپورٹ پروگرام نوں ہور وسعت دیاں گے تے اوس نوں تعلیمی وظائف نال منسلک کراں گے،دنیا دے سارے ممکاں نال پاکستان دے تعلقات بنواں گے، پیر نوں وزیراعظم پاکستان منتخب ہون توں بعد قومی اسمبلی اجلاس نال خطاب کردیاں ہویاں شہباز شریف نے آکھیاکہ میں اللہ تعالیٰ دا جنا شکر ادا کراں گھٹ اے۔اوہناں نے آکھیاکہ پاکستان دی عوام دیاں دعاواں نال وزیر اعظم منتخب ہویا،ایہ پاکستان دی تریخ وچ پہلا موقع اے کہ تحریک عدم اعتماد کامیاب ہوئی،حق نوں فتح حاصل ہوئی،باطل نوں شکست ہوئی،اللہ تعالیٰ نے پاکستان نوں قوم دیاں دعاواں نال بچا لیا۔اوہناںنے آکھیاکہ ایہ تریخ وچ پہلی وار ہویا کہ دھاندلی دی پیداوار وزیر اعظم نوں آئینی تے قنونی طریقے نال گھر گھلیاگیا۔نو منتخب وزیراعظم نے آکھیاکہ اک ہفتے توں ڈرامہ چل رہیا اے کہ کوئی خط آیا اے،کیتھوں آیا اے،میں نے نہ اوہ خط ویکھا نہ مینوں اوہ خط کسی نے وکھایا،میں سمجھدا ہاں کہ دودھ دادودھ تے پانی دا پانی ہونا چاہیدا اے۔وزیر اعظم شہباز شریف نے آکھیا کہ میں آکھیاہاں کہ ایس خط اُتے پارلیمان دی سیکیورٹی کمیٹی میں اِن کیمرہ بریفنگ دتی جائے۔اوہناںنے آکھیا کہ ایس خط اُتے پارلیمان دی سیکیورٹی کمیٹی دی ان کیمرہ بریفنگ وچ مسلح افواج دے سربراہان، خط لکھن والے سفیر تے اراکان پارلیمنٹ موجود ہون۔اوہناں نے آکھیاکہ اگر خط دے معاملے وچ ذرہ برابر وی سچائی ثابت ہوئی تے میں وزارت عظمیٰ توں استعفیٰ دے کے گھر چلا جاؤاں گا۔وزیراعظم شہباز شریف نے مراسلہ قومی اسمبلی وچ پیش کرن دا اعلان کردیاں ہویاں آکھیا کہ قوم جاننا چاہندی اے کہ ایس خط وچ کیہ اے۔اوہناں نے آکھیا کہ اگر پاکستان دی معیشت نوں پروان چڑھانا اے،جمہوریت تے ترقی نوں اگے ودھانا اے تے ڈیڈ لاک نہیں ڈائیلاگ دی ضرورت اے، تقسیم نہیں، تفہیم نال کم لینا ہوئے گا، نہ کوئی غدار سی اے نہ کوئی غدار اے، ساہنوں احترام دے نال قوم بننا ہوئے گا۔