مریم جمیلہ… یہودی توں مسلمان ہون والی آئرن لیڈی

تاریخ ولادت 23مئی1934نیویارک، تاریخ وفات31اکتوبر2012 ،شہریت:ریاست ہائے متحدہ امریکہ، مادر علمی:جامعہ نیویارک،پیشہ،مصنفہ
مریم جمیلہ منی پرمنی مصنفہ’ صحافی’ شاعرہ تے مضمون نگار سن جہڑی23مئی 1934 نوں نیویارک دے اک سکیولر یہودی خاندان وچ پیدا ہوئی تے مغرب وچ اسلام دی حمایت وچ اک توانا آواز سن جہناں نے مغرب اتے وی لکھیا’ جنوبی افریقہ دے شہر ڈربن توں شائع ہون والے مسلم ڈائجسٹ لئی تحریراںلکھن مگروں اوہناں نے 24مئی 1961 نوں اسلام قبول کر لیا۔ جمیلہ اسلام دے حوالے نال دو درجن توں ودھ کتاباں دی مصنفہ سن۔ اوہ پاکستان دے سید ابوالاعلی مودودی دی تعلیمات توں بے حد متاثر سن۔ اسلام قبول کرن مگروں اوہناں نے پاکستان وچ سکونت اختیار کیتی۔
اوہناں دے اسلام قبول کرن دی وجہ مسلم
ڈائجسٹ وچ سید مودودی دا چھپن والا مضمون حیات بعدالموت سی جہدے مگروں اوہناں نے 5دسمبر 1960 نوں سید ابوالاعلی مودودی تے جمیلہ دے درمیان وچ خط کتابت دا ایہہ سلسلہ 1962 تک جاری رہیا۔ دونواں دے خط مگروں مولانا مودودی تے مریم جمیلہ دی خط کتابت نامی اک کتاب دے ذریعے شائع کیتے گئے۔ 1962 وچ اوہ لہور پہنچی جتھے اوہناں نے مودودی تے اوہناں دے اہلخانہ نال ملاقات کیتی۔ مگروں اوہناں نے پاکستان وچ محمد یوسف خان (جماعت اسلامی نال وابستہ) نال ویاہ کر لیتا تے لہور وچ رہائش اختیار کیتی۔ محمد یوسف توں اوہناں دے پنج بال ہوئے۔ اوہ محمد پکتھال دے ترجمہ قرآن تے محمد اسد دی یہودیت چھڈ کے اسلام قبول کرن توں بہت متاثر سن۔
جمیلہ دی پیدائش نیویارک دے شہر بیٹن وچ جرمن وچ یہودی نسل نال تعلق رکھن والے والدین دے گھر ہوئی تے اوہدا پیدائشی نام مارگریٹ مارکس سی۔ جمیلہ اپنے آسے پاسے توں نفسیاتی تے معاشرتی طور تے بیمار پے جاندی سی۔ اوہدی والدہ نے اوہنوں غیر معمولی طور تے روشن مگر نال ای بہت حساس متلاشی تے گھبرا جان والی کڑی وی قرار دتا۔ سکول وچ اوہ ایشیائی تے خاص طور تے عرب ثقافت تے تریخ ول راغب ہوئیاں تے اپنے آس پاس دے لوکاں وچ اسرائیل دی حمایت دے مقابلہ وچ عام طور تے اوہ عرباں تے فلسطینیاں دی حالت زار نال ہمدردی دا مظاہرہ کردیاں سن۔ اک ہور رائے دے مطابق جمیلہ دی دلچسپی ہولوکاسٹ دی تصویراں توں فلسطینی مصائب’ فیر اک صیہونی نوجواناں دے گروہ تے بالآخر ٹھیٹھ اسلام ول منتقل ہو گئی۔ اوہ ہائی سکول مگروں روچسٹر یونیورسٹی وچ داخل ہو گئیاں لیکن نفسیاتی مسئلیاں دی وجہ نال کلاساں شروع ہون توں پہلاں ای اوہناں نوں دستبردار ہونا پیا۔ 1953 وچ جمیلہ نے نیویارک یونیورسٹی وچ داخلہ لیتا تے اوتھے اصلاحی یہودیت’ روایتی یہودیت’ اخلاقی ثقافت تے بہائی مذہب دی کھوج کیتی لیکن اوہناں نوں غیر اطمینان بخش پایا۔ خاص طور تے صیہونیت دی حمایت وچ 1953 دے موسم گرما وچ جمیلہ نوں اک واری فیر اعصابی بیماری دا سامنا کرنا پیا تے اوہ مایوسی تے تھکن دا شکار ہو گئیاں۔ ایسے دوران اوہ اسلام دے مطالعے تے قرآن دی تعلیم ول واپس آئیاں۔ اوہناں نے محمدا سد دے یہودی مذہب توں اسلام قبول کرن دے سفر نوں بیان کیتا۔نیویارک وچ جمیلہ نے یہودیت دے اسلام اتے اثروسوخ بارے اک کورس لیتا جہدی تعلیم عربی عالم ابراہیم نے دتی۔ جہنے حیران کن طور تے جمیلہ دی دلچسپی اسلام وچ ودھا دتی۔ جمیلہ دی صحت خراب ہون دی وجہ نال اوہ 1956 وچ گریجویشن توں پہلاں ای یونیورسٹی توں سبکدوش ہو گئیاں۔ 1957 توں 1959 تک اوہ شیزوفرینی دے علاج لئی ہسپتال وچ داخل رہیاں۔
جمیلہ نے اپنے پہلے ناول احمد خلیل بارہ سال دی عمر وچ فلسطینی پناہ گزین تے اوہدے کنبے دی کہانی نوں پنسل خاکیاں تے رنگین نقش و نگار نال مزین کیتا۔ا وہناں نے نیویارک دے آرٹ سٹوڈنٹس لیگ وچ 1952 دے موسم خزاں وچ ڈرائنگ دی تعلیم وی حاصل کیتی۔ بہائی سنٹر دے کارواں آف ایسٹ تے ویسٹ آرٹ گیلری وچ اپنے کم دی نمائش وی کیتی۔
پاکستان ہجرت مگروں جدوں اوہناں نوں پتہ چلیا کہ مودودی دے نزدیک ایہہ آرٹ غیر اسلامی اے تے لکھن دے حق وچ اوہنوں ترک کر دتا۔ اوہناں دی تحریراں نوں متعدد آڈیو تے ویڈیو ٹیپاں دی مدد نال ہور اجاگر کیتا گیا۔ جمیلہ دی کتاباں تے مضموناں دا اردو’ فارسی’ ترکی’ بنگالی تے انڈونیشی سنے بہت ساری زباناں وچ ترجمہ کیتا گیا اے۔ جمیلہ دی زندگی سوانح نگار ڈیبورا بیکر دی اک کتاب دا موضوع وی اے۔
مریم جمیلہ بدھ والے دیہاڑ 31اکتوبر 2012 نوں لہور وچ انتقال کر گئیاں۔ مریم جمیلہ نے انگریزی زبان وچ درجناں کتاباں تصنیف کیتیاں۔