دل تے پتھر تے مہنگائی

اس نے بس اتنا کہا میں نے سوچا کچھ نہیں
میں وہیں پتھرا گیا میں نے سوچا کچھ نہیں
کیا ہے وہ کیسا ہے وہ مجھ کو اس سے کیا غرض
وہ مجھے اچھا لگا میں نے سوچا کچھ نہیں
اور پھر میں بھی تو انسان تھا ایک خامی رہ گئی
میں نے جس کو دل دیا میں نے سوچا کچھ نہیں
مینوں ایہ سب کجھ شہبازشریف دی تقریر سن کے یاد آیا کہ موصوف فرماندے نیں کہ اوہناں پٹرولیم مصنوعات وچ جہڑا وادھا کیتا اے اوہ دل تے پتھر رکھ کے کیتا اے۔ بس ایویں ای ذہن وچ اپنا دوست پرویزمہدی یاد آیا کہ جدوں اوہنے رانی نذیر دے گھر اپنی گائی ہوئی غزل تے پرفارم کیتا تے اوہنے کہیا کہ دیکھومیں پتھرانے نوں کیویں بیان کیتا اے۔ میں اوتھے پتھرا گیا۔ ظاہر اے لفظاں وچ اوہنے پتھر بنا دتا ایہو تے فن اے کہ الفاظ دی تصویر بنانا تے اوہ وی گائیکی وچ۔ موضوع تے آن توں پہلاں اک ہور دلچسپ یاد تہاڈے نال شیئر کردا جاواں کہ یونیورسٹی دے دیہاڑیاں وچ اپنے دادا حضور حبیب اللہ شاہ جہڑے بڑے پائے دے شاعر سن نوں اپنی اک نظم سنائی اوہدے وچ سی کہ مجھ کو ایسا کیوں لگتا ہے جیسے میں بس بوجھل ہو کر خود اک پتھر ہو جائوں گا فوراً اوہناں ویہہ روپیے کڈھے تے کہیا ایہ ایس گل دی داد کہ تسیں پتھر بنن دا پراسس بیان کر دتا کہ پتھر کیویں بن دا اے۔ 1985ء وچ ویہہ روپیے بہت سن پر خوشی انعام دی بے انتہا’ چلو مینوں پتھر تے محترمہ ثمینہ راجہ دا شعر یاد آ گیا:
سخت مشکل تھا تجھے ہاتھ سے جانے دینا
دیکھ اس دل پہ رکھا ہم نے بھی کیسا پتھر
ہن ایہ پتھر شہبازشریف نے دل تے رکھیا اے میرا خیال اے دوجے حکمران وی ایسے طرح وضاحت کردے آئے نیں کہ مشکل یاں نامقبول فیصلے کوئی خوشی نال نہیں کردا۔ مسئلہ تے ایہ وے کہ ایہدے نال تسیں غریباں دی دلجوئی کرنا چاہندے او پر اوہ تے پہلے ای نیم مردہ ہو چکے نیں۔ ایہناں فیصلیاں نوں بھگتنا تے عوام نے ای اے تڑپنا تے غریباں نے اے’ اوہ تے اجہے فیصلے نوں سنگدلی ای کہو گے’ اک پتھر اوہناں نوں وی تے جا لگا اے۔ غالب یادآئے:
میں نے مجنوں پہ لڑکپن میںاسد
سنگ اٹھایا تھا کہ سر یاد آیا
اک ہور تردا تردا مصرع کیہ موقعے تے یاد آ گیا:
ہم پتھروں کے دل میں خدا ڈھونڈتے رہے
ہائے ہائے رام ریاض دا شعر وی تے کمال اے:
ایک پتھر کی طرح میں نے تیرا سوگ منایا
دامن نہ کیا چاک کبھی بال نہ کھولے
بہرحال تقریر وچ کوئی نویں چیز نہیں سی سنیاں سنائیاں گلاں اوہو رونا کہ پٹرول دیاں قیمتاں نوں ودھانا بہوں ضروری سی کہ عمران خان دے معاہدے سن جے ایہ نہ کردے تے دیوالیہ ہو جاندے۔ شہبازشریف بڑی امیداں دلا رہے سن تے ہن مصطفی زیدی دے شعر دے مصداق کہندے نظر آندے نیں:
انہی پتھروں پہ چل کے اگر آ سکو تو آئو
میرے گھر کے راستے میں کوئی کہکشاں نہیں ہے
ہن دسو اسیں کیہ کہیے ایہ وی کہہ دینے آں کہ ایہدے توں بہتر اے چپ رہوو اسیں اک پتھر نال بولنا کیوں’ پتھر توں دوجے پاسے دھیان جاندا اے تے خان صاحب ذہن وچ آندے نیں کہ اوہ اک واری فیر اٹ دا جواب پتھر نال دین آ رہے نیں۔ اللہ ساڈے ملک تے رحم کرے اوہناں دا کہنا اے کہ حکمران پتھر صفت سن تے اوہناں نے پولیس نوں بری طرح استعمال کیتا جہدی اوہناں نوں توقع نہیں سی۔ تسیں رانا ثناء اللہ توں کیہ توقع رکھدے او۔ محسوس انج ہو رہیا اے کہ خان صاحب آسانی نال کھیڈ نہیں چھڈن گے۔ شہزاداحمد نے کہیا سی:
بس میں ہو آپ کے تو بھلا دی جیئے مجھے
پتھر پہ ہوں لکیر مٹا دی جیئے مجھے
شہبازشریف نے 28ارب روپیے دے ریلیف پیکیج دا اعلان کیتا اے ایہ ہٹھ دے منہ وچ زیرے وانگوں اے دوجا ایہ کوئی حل نہیں مہنگائی دا دیکھو میثاق معیشت لئی حکومت کیہ کردی اے اک گل عمران خان دی چنگی لگی کہ بقول اوہناں دے جے اوہ دھرنا دیندے تے خون خرابا ہوندا اوہناں نوں سوچنا چاہیدا اے کہ جدوں اوہ تیاری دے نال آن گے تے اوہ تیاری کس قسم دی ہووے گی۔ ظاہر اے اوہو رانا ثناء اللہ تے اوہو پولیس’ باقی محکمے تے نیوٹرل نیں۔ اجے میں کائرہ صاحب دی گل سن رہیا سی مینوں اوہدے وچ کافی وزن نظر آیا کہ جے خان صاحب واقعی الیکشن تے اڑدے تے اوہناں نوں سب توں پہلاں پختونخوا دیاں اسمبلیاں ختم کرنیاں چاہیدیاں سن تے پن جاب اسمبلی توں وی استعفے دین۔ اوہ فرما رہے سن کہ خان صاحب دے مقصد کجھ ہور نیں اوہ مکالمہ تے کر سکدے نیں پر الیکشن دی تریخ نہیں دتی جا سکدی۔ حکومت تے اک نویں چال چلن دے چکر وچ اے کہ کجھ ممبران قومی اسمبلی دے استعفے منظور کر لین خاص طور تے جو فرنٹ تے نیں یقینا عمران خان نوں وی تے پتہ ہووے گا کہ بندوبست ہو رہے نیں۔ ویسے ہن وی کجھ نہیں وگڑیا کہ پارلیمنٹ وچ رہ کے حکومت دا مقابلہ کیتا جاوے پر شاید ایہ خان صاحب دے مزاج دے خلاف اے ۔ شہبازشریف ن ے بڑے گج وج کے اقبال دے شعر پڑھے نیں تے مینوں پتہ نہیں کہ ایہدی صحیح تفہیم وی کوئی کر سکے شعر تسیں ضرور پڑھ لوو:
تمنا آبرو کی ہے اگر گلزار ہستی میں
تو کانٹوں میں الجھ کر زندگی کرنے کی خو کر لے
تسیں ایہدے تے سر جھون دے رہو مینوں تے اک ہور شعر وی یاد آ گیا
صنوبر باغ میں آزاد بھی ہے پابہ گل بھی ہے
انہی پابندیوں میں حاصل آزادی گو تو کر لے
کیہ خیال اے اصل حقیقت ایہو اے تسیں انج وی جکڑے ہوئے او بس اپنی حد تک تسیں ٹھیک ہو جائو اپنے مفادات چھڈو تے قوم لئی کجھ قربانی دیو۔ اپنا سب کجھ پاکستان دے نال جوڑو لوکاں وچ آئو ایس مٹی دے نال جڑو بس گل تھوڑی جہی تلخ اے۔٭٭