بلوچی لوک کہانڑیاں ……انصاف

حضرت موسیٰ علیہ السلام کیتے جا رہئے سن اک کھووے دے لاگے پہنچے اُونہاں نیں اُوتھے وضو کیتا ہور نیت کیتی کہ نماز پڑھن گے
اُونہاں نیں ویکھیا کہ اک گھوڑا سوار آیا گھوڑے تو اُتریا ،گھوڑے نوں لاگے ای بندھیا، ہتھیار رکھے، اک تھیلے چہ اک ہزار روپے سن او وِی گھوڑے توں لا کے تھلے رکھے،اپنی کپڑے لائیے غسل کیتا کپڑے پائے ،ہتھیار بندھے ،گھوڑے تے بیٹھے ہور چلے گئے اُونہاں دا پیسیاں والا تھیلا اُوتھے ای رہ گئیا ۔
اُوھدے بعد اک نوجوان ترخھان آیااُونہے زمین تے تھیلا پیئا ہویا ویکھیا او چکیا ہور ٹر گئیا ،اُوس توںبعد اک بڈھا آدمی آیا ہور نہان توں بعد کپڑے پا رہیا سی کہ اُوہی گھوڑا سوار واپس آ گئیا اُونہوں اپنی رقم والا تھیلا یاد آ گئیا سی اُوہنے بڈھے نوں پوچھیا ،میرا تھیلا ایتھے پیئا رہ گئیا سی توں ویکھیا ہوئوے گا او مینوں واپس کر دے۔
بڈھے نیں جواب دیتا کہ میں کجھ وِی نیں ویکھیا۔
گھوڑا سوار نیں کہیا میری رقم توں لے گئیا اے ہور کوئیی ایتھے آیا وِی نیں میں تینوں نیں چھڈا گا میری رقم والا تھیلا کھڈ۔
بڈھے نیں جواب دیتا میں ایتھے کجھ وِی نیں ویکھیا ۔
گھوڑے سوار نیں تلوار کھڈ لئیی ہور بڈھے دِی گردن تے زور نال ایکو وار کیتا کہ بڈھے دا سر تن توں علحیدہ ہوگئیا ایس طراں گھوڑا سوار نیں بڈھے نوں مار دیتا ہور گھوڑے تے بیھ کے چلا گئیا۔
اللہ دے پیارے نبی حضرت موسیٰ علیہ السلام اے سب اپنی اَکھیاں نال ویکھ رہئے سن او اللہ پاک دی بارگاہ چہ حاضر ہوئوے تے اللہ پاک نوں اے سارا واقعہ سنایا۔
اللہ پاک جل شانہ ھو نیں فرمایا ! جیس ترخھان نیں رقم دا تھیلا چکیا سی اُوس دے دادے نیں ایس گھوڑے سوار دے دادے دا مکان بنایا سی
ہور اُھدی مزدوری جیڑی اک ہزار روپے بندی سی او گھوڑے سوار دے دادے نیں نیں دیتی سی،ہن او اے رقم جیڑا اُوھدا حق سی اُونہوں مل گئیی اے۔
جیڑے بڈھے نوں گھوڑے سوار نیں قتل کیتا اے اے اُوسے بڈھے دے دادے نیں گھوڑے سوار دے پئیو نوں قتل کیتا سی، ہن اُوسی بڈھے دے خون دا بدلہ سی، اے اویہو خون دا بدلہ اے جیڑا ایس توں لیا گئیا اے۔دوناں داانصاف ایہی ہویا اے۔