عمران خان جنرل باجوہ دی لائف انشورنس اے

پاکستان دی سیاسی تریخ وچ فوج دی مداخلت اوہدی پیدائش دے نال ای شروع ہو گئی سی۔ پاکستان وچ تقریباً ادھا ویلا جمہوری مارشل لا تے ادھا ویلا فوجی مارشل لا دی زد وچ گزریا اے تے گزر رہیا اے۔ پاکستان وچ کدی وی جمہوری دور تے یا فیر جمہوریت دا دور نہیں رہیا بلکہ جمہوریت دے لبادے وچ تہانوں فوجی ڈکٹیٹر ای نظر آن گے۔ ذوالفقار علی بھٹو’ جنرل یحییٰ خان لے کے آئے تے مگروں شیخ مجیب الرحمان تے اوہناں دے اہلخانہ نوں قتل کیتا گیا تے 16 دسمبر نوں جنرل یحییٰ خان دا مارشل لا مشرقی پاکستان دے ٹٹن دا کارن بنیا۔ مگروں امریکن ایما اتے ذوالفقار علی بھٹو نوں پھانسی اتے لٹکا دتا گیا۔ لٹکان والا ضیاء الحق آمر سی۔ ایس طرح جنرل پرویز مشرف دے فوجی مارشل لا وچ پاکستان پیپلز پارٹی دی چیئر پرسن محترمہ بے نظیر بھٹو نوں شہید کر دتا گیا جد کہ جنرل ضیاء الحق دے مارشل لا وچ اوہناں دے والد ذوالفقار علی بھٹو دا جوڈیشل مرڈر کیتا گیا بلکہ پاکستان مسلم لیگ ن دے لیڈر نواز شریف دا تختہ وی الٹا گیا۔ اوہناں نوں گرفتار کیتا گیا۔ مگروں اوہناں نوں دس سال لئی جلاوطن کر دتا گیا تے اک این آر او دے تحت بالآخر آصف علی زرداری’ میاں نواز شریف دے نال ڈیل کیتی گئی تے دونویں جماعتاں دے کھرباں روپیاں دے فراڈ تے کرپشن کیساں نوں ختم کردتا گیا تے پاکستان دا اقتدار اوہناں نوں واپس کر دتا گیا۔ جنرل پرویزمشرف بدستور صدر دے عہدے اتے فائز رہے لیکن آصف علی زرداری تے میاں نواز شریف تے دوجی سیاسی جماعتاں دی مشاورت مگروں جنرل مشرف نوں مجبور کردتا گیا کہ اوہ اقتدار توں وکھ ہو جان تے بالآخر جنرل پرویز مشرف نوں پاکستان دی صدارت توں الگ ہونا پیا۔
پاکستان دا مستقبل ہمیشہ توں فوجی آمراں دے ہتھاں وچ رہیا تے ایہدا پاکستان نوں لامتناہی نقصان چکنا پیا۔ پاکستان وچ سیاسی جماعتاں دے اندر وی غیر جمہوری رویہ رہیا تے پاکستان وچ قومی تے صوبائی اسمبلیاں وچ جانا گویا اک بہت وڈا بزنس دی شکل اختیار کر گیا۔
پاکستان دی جمہوریت دا چہرہ ایس قدر مسخ کیتا گیا کہ بس ”کروڑوں لگائو اور کرپشن سے اربوں کمائو” پاکستان وچ موجود مافیاز خواہ اوہ قبضہ مافیا ہووے’ ڈرگ مافیا’ ذخیرہ اندوز’ چینی چور مافیا’ آٹا چور مافیا’ قاتل مافیا’ انڈر کور مافیا الغرض پاکستان دے سارے مافیاز بشمول میڈیا سارے دے سارے پاکستان دی دو پارٹی سیاسی جماعتاں دے شیلٹر تھلے اکٹھے ہو گئے تے ویلے دے آمراں دے نال رل کے ایہہ مافیاز پاکستان دے کروڑاں انساناں اتے حکومت کردے رہے تے انج پاکستان ہر آن والے دن دے نال ڈبدا چلا گیا۔ کرپشن عام ہو گئی۔ انصاف وکن لگیا۔ میڈیا پاکستان دے حقیقی حالات وکھان دی بجائے مافیاز تے فوجی آمراں دے نال کھڑا ہو گیا۔ بھک تنگدستی نے گویا ڈیرے جما لئے۔ چائنہ ساڈے مگروں آزاد ہویا تے کتھے پہنچ گیا۔ پاکستان وچ جمہوریت دا نام ہی زندہ اے وگرنہ فیصلے بند کمریاں وچ ہوندے نیں تے پارلیمنٹ تے جی ایچ کیو وچ بالکل کجھ فرق ای نہیں بچیا۔ آواز اتے پابندی دا ایہہ عالم اے کہ بولن تے تسیں مسنگ پرسن دی لسٹ وچ چلے جاندے او۔ عدلیہ اج دنیا وچ 133نمبر اتے اے۔ اشرافیہ لئی وکھرا تے غریباں لئی وکھرا قنون اے۔ پاکستان وچ موجود اک چھوٹی سیاسی جماعت تحریک انصاف اتے فوجی آمراں دی نظراں پے گئیاں تے انج پاکستان دے دھارے وچ تحریک انصاف اک وڈی پارٹی دے طور تے ابھری تے 2018دے عام انتخاباں دے نتیجے وچ اوہدی قومی حکومت قائم ہو گئی۔ باقی ساری سیاسی جماعتاں نے اوہدا الزام وی ویلے دے چیف آف سٹاف آرمی چیف جنرل قمر جاوید باجوہ اتے عائد کیتا کہ جیویں کہ اوہ اوہناں دی جماعتاں دی حکومتاں بنان تے وگاڑن وچ شریک رہے نیں بالکل واضع ایس جماعت نوں قومی دھارے وچ لیان وچ اوہناں دا پورا ہتھ اے۔ پاکستان تحریک انصاف تقریباً ساڈے تن سال پاکستان دی دوجی سیاسی جماعتاں نے سلیکٹڈ دے لفظ نال مشہور کیتا جد کہ جنرل باجوہ جے وفادار سن تے اوہ میاں نواز شریف جہناں نے مسٹر باجوہ دی تقرری کیتی سی اوہناں دا سی۔
کجھ حیرت انگیز واقعات دے باوجود جہناں وچ میاں نواز سریف نوں بیماری دے بہانے پاکستان توں باہر بھجوانا’ موجودہ چیف الیکشن کمشنر دی تقرری لئی عمران خان نوں مجبور کرنا تے فیر تہانوں یاد ہووے گا کہ مسٹر باجوہ دی ایکسٹیشن اتے ووٹنگ لئی ن لیگ دی مین سٹریم نوں لندن بلایا تے قرآن پاک اتے حلف لیتا کہ گل باہر نہیں کڈو گے تے فیصلہ کر دتاکہ باجوہ نوں ای ووٹ دینا ہووے گا جد کہ دوجے پاسے فوج دے اک سینئر افسر نے عمران خان نوں ایس گل اتے قائل کرن دی کوشش کیتی کہ مسٹر باجوہ نواز شریف دے انتہائی وفادار تے قریبی نیں۔ اوہناں دی ایکسٹینشن تہانوں لے ڈبے گی لیکن عمران خان نے ایہدے اتے اختلاف کیتا تے مسٹر باجوہ تن سال لئی ہور مقرر ہو گئے۔ مسٹر باجوہ تے دوجے طاقتور مقتدر حلقیاں نوں نال رلا کے پاکستان دی سیاسی تنظیماں نوں اکٹھا کیتا تے بلاشبہ امریکن دا اک اہم رول تے ڈالراں دا اہم کردار سی۔ ایس طرح پاکستان بلکہ دنیا دی تریخ وچ پہلی واری جنرل باجوہ نے پاکستان وچ رجیم تبدیل کر کے پاکستان نوں تقریباً سارے مجرماں’ قیدیاں تے ضمانت اتے رہا افراد دے سپرد کرتا ایس طرح اک مضبوط پاکستان دی سب توں سیاسی پارٹی نوںباہر کر دتا گیا جہدے توں پاکستان دے کروڑاں عوام ورطہ حیرت وچ پے گئے تے ایہدے توں پاکستان سائوتھ ایشیا’ چین’ افغانستان سارے خطے نوں خطرے وچ پا دتا گیا۔ الغرض پچھلے دو مہینیاں توں ایہناں قیدیاں نے جس طرح قنون دی دھجیاں بکھیریاں خود ای ملزم تے خود ای مدعی بن کے نیب دے اک مضبوط ادارے دے دند کڈ دتے تے سارے قیدی افراد نے خود نوں فری کر دتا بلکہ میاں نواز شریف’ اوہناں دی اولاد’ اسحاق ڈار تے دوجے سارے قیدی بھگوڑیاں نوں آزاد کر دتا۔ ایس طرح بارہ ہزار ارب ڈالراں دی رن دی لٹ وی ختم ہو گئی بلکہ آئندہ لئی کرپشن نوں لیگل کر لیتا گیا۔ ایہناں امپورٹڈ حکومت دے نال سارے مقتدر ادارے بشمول عدلیہ’ میڈیا وی ایس گناہ وچ شامل سی تے امریکن دی غلام ٹیم نوں جہرا روڈ میپ دتا گیا اے اوہدے اتے تیزی نال عمل جاری اے۔ پاکستان دی جمہوریت دا چہرہ ایس قدر مسخ کیتا گیا کہ بس ”کروڑوں لگائو اور کرپشن سے اربوں کمائو” پاکستان وچ موجود مافیاز خواہ اوہ قبضہ مافیا ہووے’ ڈرگ مافیا’ ذخیرہ اندوز’ چینی چور مافیا’ آٹا چور مافیا’ قاتل مافیا’ انڈر کور مافیا الغرض پاکستان دے سارے مافیاز بشمول میڈیا سارے دے سارے پاکستان دی دو پارٹی سیاسی جماعتاں دے شیلٹر تھلے اکٹھے ہو گئے تے ویلے دے آمراں دے نال رل کے ایہہ مافیاز پاکستان دے کروڑاں انساناں اتے حکومت کردے رہے تے انج پاکستان ہر آن والے دن دے نال ڈبدا چلا گیا۔ کرپشن عام ہو گئی۔ ہندوستان نال تجارت تے اوہناں دی غلامی پاکستان نوں ڈیفالٹ کر کے جوہری پلانٹ تک رسائی’ اسرائیل نوں تسلیم کرنا تے پاکستان دے فوجی اڈیاں اتے رسائی باقاعدہ پروگرام دا حصہ اے۔
اگر تہانوں یاد ہووے کہ امریکن نے اک نشہ جاری کیتا سی تے 2016وچ پاکستان اوس نقشے وچ نہیں سی۔ تسیں یقین کرو ایہہ اوہو امریکن سازش سی جہنوں 2022وچ عمل وچ لیایا گیا اے تے پاکستان نوں ہن عوام دے سوا کوئی ادارہ ایہدے نال نہیں کھڑا۔ اللہ ای کوئی موجزہ فرما دیوے۔بہرحال اج پاکستان چاروں پاسوں گھیر لیتا گیا اے تے اک شخص پاکستان دے 22کروڑ عوام دے نال بے بس کھڑا احتجاج کر رہیا اے تے پاکستان تے اوہدی معیشت ریت وانگوں ہتھوں پھسلدی جا رہی اے۔ انج تے بہت تجزیے ہو رہے نیں کہ عمران خان نوں قتل کردتا جاوے گا یا زہر دے کے مار دتا جاوے گا۔ چوہان صاحب نے دسیا کہ افغانستان وچ کوچی نامی تنظیم نوں سپاری دتی گئی اے کہ عمران خان نوں قتل کردتا جاوے لیکن مسٹر باجوہ کدی وی انج نہیں کرن گے کیوں جے عمران ای مسٹر باجوہ لئی سیو لائف مشن اے۔ تسیں مشرف دے این آر او مگروں ویکھو تے جناب آصف علی زرداری تے میاں نواز شریف نے کس طرح مشرف دی وردی اتروائی فیر اقتدار لیتا تے فیر منصب صدارت توں سٹیا تے فیر اوہناں اتے غداری دا مقدمہ درج کیتا گیا۔ پلان بالکل اوہناں دی پھانسی دا سی لیکن پرویز مشرف ہمیشہ لئی جلاوطن ہو گئے تے پاکستان دی زمین اوہناں اتے ہمیشہ لئی تنگ ہو گئی۔ ہاں جے عمران خان جہڑے کہ زرداری’ شہباز دے رستے دا وڈا کنڈا اے جے اوہنوں کجھ ہو گیاتے جنرل باجوہ دا مسٹر زرداری تے شہباز نہ صرف پھانسی اتے لٹکان گے بلکہ پاک فوج نوں ایسے ثناء اللہ دے تابع بنا کے ہمیشہ لئی اوہدا زہر کڈ دین گے تے ہمیشہ لئی پاکستان اتے بادشاہت جیسا نظام لیا کے صدیاںایس عوام نوںغلامی دی بھاری زنجیراں وچ جکڑ دین گے۔ گویا مسٹر باجوہ دی سانس وی عمران خان دی سانس نال جڑی اے۔ ہن دونویں پھس چکے نیں مسٹر جنرل باجوہ وی تے پاکستان۔