کس نے سینوں پہ موت باندھی تھی

تقسیم دے 75ورھیاں مگروں جدوں اک پاسے دونویں ملک اپنی آزادی دا جشن منا رہے نیں تے دوجے پاسے دونویں پاسے دے لوکاں نوں غربت’ تنگدستی’ وبا تے آفتاں نے بے بس کیتا ہویا اے۔ بارڈر دے دونویں پاسے رہن والے لوک نفرت’ دشمنی تے دوریاں ختم کرنا چاہندے نیں۔ اج اسیں اپنے پڑوسی نوں ایہہ پیغام دینا اے کہ آئو اک دوجے نوں حقیقت دے طور تسلیم کرئیے۔ نفرتاں’ عداوتاں تے شرارتاں دی بجائے چنگے گوانڈیاں وانگوں رہن دی عادت اپنان دی کوشش کرئیے۔ بارڈر اتے حالات سکون نال رکھن دی کوشش کرئیے تاں جے کثیر رقم دفاعی اخراجات اتے لان دے بجائے عوام دی حالت بہتر کرن اتے لائی جا سکے۔ اج پاک بھارت دونویں پاسے دے سیاست داناں نوں اہل مغرب کولوں سکھنا چاہیدا اے کہ کیویں اوہ لوک اپنے عوام دی بہتری دے منصوبے بنا رہے نیں۔ اپنے پڑوسی نوں دو ٹوک انداز وچ دوستی دا پیغام دینا چاہیدا اے تے نال ایہہ تنبیہ وی کرنی چاہیدی اے کہ اوہ پاک سرزمین دے خلاف منصوبے بنانا چھڈ دیوے۔ قوم دے بہادر پتر کسے قسم دی مہم جوئی نوں برداشت نہیں کرن گے۔ پاکستان ولوں دوستی دا پیغام دتا جاندا اے لیکن شدت پسند مودی سرکار مسلماناں تے پاکستان دے خلاف کوئی نہ کوئی پنگا کھڑا کردی رہندی اے۔ ایہہ عزم وی اے تے ایہہ دشمن نوں واضح پیغام وی اے کہ پوری قوم تے فوج ہن اک نیں۔ اسیں سلام پیش کرنے آں قوم دے ایہناں بہادر پتراں نوں جہڑے جنگلاں وچ’ صحراواں وچ’ پہاڑاں اتے تے برف دی وادیاں وچ اپنی جان دی پرواہ نہ کردے ہوئے وطن دی سلامتی لئی ہر دم چوکس کھلوتے نیں۔ اسیں اوہناں ماواں’ بھیناں تے دھیاں نوں وی سلام کرنے آں جہڑیاں اپنے شہیداں دی موت اتے اتھرو بہان دی بجائے ایس وطن اتے اپنے ہور وی پیارے قربان کرن نوں تیار نظر آندیاں نیں۔ ساڈے جذبے اج وی جوان نیں’ قوم اج وی اپنے بہادر جواناں دے نال اے۔ ساڈے شاعر ساڈے گلوکار تے فنکار قوم دے دِلاں دی دھڑکناں نوں گرماندے گیت اج وی پیش کر رہے نیں۔ دشمن نوں پتہ ای نہیں اے کہ ایہدے سامنے کوئی عام سپاہی نہیں نیں بلکہ ایہہ اللہ دے اوہ شیر نیں۔ اج وی پاکستانی قوم پاک فوج دے نال اے۔ ستمبر 65 نوں بھارت نے گیدڑ وانگوں رات دی تریکی وچ پاک سرزمین اتے حملہ کیتا۔ نادان دشمن دا سفنا سی کہ اوہ اچانک حملہ کر کے راتوں رات پاک فوج نوں شکست دیندے ہوئے لہور پہنچ جاوے گا۔ اینا یقین کہ اوہناں نے لہور جم خانہ وچ ناشتہ تک دا پروگرام بنایا ہویا سی لیکن ایس جنگ وچ پاک فوج نے دشمن نوں ایس طرح سبق سکھایا کہ ساری دنیا پاک فوج دی جنگی مہارت’ بہادری تے جذبہ حب الوطنی دے گیت گان لگی۔ ایس جنگ وچ قوم وچ جذبہ جہاد پیدا کرن وچ جتھے جنرل ایوب خان دی ولولہ انگیز تے جاندار تقریر سی اوتھے ایس جنگ وچ ساڈے شاعراں’ موسیقاراں تے گلوکاراں نے وی اپنے فن دا انمول مظاہرہ کیتا۔ میڈم نورجہاں دے گائے ہوئے ملی نغمے اج وی ساڈے دِلاں وچ ویسا ای جذبہ پیدا کر دیندے نیں۔ ملکہ ترنم نورجہاں دے نال نال شوکت علی دا شمار وی اوہناں خوش قسمت گلوکاراں وچ ہوندا اے جہناں نوں جنگ وچ اپنے بہادر سپاہیاں دے لہو گرمان دے کارن اج وی سارا ملک عزت نال ویکھدا اے۔65 دی پاک بھارت جنگ وچ ساڈے لکھاریاں نے اپنے قلم نال محبت وطن دا حق انج ادا کیتا سی کہ اوہ ایسے ترانے لکھ گئے جہڑے ساری قوم دے دلاں دی آواز بن گئے سن۔
کس نے سینوں پہ موت باندھی تھی پاک وطن کے لیے
اور کس نے عدد کی سازش کا رخ اسی کی طرف کو موڑا تھا
جیسے میدان کربلا میں عتیق پانیوں کا غرور توڑا تھا
کس نے دشمن کے ساڑھے چھ سو ٹینک
دیکھتے دیکھتے مٹائے تھے’ کون سی مائوں کے وہ جائے تھے
ارض پاک وطن پہ جنہوں نے خون کے وہ دئیے جلائے تھے
دور تلک جن کی روشنی میں کبھی منزلوں کے سراغ پائے تھے
چھ ستمبر کو پھر تکبر کے کس طرح سومنات ڈھائے تھے
ہم نے یہ بھی تو یاد رکھنا ہے کہ اکہتر کے معرکے میں ہمیں
آس امید کی جھلک دے کے بیچ راہوں میں کس نے چھوڑا تھا
اب تو یہ احتساب کرنا ہے اور یہ سوچنا ضروری ہے
کون تقسیم کر رہا تھا ہمیں اور پھر کس نے ہم کو جوڑا تھا
اب ہمیں اپنے ملک کی خاطر امن او رپیار سے ہی رہنا ہے
کہ امن اور پیار ہی صاحب! کامیابی کا ایک گہنا ہے
کیونکہ ہم ایک قوم ہیں اور ہم ایک ہیں نیک ہیں وطن کے لیے
اے وطن تیری سرحدوں کی قسم تجھ سے بڑھ کے کوئی عزیز نہیں
یہ مری کائنات کیا شے ہے یہ مری جاں بھی تو کوئی چیز نہیں