90 دناں وچ الیکشن نہ ہوئے تے آئین دی خلاف ورزی ہوئے گی،سپریم کورٹ

اسلام آباد(پنجابی میڈیا)سپریم کورٹ دے جسٹس اعجازالاحسن نے سی سی پی او لہور تبادلہ کیس دی سماعت وچ الیکشن دے تناظر وچ ریمارکس دتے کہ الیکشن کمیشن اپنے کم کے سوا باقی سارے کم کر رہیا اے تے الیکشن وچ حائل رکاوٹاں پر اُتے تفصیلی رپورٹ سدھ لئی۔جمعرات نوں جسٹس اعجازالاحسن تے جسٹس سید مظاہر علی اکبر نقوی اُتے مشتمل سپریم کورٹ دے دو رکنی بینچ نے غلام محمود ڈوگر دی درخواست اُتے سماعت کیتی۔عدالت دے سدھن اُتے سماعت دے دُوجے حصے وچ چیف الیکشن کمشنر وی سپریم کورٹ اندر پیش ہوئے۔سماعت دے شروع وچ جسٹس اعجازالاحسن نے استفسار کیتا کہ سپریم کورٹ دا حکم سی ایس دے باوجود سی سی پی او نوں تبدیل کیوں کیتا گیا؟غلام محمود ڈوگر دا تبادلہ کرن دی اینہی چھیتی کیہ سی؟پنجاب حکومت دے وکیل نے عدالت نوں دسیا کہ غلام محمود ڈوگر دا دُوجی وار تبادلہ الیکشن کمیشن آف پاکستان دی اجازت نال کیتا گیا۔عدالت نے آکھا کہ افسراں دی تبدیلی وچ الیکشن کمیشن دا کیہ کردار اے، کمیشن دا کردار الیکشن دے اعلان ہون توں بعد ہُندا اے۔ایڈیشنل ایڈووکیٹ جنرل پنجاب نے آکھیا کہ صوبے وچ نگراں حکومت آن پاروں الیکشن کمیشن توں اجازت لئی گئی۔ایڈیشنل ایڈووکیٹ جنرل نے آکھیا کہ آئین دے مطابق نگراں حکومت آن توں بعد 90 دناں وچ الیکشن ہونا نیں۔جسٹس اعجاز الاحسن نال دریافت کیتا کہ تے فیر دسو الیکشن کیتھے اے؟جسٹس مظاہر نقوی نے آکھیا کہ آدھے پنجاب نوں ٹرانسفر کردیا گیا، کیا پنجاب وچ اینج دا کوئی ضلع اے جیتھے کسی دا تبادلہ نہ ہویا ہوئے ۔جسٹس اعجاز الاحسن نے ریمارکس دتے کہ کیا الیکشن کمیشن نوں سپریم کورٹ دے حکم دا علم نہیں سی؟