غزل
خالدحسین تھتھال
ویکھ کے وگدے دریا نوں میں وچ اوہدے چا وڑیا
وحدت دے دریا دے کنڈھے ہتھ نہ میرا اڑیا
اک اک غوطے اک اک چبھی میرے طور بھوائے
ٹھلہاں اپر تارے تک کے ٹھلہاں اپر چڑھیا
اپنے آپ دے ہوون دا وی ایر جیہا اک آوے
وحدت دے وچ حرف وائو دا جس دن دا میں پڑھیا
اوہدے بارے سوچن دی وی ہمت کتھوں آوے
جس دے ناویں اپنی ہوند نوں میں بھولے چا مڑھیا
لکھ دلیلاں‘ لکھ الیلاں‘ لکھ حیلے انتائیاں
سورج اوسے پاسیوں خالدؔ روز سویرے چڑھیا
