مسائل دی وڈی وجہ ودھدی ہوئی آبادی

پچھلی حکومت نے اپوزیشن دے مہنگائی نوں لے کے ہون والے احتجاج پاروںوقتی طور تے پٹرول دی قیمت نوں ودھن توں روکی رکھیا لیکن اتحادیاں دی حکومت نے2 مہینیاں اندر ای ساری کسراں کڈ دتیاں

شازیہ بخاری

مہنگائی ایس ویلے پوری دنیا نوں پریشان کیتے ہوئے اے۔ پچھلی حکومت نے اپوزیشن دے مہنگائی نوں لے کے ہون والے احتجاج دی وجہ نال وقتی طور تے پٹرولیم مصنوعات دی قیمتاں نوں ودھن توں روکے رکھیا لیکن اتحادیاں نے حکومت بنان دے دو مہینے دے اندر ای ساری کسراں کڈ دتیاں نیں۔ عوام دی قسمت بدلن دے دعوے کرن والے خادم اعظم نے حکومت دے پہلے کجھ ہفتے ایہہ احساس دوان دی کوشش کیتی کہ اوہ اپنی دانائی تے بہتر پلاننگ نال مہنگائی نوں کنٹرول وچ رکھن دی کوشش کرن گے لیکن صرف اک مہینے دے دوران پٹرول‘ ڈیزل تے مٹی دے تیل دی قیمتاں وچ وادھے نال ہر چیز دی قیمت ودھ چکی اے۔ کوکنگ آئل دی قیمتاں وچ ایس حکومت دے آن نال یکمشمت وادھا ہویا اے کہ سفید پوش لوکاں لئی گھر دا چولہا چلانا مشکل تر ہو چکیا اے۔
اک پاسے لوکاں دی قوت خرید ختم ہو رہی اے تے دوجے پاسے حکومت ولوں کوئی تسلی کوئی امید دی کرن نظر نہیں آ رہی اے۔ میرے خیال وچ پاکستانی مسئلیاں دی اصل وجہ ملکی آبادی وچ بے تحاشا وادھا اے۔ آبادی وچ اینی تعداد وچ کدھرے کسے ملک وچ وادھا نہیں ہو رہیا اے جیویں پاکستان وچ ہویا اے۔ کدی آبادی دنیا وچ قوت و طاقت تے معاشی و سیاسی استحکام دا ذریعہ سمجھی جاندی سی لیکن اج ودھدی ہوئی آبادی نوں خوف دی علامت سمجھیا جاندا اے تے پاکستان دا شمار اوہناں ملکاں وچ ہوندا اے جتھے ہر سال آبادی وچ ریکارڈ وادھا ہو رہیا اے۔
آکھیا جاندا اے کہ یورپ وچ لوکاں نوں حکومتاں ولوں ہر طرح دی سہولت مہیا کیتی جاندی اے تے ایس اک بنیادی وجہ ایہو اے کہ اہل یورپی ملکاں نے اپنی آبادی نوں قابو وچ رکھیا ہویا اے ایسے لئی اوتھے وسائل دی تقسیم تے مسائل دا حل ساڈے توں بہت بہتر نظر آندا اے۔ ودھدی آبادی مسئلیاں نوں ودھاوے گی ایسے سوچ دے تحت 1973 توں اقوام متحدہ نے کنٹرول آبادی نوں اک عالمی پالیسی بنایاہویااے۔ آبادی وچ تیز رفتار وادھے دی شرع چونکہ ترقی پذیر ملکاں وچ بوہتی رہی اے ایس لئی ترقی پذیر ملکاں توں آبادی کنٹرول کرن دی یقین دہانیاں لیتی جاندیاں نیں تے قرض تے ترقیاتی فنڈز لئی مختلف آبای دے اہداف نوں بطور شرط منوایا جاندا اے۔ ایس لئی اج ماہرین آکھ رہے نیں کہ ساڈے ودھدے ہوئے مسئلیاں دی وڈی وجہ آبادی دی تیز رفتار بڑھوتری اے۔ قیام پاکستان ویلے ملک دی کل آبادی ساڈے ست کروڑ دے کول دسی جاندی اے جہدے وچ مغربی پاکستان دی آبادی پونے چار کروڑ تے مشرقی پاکستان دی آبادی سوا چار کروڑ سی۔ اگلے 20ورھیاں مگروں جدوں ایہہ ملک دو ٹکڑیاں وچ تقسیم ہویا تے مشرقی پاکستان دی آبادی چھ کروڑ سٹھ لکھ تے مغربی پاکستان دی آبادی پنج کروڑ ستر لکھ تک پہنچ چکی سی یعنی دو عشریاں وچ آبادی دی شرح ڈبل ہو چکی سی۔ 1971 وچ اک آزاد ریاست دے طور تے قائم ہون والے بنگلہ د یش وچ خاندانی منصوبہ بندی دے پروگراماں اتے عمدہ انداز نال عملدرآمد کیتا گیا اے۔ بنگلہ دیش وچ اک پاسے حکومت ولوں مسلم مذہبی رہنماواں نوں خاندانی منصوبہ بندی توں متعلق کورسز کروائے گئے تے دوجے پاسے اوہناں دا میڈیا لوکاں نوں مسلسل سمجھاندا رہیا کہ مالیاتی بوجھ توں بچن تے بچیاں دی بہتر دیکھ بھال تے نگہداشت لئی خاندانی منصوبہ بندی بہت ضروری اے۔ حکومتی کوششاں دا نتیجہ اے کہ پچھلے 50سالاں وچ بنگلہ دیش وچ پیدائش دی شرح فی خاتون ست بچیاں توں گھٹ ہو کے دو اعشاریہ اک بچے تک پہنچ گئی اے۔ اج پاکستان دی آبادی بائیس کروڑ توں تجاوز کر چکی اے تے بنگلہ دیش دی آبادی سولہ سترہ کروڑ دے کول اے۔ دنیا وچ جہناں ملکاں نے وی ترقی کیتی اے اوتھے دے لوکاں نے پنج سال دی بجائے 50 سال تے سو سال نوں سامنے رکھدے ہوئے پالیسیاں بنان دی کوشش کیتی اے۔ ترقی یافتہ ملکاں وچ تعلیم‘ صحت تے ٹرانسپورٹ دے جدید نظام نوں ویکھیے تے فیر اپنی بدحالی نوں ویکھیے تے حقیقت سمجھ آجاندی اے کہ ساڈے منصوبہ سازاں کولوں بھل ہوئی اے۔ اج ساڈی حکومت ‘ طاقتور محکمیاں‘ قنون ساز اداریاں‘ سیاسی تے مذہبی جماعتاں دے نال بیٹھ کے ملکی آبادی کنٹرول کرن دا کوئی ایسا لائحہ عمل اختیار کرنا چاہیدا اے جہدے اتے ہر حال وچ عمل کیتا جاندا رہوے۔ علما کرام‘ استاد تے موٹیویشنل سپیکرزاں نوں درخواست کیتی جاوے کہ اوہ عوام نوں سمجھان دی کوشش کرن کہ زرعی زمیناں تے توانائی دی بچت لئی آبادی کنٹرول کرنا بہت ضروری اے۔ آبادی کنٹرول ہووے گی تے مہنگائی‘ بیروزگاری‘ صحت‘ لاقانونیت جئے مسائل اتے قابو پانا آسان ہووے گا۔ کدی اسیں دشمن دے بچیاں نوں پڑھان دا عہد کیتا سی چلو اج اپنے بچیاں دے بہتر مستقبل لئی آبادی وچ وادھے نوں روکن لئی موثر حکمت عملی اپنان دی کوشش کریے۔مہنگائی ایس ویلے پوری دنیا نوں پریشان کیتے ہوئے اے۔ پچھلی حکومت نے اپوزیشن دے مہنگائی نوں لے کے ہون والے احتجاج دی وجہ نال وقتی طور تے پٹرولیم مصنوعات دی قیمتاں نوں ودھن توں روکے رکھیا لیکن اتحادیاں نے حکومت بنان دے دو مہینے دے اندر ای ساری کسراں کڈ دتیاں نیں۔ عوام دی قسمت بدلن دے دعوے کرن والے خادم اعظم نے حکومت دے پہلے کجھ ہفتے ایہہ احساس دوان دی کوشش کیتی کہ اوہ اپنی دانائی تے بہتر پلاننگ نال مہنگائی نوں کنٹرول وچ رکھن دی کوشش کرن گے لیکن صرف اک مہینے دے دوران پٹرول‘ ڈیزل تے مٹی دے تیل دی قیمتاں وچ وادھے نال ہر چیز دی قیمت ودھ چکی اے۔ کوکنگ آئل دی قیمتاں وچ ایس حکومت دے آن نال یکمشمت وادھا ہویا اے کہ سفید پوش لوکاں لئی گھر دا چولہا چلانا مشکل تر ہو چکیا اے۔ اک پاسے لوکاں دی قوت خرید ختم ہو رہی اے تے دوجے پاسے حکومت ولوں کوئی تسلی کوئی امید دی کرن نظر نہیں آ رہی اے۔ میرے خیال وچ پاکستانی مسئلیاں دی اصل وجہ ملکی آبادی وچ بے تحاشا وادھا اے۔ آبادی وچ اینی تعداد وچ کدھرے کسے ملک وچ وادھا نہیں ہو رہیا اے جیویں پاکستان وچ ہویا اے۔ کدی آبادی دنیا وچ قوت و طاقت تے معاشی و سیاسی استحکام دا ذریعہ سمجھی جاندی سی لیکن اج ودھدی ہوئی آبادی نوں خوف دی علامت سمجھیا جاندا اے تے پاکستان دا شمار اوہناں ملکاں وچ ہوندا اے جتھے ہر سال آبادی وچ ریکارڈ وادھا ہو رہیا اے۔ آکھیا جاندا اے کہ یورپ وچ لوکاں نوں حکومتاں ولوں ہر طرح دی سہولت مہیا کیتی جاندی اے تے ایس اک بنیادی وجہ ایہو اے کہ اہل یورپی ملکاں نے اپنی آبادی نوں قابو وچ رکھیا ہویا اے ایسے لئی اوتھے وسائل دی تقسیم تے مسائل دا حل ساڈے توں بہت بہتر نظر آندا اے۔ ودھدی آبادی مسئلیاں نوں ودھاوے گی ایسے سوچ دے تحت 1973 توں اقوام متحدہ نے کنٹرول آبادی نوں اک عالمی پالیسی بنایاہویااے۔ آبادی وچ تیز رفتار وادھے دی شرع چونکہ ترقی پذیر ملکاں وچ بوہتی رہی اے ایس لئی ترقی پذیر ملکاں توں آبادی کنٹرول کرن دی یقین دہانیاں لیتی جاندیاں نیں تے قرض تے ترقیاتی فنڈز لئی مختلف آبای دے اہداف نوں بطور شرط منوایا جاندا اے۔ ایس لئی اج ماہرین آکھ رہے نیں کہ ساڈے ودھدے ہوئے مسئلیاں دی وڈی وجہ آبادی دی تیز رفتار بڑھوتری اے۔ قیام پاکستان ویلے ملک دی کل آبادی ساڈے ست کروڑ دے کول دسی جاندی اے جہدے وچ مغربی پاکستان دی آبادی پونے چار کروڑ تے مشرقی پاکستان دی آبادی سوا چار کروڑ سی۔ اگلے 20ورھیاں مگروں جدوں ایہہ ملک دو ٹکڑیاں وچ تقسیم ہویا تے مشرقی پاکستان دی آبادی چھ کروڑ سٹھ لکھ تے مغربی پاکستان دی آبادی پنج کروڑ ستر لکھ تک پہنچ چکی سی یعنی دو عشریاں وچ آبادی دی شرح ڈبل ہو چکی سی۔ 1971 وچ اک آزاد ریاست دے طور تے قائم ہون والے بنگلہ د یش وچ خاندانی منصوبہ بندی دے پروگراماں اتے عمدہ انداز نال عملدرآمد کیتا گیا اے۔ بنگلہ دیش وچ اک پاسے حکومت ولوں مسلم مذہبی رہنماواں نوں خاندانی منصوبہ بندی توں متعلق کورسز کروائے گئے تے دوجے پاسے اوہناں دا میڈیا لوکاں نوں مسلسل سمجھاندا رہیا کہ مالیاتی بوجھ توں بچن تے بچیاں دی بہتر دیکھ بھال تے نگہداشت لئی خاندانی منصوبہ بندی بہت ضروری اے۔ حکومتی کوششاں دا نتیجہ اے کہ پچھلے 50سالاں وچ بنگلہ دیش وچ پیدائش دی شرح فی خاتون ست بچیاں توں گھٹ ہو کے دو اعشاریہ اک بچے تک پہنچ گئی اے۔
اج پاکستان دی آبادی بائیس کروڑ توں تجاوز کر چکی اے تے بنگلہ دیش دی آبادی سولہ سترہ کروڑ دے کول اے۔ دنیا وچ جہناں ملکاں نے وی ترقی کیتی اے اوتھے دے لوکاں نے پنج سال دی بجائے 50 سال تے سو سال نوں سامنے رکھدے ہوئے پالیسیاں بنان دی کوشش کیتی اے۔ ترقی یافتہ ملکاں وچ تعلیم‘ صحت تے ٹرانسپورٹ دے جدید نظام نوں ویکھیے تے فیر اپنی بدحالی نوں ویکھیے تے حقیقت سمجھ آجاندی اے کہ ساڈے منصوبہ سازاں کولوں بھل ہوئی اے۔ اج ساڈی حکومت ‘ طاقتور محکمیاں‘ قنون ساز اداریاں‘ سیاسی تے مذہبی جماعتاں دے نال بیٹھ کے ملکی آبادی کنٹرول کرن دا کوئی ایسا لائحہ عمل اختیار کرنا چاہیدا اے جہدے اتے ہر حال وچ عمل کیتا جاندا رہوے۔ علما کرام‘ استاد تے موٹیویشنل سپیکرزاں نوں درخواست کیتی جاوے کہ اوہ عوام نوں سمجھان دی کوشش کرن کہ زرعی زمیناں تے توانائی دی بچت لئی آبادی کنٹرول کرنا بہت ضروری اے۔ آبادی کنٹرول ہووے گی تے مہنگائی‘ بیروزگاری‘ صحت‘ لاقانونیت جئے مسائل اتے قابو پانا آسان ہووے گا۔ کدی اسیں دشمن دے بچیاں نوں پڑھان دا عہد کیتا سی چلو اج اپنے بچیاں دے بہتر مستقبل لئی آبادی وچ وادھے نوں روکن لئی موثر حکمت عملی اپنان دی کوشش کریے۔