تاحیات نااہلی: ایہہ کیتھے لکھیا اے ؟اسلام وچ توبہ دا رستہ موجود اے،چیف جسٹس
اسلام آباد(پنجابی میڈیاگروپ)سپریم کورٹ وچ سیاستداناں دی تاحیات نااہلی بارے کیس دی براہ راست سماعت ہوئی، چیف جسٹس قاضی فائز عیسی دی سربراہی وچ7رکنی لارجر بنچ نے کیس دی سماعت کیتی۔لارجر بنچ وچ جسٹس منصور علی شاہ، جسٹس یحیی آفریدی، جسٹس امین الدین خان شامل نیں جدکہ جسٹس جمال مندوخیل، جسٹس محمد علی مظہر تے جسٹس مسرت ہلالی وی بنچ دا حصہ نیں۔دوران سماعت چیف جسٹس آف پاکستان نے ریمارکس د تے کہ آمراں نے صادق و امین والی شرط اپنے لئی کیوں نہیں پائی؟سماعت دے شروع اُتے اٹارنی جنرل منصور عثمان اعوان روسٹرم اُتے آ گئے۔چیف جسٹس پاکستان قاضی فائز عیسی نے سوال کیتا کہ عزیر بھنڈاری کیھتے نیں؟ ایس موقع اُتے عزیر بھنڈاری ایڈووکیٹ وی روسٹرم اُتے آ گئے۔چیف جسٹس پاکستان قاضی فائز عیسی نے آکھیا کہ اسیں3 عدالتی معاونین مقرر کیتے سن، ریما عمر نے اپنا تحریری جواب گھلیا اے۔دوران سماعت وکیل خرم رضا نے عدالتی اختیار اُتے سوال کر دیاں ہویاںآکھیا کہ ایہ اپیلاں کس قنون تحت چل رہیاں نیں؟ کیا آرٹیکل 187تحت اپیلاں اک نال سماعت لئی مقرر کیتیاںگئیاں؟جس اُتے چیف جسٹس نے آکھیا کہ آپ اپنی درخواست تک محدود رہین۔خرم رضا نے آکھیا کہ سپریم کورٹ ایہ کیس کس دائرہ اختیار اُتے سن رہی اے؟چیف جسٹس فائز عیسی نے ریمارکس دتے کہ آرٹیکل 62 ون ایف کورٹ آف لا دی گل کردا اے، آرٹیکل 99 ہائی کورٹ نوں آرٹیکل 184/3 سپریم کورٹ نوں اک اختیار دیندا اے، سوال ایہ اے کیا آرٹیکل 62 ون ایف سپریم کورٹ نوں کوئی اختیار دیندا اے؟خرم رضا نے آکھیا کہ ٹریبونل توں آن والے فیصلے خلاف کیس سپریم کورٹ اپیل دے دائرہ اختیار وچ سُن دی اے۔چیف جسٹس نے استفسار کیتا کہ کیا62ون ایف ٹریبونل نوں وی تاحیات نااہلی اختیار دیندا اے یا صرف تاحیات نااہلی دا ایہ اختیار سپریم کورٹ دے کول اے؟خرم رضا نے آکھیا کہ آرٹیکل 62 ون ایف دی ڈیکلیریشن دین دا اختیار الیکشن ٹریبونل دا اے، آرٹیکل 62 ون ایف وچ کورٹ آف لا درج اے، سپریم کورٹ نہیں۔چیف جسٹس قاضی فائز عیسی نے ریمارکس دتے کہ بہتر ہوئے گا کہ ساہنوں الیکشن ٹریبونل دے اختیاراں وَل نہ لے کر جان، آئینی عدالت تے سول کورٹ وچ فرق نوں نظر انداز نہیںکر سکدے، سپریم کورٹ تے ہائیکورٹ آئینی عدالتاں نیں جیتھے آئینی درخواستاں دائرہُندیاں نیں ، الیکشن کمیشن قنون تحت اختیار استعمال کردا اے، اگر الیکشن کمیشن تاحیات نااہل کر سکدا اے تے اختیار سپریم کورٹ دے کول وی ہوئے گا۔
