وزیر اعظم، وزیر داخلہ تے مولانا فضل الرحمان دی عبداللطیف آفریدی دے قتل دی مذمت

اسلام آباد(پنجابی میڈیا گروپ)وزیر اعظم شہباز شریف، وزیر داخلہ رانا ثنا اللہ تے جمعیت علمائے اسلام دے سربراہ مولانا فضل الرحمان نے عبدالطیف آفریدی دے قتل دی شدید مذمت کیتی اے۔وزیراعظم شہباز شریف نے اپنے مذمتی بیان وچ آکھیا اے کہ لالہ عبدالطیف آفریدی دابیہمانہ قتل بڑے دکھ دی خبر اے، خیبرپختونخوا حکومت ایہ اَت گردی کرن والیاں نوں قنون دے مطابق عبرت ناک سزا دلائے، صوبے وچ امن و امان دی وِگڑدی صورتحال انتہائی تشویشناک اے۔وزیراعظم نے ہور آکھیا کہ عبدالطیف آفریدی نے ساری عمر آئین دی سربلندی، جمہوریت، قنون دی حکمرانی تے انسانی حقوق لئی جدوجہد کیتی، اوہ اک اعلی قنون دان تے بہادر سیاسی رہنما سن، اک توانا آواز خموش ہوگئی، اوہناں دی سیاسی، قنونی تے جمہوری جدوجہد جاری رہے گی، اللہ تعالی مرحوم نوں جنت الفردوس وچ اعلی مقام عطا فرمائے تے لواحقین نوں صبر جمیل دیوئے۔