ہزارہ کمیونٹی دے لوکاں وچ فرق کیوں رکھیا جارہیا اے،سپریم کورٹ

اسلام آباد(پنجابی میڈیا)سپریم کورٹ وچ ہزارہ کمیونٹی دی ٹارگٹ کلنگ دے خلاف ازخود نوٹس کیس وچ جسٹس اطہر من اللہ نے دوران سماعت ریمارکس دتے نیں کہ ہزارہ کمیونٹی دے لوگ وی پاکستانی نیں،اوہناں وچ فرق کیوں رکھیا جارہیا اے، جس کول وی شناختی کارڈ اے اوہ پاکستانی اے،شہریت قیمتی پیدائشی حق اے جیتھے اختیاراں توں تجاوزکیتا جا رہیا اے اوس دا جائزہ لین ۔منگل نوں چیف جسٹس پاکستان دی سربراہی وچ 3رکنی بنچ نے ہزارہ کمیونٹی اُتے لئے گئے ازخود نوٹس اُتے سماعت کیتی۔ جسٹس اطہر من اللہ نے دوران سماعت استفسار کیتا کہ کیا ہزارہ کمیونٹی دے خدشات گھٹ ہوئے تے مطمئن نیں؟ایڈیشنل ایڈوکیٹ جنرل بلوچستان نے دسیا کہ ہزارہ کمیونٹی دے خدشے گھٹ ہوئے نیں تے حالات پہلاں توں بوہت بہتر نیں،وکیل ہزارہ کمیونٹی نے آکھیا کہ ٹارگٹ کلنگ تے لاء اینڈآرڈروچ بوہت بہتری آئی اے،نادراتے پاسپورٹ آفس ولوں غیر ضروری شرائط عائد کرن نال کمیونٹی پریشان اے،پاسپورٹ بنان لئی ایم این اے یاایم پی اے نال دستخط دیاں شرطاں رکھیاں جاندیاں نیں۔