درخواستاں مسترد، سپریم کورٹ پریکٹس اینڈ پروسیجر ایکٹ قنون مطابق قرار

اسلام آباد(پنجابی میڈیا گروپ)سپریم کورٹ دے فل کورٹ بینچ نے سپریم کورٹ پریکٹس اینڈ پروسیجر کیس دے خلاف ساریاں درخواستاں مسترد کردیاں ہویاں ایکٹ نوں قنون مطابق قرار دے دتا۔ مطابق چیف جسٹس آف پاکستان قاضی فائز عیسی دی سربراہی وچ فل کورٹ بینچ نے کیس دی سماعت کیتی ۔ بینچ نے فیصلہ محفوظ کرلیا جیہڑا ساڑھے 5وجے سنائے جان دا آکھیاگیا سی لیکن فیصلہ ساڑھے6 وجے سنایا گیا جیہڑا کہ چیف جسٹس نے سنایا۔سپریم کورٹ دے فل کورٹ نے پریکٹس اینڈ پروسیجر ایکٹ نوں قنون مطابق قرار دیندیاں ہویاں اوس دے خلاف دائر ساریاں درخواستاں خارج کردتیاں۔ ایہ اکثریتی فیصلہ ججاں دے 10۔5دے تناسب نال سنایا گیا جس وچ10ججاں نے حق وچ تے پنجاں نے مخالفت وچ فیصلہ دتا۔چیف جسٹس نے فیصلے وچ آکھیا کہ بینچ دے پنج ججاں نے اختلافی نوٹ دتا اے، جسٹس اعجاز الاحسن، منیب اختر، مظاہرنقوی، محمد شاہد وحید تے جسٹس عائشہ نے اختلافی نوٹ دتا اے، مختصر فیصلہ دتاجارہیا اے تفصیلی فیصلہ بعد وچ سنایا جائے گا۔فیصلے وچ سپریم کورٹ نے پریکٹس اینڈ پروسیجز ایکٹ دا اطلاق ماضی نال کرن دی شق غیر آئینی قرار دے دتی تے ایس بارے شق آٹھ ججاں دی اکثریت نے مسترد کر دتی لیکن آرٹیکل 184 ۔3دے تحت مقدمیاں دے فیصلیاں خلاف اپیل دا حق دے دتا گیا۔ عدالت نے فیصلہ دتا کہ 9،6 دی اکثریت نال قنون بنن دے بعد اپیل دا حق آئینی قرار دتا جاندا اے۔اپیل دا حق ماضی نال دین دی حمایت کرن والیاں وچ چیف جسٹس، جسٹس سردار طارق مسعود، جسٹس منصور علی شاہ، جسٹس امین الدین خان، جسٹس جمال خان مندوخیل، جسٹس اطہر من اللہ تے جسٹس مسرت ہلالی شامل سن۔ایسی طرح چیف جسٹس دے اختیار نوں ریگولیٹ کرن دے معاملے اتے10 ۔5دے تناسب نال فیصلہ کیتا گیا۔ 10ججاں نے 184/3 لئی 3 رکنی کمیٹی دے قیام نوں درست قرار دتا۔ 3 رکنی کمیٹی دی مخالفت کرن والیاں وچ جسٹس اعجاز الاحسن، جسٹس منیب اختر، جسٹس شاہد وحید، جسٹس عائشہ ملک تے جسٹس مظاہر علی نقوی شامل سن۔ جسٹس سردار طارق، جسٹس منصور علی شاہ، جسٹس جمال مندوخیل، جسٹس مسرت ہلالی، جسٹس امین الدین خان تے جسٹس اطہر من اللہ نے ایکٹ دے ماضی نال اطلاق دی شق نوں برقرار رکھیا۔سپریم کورٹ پریکٹس اینڈ پروسیجر ایکٹ اتے سماعت مکمل ہو گئی، چیف جسٹس قاضی فائز عیسی دی سربراہی وچ فل کورٹ نے کیس دی سماعت کیتی، سماعت مکمل ہون اتے سپریم کورٹ نے فیصلہ محفوظ کر لئیا۔چیف جسٹس آف پاکستان نے آکھیا کہ اتفاق رائے ہویا تے فیصلہ سنا دتاجائے گا، دوجی صورت وچ فیصلہ محفوظ سمجھیا جائے۔پریکٹس اینڈ پروسیجر ایکٹ اتے سپریم کورٹ دا فل کورٹ بینچ ہن تک 4، تے لارجر بینچ 5 سماعتاں کرچکیا اے ، لارجر بینچ نے 13 اپریل نوں پہلی سماعت وچ ہی قنون اتیحکم امتناع جاری کر دتا سی۔اج دی سماعتدا آغاز اٹارنی جنرل منصور عثمان دے دلائل توں ہویا، اٹارنی جنرل نے آکھیا کہ میں تحریری جواب دی بنیاد اتے دلائل دیاں گا، جس اتے چیف جسٹس نے آکھیا کہ تسی ایہ کہہ رہے او کہ تسی ساریاں گلاں دہراو گے نہیں ہائی لائٹ کرن گے، اٹارنی جنرل نے آکھیا کہ جو آکھیا جا چکیا ایس نوں نہیں دہراواں گا، 3سوال کیتے گئے سن جنہاں دا جواب دیاں گا۔اٹارنی جنرل نے دلائل دیندیاں ہوئے آکھیا کہ سب توں پہلے ماسٹر آف روسٹر دینکتہ اتے دلائل دیاں گا، 1956 دے رولز اتے وی عدالت وچ دلائل دیاں گا، اختیاراں دی ونڈ تے پارلیمان دے ماسٹر آف روسٹر دے اختیار لین اتے دلائل دیاں گا، فل کورٹ دی تشکیل تے اپیل دے حق توں محروم کرنباریدلائل دیاں گا۔،مصور عثمان نے آکھیا کہ جِد توں آئین بنیا اے آرٹیکل 191 وچ کوئی ترمیم نہیں ہوئی، آرٹیکل 191 وچ ترمیم نہ ہونا عدلیہ دی آزادی نوںیقینی بنانا اے، ایس اتے چیف جسٹس نے آکھیا کہ کیا تسی ایہ کہہ رہے او کہ آرٹیکل 191 وچ لا دا لفظ باقی آئینی شقاں وچ ایس لفظاں دے استعمال توں مختلف اے؟اٹارمی جنرل نے آکھیا کہ سنگین غداری دے قنون و رائٹ ٹو انفارمیشن ایکٹ وچ قنون سازی دا اختیار آئینی شقاں توں لیا گیا، اینہاں قنوناں وچ پارلیمنٹ نے فیڈرل لیجسلیٹیو لسٹ اتے انحصار نہیں کیتا سی، رائٹ ٹو پرائیویسی نوں قنون ذریعے ریگولیٹ کیتا گیا اے، آرٹیکل 191 توں پارلیمنٹ نوں قنون سازی دا اختیار ملدا اے، آئین داکوئی آرٹیکل پارلیمان توںقنون سازی دا اختیار واپس نہیں لیندا۔جسٹس منیب اختر نے آکھیا کہ پارلیمنٹ نے اگر 1973 دے بعدوں آرٹیکل 191 تحت کجھ نہیں کیتا تے اوس دا اک ہور مطلب وی سی، اوس دا مطلب ایہ وی ہو سکدا اے کہ پارلیمنٹ نے تسلیم کیتا کہآرٹیکل 191 ہور قنون سازی دی اجازت نہیں دیندا، اٹارنی جنرل نے آکھیا کہ آرٹیکل 191 قنون سازی دا اختیار دیندا اے پابندی نہیں لاندا۔جسٹس اعجاز الاحسن نے آکھیا کہ آئین وچ لفظ لا 200 توں ودھوارآیا اے، تسی کہہ رہے او کہ جیتھے وی ایہ لفظ لکھیا اوہ اک تناظر وچ ویکھیا جائے گا، ایہ ون سائز فٹ آل والا معاملہ نہیں اے، جیتھوں وی ایہ لفظ لکھیا اے اوس دی نوعیت وکھ اے ۔جسٹس میاں محمد علی مظہر نے آکھیا کہ آرٹیکل 191 وچ فیر سبجیکٹ ٹو دانسٹی ٹیوشن اینڈ لا کیوں اے؟ایہ فیر صرف سبجیکٹ ٹو کانسٹی ٹیوشن کیوں نہیں رکھیا گیا؟، جسٹس اطہر من اللہ نے آکھیا کہ اٹارنی جنرل صاحب آرٹیکل 191 وچ صرف لا دا لفظ نہیں، ایہ سبجیکٹ ٹو لا لکھیا اے۔چیف جسٹس نے آکھیا کہ ایہ کیوں نہیں کہندے کہ آئین سازاں نے پارلیمنٹ یا لا دالفظ دانستہ طور اتے استعمال کیتا اے، پارلیمان نے آئین نوں جاندار کتاب دیطور اتیبنایا اے کہ جیہرا ویلا آن اتے استعمال ہو سکے۔جسٹس اعجاز الاحسن نے آکھیا کہ آئین ساز ایہ وی کہہ سکدے سن کہ سپریم کورٹ اپنے رولز تد تک بنائے جد تک کوئی قنون سازی نہیں ہو جاندی، آئین سازاں دی نیت توں کِدھرے واضح نہیں اے کہ قنون سازی نال سپریم کورٹ رولز بدل سکدے نیں۔ایس اتے چیف جسٹس نے آکھیا کہ آئین وچ کیتھے لکھیا اے عدالتی فیصلے وی قنون ہون گے؟، عدالتی فیصلیاں دی پابندی تے اونہاں اتے عملدرآمد ضروری اے۔چیف جسٹس نے اٹارنی جنرل نوں ہدایت کیتی کہ تسی اپنی پوری بحث جیہڑی شروع کیتی اے اوہ کسی ہور نکتے اتے کیتی اے، تسی اگر اپنے دلائل مرکوز رکھدے تے اتنی بحث نہ چھڑدی، ایتھے معاملہ وی تے تھوڑا ٹھنڈا رکھنا اے، تسی اگر ہاں تے نہ وچ جواب دیو تے بہتر اے۔جسٹس یحیی آفریدی نے آکھیا کہ ایکٹ وچ پارلیمنٹ داا مسئلہ ازخود نوٹس یا آرٹیکل 184 تھری بارے طریقہ کار بنانا سی، پارلیمنٹ نے ایکٹ وچ از خود نوٹس توں نکل کے ہر طرح دے کیس لئی ججاں دی کمیٹی بنا دتی، اک دم توں ساریاں چیزاں اتے تھلے کرنا پارلیمنٹ لئی ٹھیک نہیں سی۔جسٹس یحیی آفریدی نے ریمارکس دتے کہ پارلیمنٹ دے اختیار استعمال کرن دا وی کوئی طریقہ کار ہونا چا ہیدا سی اگر غلطیاں سپریم کورٹ وچ نیں تے پارلیمنٹ دیاں وی نیں، جیہڑا مسئلہ سی پارلیمنٹ اوس نوں ٹھیک کردی۔چیف جسٹس قاضی فائز عیسی نے آکھیا کہ ساہنوںاداریاں دی عزت رکھنی چا ہیدی اے، پارلیمنٹ اک سٹیپ اگے جا سکدی سی لیکن نہیں گئی، پارلیمنٹ نوں ساڈھے اتے اعتماد سیکہ اسیںکراں گے، دنیاجیہڑی اے اوہ نال مل کے چلدی اے، پارلیمنٹ ساڈھی دشمن نہیں اے نہ اسیں پارلیمنٹ دے دشمن ہاں، اسیںمل دے چل سکدے ہاں۔جسٹس یحیی آفریدی نے آکھیا کہ من لیندے ہاں کہ پارلیمنٹ دا اختیار قنون سازی اے مگر جیہڑا ایکٹ لیائے ہاں اوس نوں ویکھن، ایس اتے چیف جسٹس نے آکھیا کہ ساہنوں ایس معاملے دا سکوپ ودھانا نہیں چا ہیدا، 1وار ساہنوں اک دوجے نوں کہہ لین دیو تسی ٹھیک کیتا اے، دنیا اگے جا رہی اے اسیں پیچھے، محولیاتی تبدیلیاں سنے بوہت ساریمسائل نیں،40 ورھیاں توں قنون نال وابستگی اے کجھ غیر آئینی ہویا اوہ اسیںویکھ لاں گے۔اٹارنی جنرل نے آکھیا کہ آئین چیف جسٹس نوں ماسٹر آف روسٹر تسلیم نہیں کردا، جساتے چیف جسٹس نے استفسار کیتا کہ ماسٹر آف روسٹر دی اصطلاح پہلی وار آئی کیتوں سی؟، انگلستان توں اسیں سکھدے ہاں کیا اوتھے استعمال ہندا اے؟ جسطرح آئین دا ماخذ میگنا کارٹا اے، ماسٹر آف روسٹر دا کیہ اے؟جسٹس منصور علی شاہ نے آکھیا کہ سکول دے زمانے وچ ماسٹر دا سنیا سی، ایس اتے چیف جسٹس نے آکھیا کہ ماسٹر تے اک ہی اے اتے والا، نوآبادیاتی نظام نال توں ماسٹر دی اصلاح لیندی اے؟، اسیں14 سو ورھیاں پہلاں ول ویکھدے ہاں۔جسٹس منیب اختر نے آکھیا کہ ایہ اصطلاح پسند آئے یا نہ آئے میں ایس شارٹ ہینڈ استعمال کردا ہاں، ایس ایکٹ مطابق وی ماسٹر آف روسٹر تے3 ججاں دی کمیٹی ہی اے نا؟ایس وچ نہ جایئے کہ کیا نوآبادیاتی اے کیا نہیں، ساڈھے سامنے جیہڑا اے اوس اتیفوکس کرن۔جسٹس منیب اختر نے آکھیا کہ 3 ججاں نوں اختیار دتا گیا ایس نوں فل کورٹ کر دین نا، کسی نوں شکایت اے پہلاں فل کورٹ نہیں ہندی سی تے ہنکر لین کس نے روکیا اے؟اسیں کہندے ہاں رولز بنانا فل کورٹ دا اختیار اے تسی ایس نوں 3 رکنی کمیٹی وچ جکڑ دتا۔سپریم کورٹ پریکٹس اینڈ پروسیجر ایکٹ دی پچھلے دناں ہون والی سماعت وچ ایم کیو ایم دے وکیل فیصل صدیقی تے وائس چیئرمین پاکستان بار دے ایکٹ دے حق وچ دلائل مکمل کیتے گئے سن۔ایم کیو ایم دے وکیل فیصل صدیقی نے ایکٹ دے خلاف درخواستاں خارج کرن دی استدعا کیتی سی۔سپریم کورٹ پریکٹس اینڈ پروسیجر ایکٹ کیہ کہندا اے؟ایکٹ تحت ازخود نوٹس، تے بینچ تشکیل دا اختیار 3 سینئر ججاں دی کمیٹی نوں دتا گیا اے، کیس سماعت لئی مقرر کرن تے درخواستاں لین دا اختیار وی کمیٹی نوں دتا گیا اے۔اوس دے علاوہ متاثرہ فریق نوں اک مہینے وچ اپیل دا حق، وکیل تبدیل کرن دی اجازت وی دتی گئی اے جدکہ ازخود نوٹس دے مقدمیاں وچماضی دے فیصلیاں اتے وی اپیل دا حق دتا گیا ۔