پلس دی عزت نہیں رہی، لگدا اے کرائے دی پلس بن گئی، چیف جسٹس

اسلام آباد( پنجابی میڈیا گروپ)چیف جسٹس قاضی فائز عیسی نے ریمارکس دتے کہ پلس دی عزت نہیں رہی، لگدا اے کہ کرائے دی پلس بن گئی۔چیف جسٹس قاضی فائز عیسی نے ریمارکس دتے لگدا اے پلس ہُن کرائے دی پلس بن گئی اے، پلس دی ہُن اپنی عزت نہیں رہی، ادارے دی عزت ہونی چاہیدی اے،پلس تے پٹواری دا شاہی سسٹم ختم ہونا چاہیدا اے۔ایڈیشنل پراسیکیوٹر نے دسیا کہ سونے دی کمیٹی نکلن اُتے ادا نہیں کیتی گئی۔ مدعی نے آکھیا کہ 10گرام کمیٹی وچ نکلن والا 70 تولہ سونا نہیں دتا گیا۔چیف جسٹس نے آکھیا کہ ڈیڑھ کروڑ مالیت سونے دا کوئی انکم ٹیکس ادا نہیں کیتا گیا، ایہ سونا کیتھوں آندا اے؟ اوس دی قنونی حیثیت کیہ اے؟ ریاست کرپشن تے اسمگلنگ کرن وچ معاونت کردی اے، ایس کیس وچ اصل ملزم تے پلس نوں بناناچاہیدااے، پلس والا سونے دا صرف اپنے مطلب لئی ہی پچھے گا، کمیٹی گرفتار ملزم نے بنائی، تفتیش اہلخانہ توں ہوئی۔سپریم کورٹ نے غیر معیاری تفتیش اُتے غصے دا اظہار کردیاں ہویاں سونے دی کمیٹی وچ گرفتار ملزم دی 2 لکھ روپے دے مچلکے دے عوض ضمانت منظور کرلئی۔