جسٹس فائز دے خلاف ریفرنس وچ بدنیتی ہوئی تے کیس خارج ہو سکدا اے: سپریم کورٹ

اسلام آباد: سپریم کورٹ نے ریمارکس دتے نیں جسٹس فائز عیسیٰ دے خلاف ریفرنس وچ بدنیتی ثابت ہوئی تے کیس خارج ہو سکدا اے۔ جسٹس عمر عطا بندیال دی سربراہی وچ سپریم کورٹ دے 10رکنی لارجر بنچ نے جسٹس قاضی فائز عیسیٰ کیس دی سنوائی کیتی۔ جسٹس عمر عطا بندیال آکھیا درخواست گزار عیسیٰ نے بدنیتی تے غیر قنونی طریقے نال شواہد اکٹھے کرن دا الزام لایا اے، ریفرنس وچ قنونی نقائص موجود نیں، عمومی مقدمیاں وچ اجہی غلطی تے کیس خارج ہو جاندا اے، جے ریفرنس وچ بدنیتی ثابت ہوئی تے کیس خارج ہو سکدا اے۔ فروغ نسیم آکھیا ایف بی آر نوں فیصلہ کرن دا اختیار دتا جائے تے ٹائم فریم کیہ ہووے گا، ایف بی آر تے معاملہ چھڈ دتا جائے تے ٹیکس اتھارٹی کوں کناں ویلا دتا جائے گا، مینوں وزیراعظم تے صدر مملکت نال مشاورت لئی ویلا دیو۔ جسٹس عمر عطاء بندیال آکھیا ایف بی آر نوں کہہ دیواں گے کہ چھٹیاں وچ معاملے تے فیصلہ کر دین، تسیں پہلاں ایف بی آڑ دے معاملے تے ہدایات وزیراعظم یا صدر توں لے لو، جے ہدایات منفی وچ آندیاں نیں تے دلائل دیو۔ جسٹس مقبول باقر آکھیا سوال ایہ اے کہ کیہ جج اہلیہ دی جائیداداں تے جواب دہ نیں۔ فروغ نسیم آکھیا ایہ سوال نہیں آرٹیکل 209بڑی سنجیدہ کاروائی اے۔ عدالت نے کیس دی سنوائی اج تک ملتوی کر دتی۔