کئی طرح دے کینسر دی شناخت کرن والا خون داحساس ترین ٹیسٹ

کیمبرج:سرطان دی شناخت کرن لئی اک نواں تے حساس ترین خون دا ٹیسٹ وضع کیتا گیا اے جنوں وچ کیمبرج یونیورسٹی دے سائنسداناں نے تیار کیتا اے ۔ایدے نال صرف سوئی چبھو کے گھر بیٹھیاں وی خون ٹیسٹ کیتا جا سکدا اے ۔
اس ٹیسٹ نال ایوی معلوم ہویا کیتا جا سکدا اے کہ کی سرطان دوبارہ سر چک سکدا اے یا فر دوبارہ حملہ آور ہو سکدا اے کہ نئیں ۔ٹیسٹ وچ مریض دے سرطانی پھوڑے دا ذاتی جینیاتی ڈیٹا وی پتا کیتا جا سکدا اے۔ اس دے نال سرطانی رسولی دے ڈی این اے دے توں نکلن تے خون وچ تیردے ہزاراں اجزاء نوں ٹیسٹ کیتا جا سکدا اے۔
ایہہ ٹیکنالوجی اینی حساس اے کہ کسے ڈی این وچ صرف اک قسم دی تبدیلی نوں وی نوٹ کر سکدی اے۔سائنسداناں دا اصرار اے کہ اس طرح کسے وی کسے وی بندے نوں دوبارہ اس کینسر دے حملے تو ں خبردار کیتا جا سکدا اے۔ایہہ تحقیق کیمبرج یونیورسٹی وچ موجود کینسر انسٹی ٹیوٹ دے نزان روزن تے ایناں دے ساتھیاں نے کیتی اے۔
ماہرین نے دسیا اے کہ ایدے نال ہر بندے لئی پرسنلائزڈ یا زاتی نوعیت دا ٹیسٹ بنایا جا سکدا اے جیدے نال ویکھیا جا سکدا اے کہ جسم وچ کینسر کس درجے دا اے یا ایدے دوبارہ آو ن دے آثار موجود ہے کہ نئیں ؟لیکن نزان نے آکھیا کہ اس ٹیکنالوجی نوں اجے شفاخانیاں تے اپڑن لئی کئی برس لگ سکے نے۔
انسانی خون وچ سرطانی ڈیاین اے دے آثار دی شنخت دا عمل مائع ،لیکوئڈ(بایوپسی اے جیدی بدولت کینسر د ے مریضاں دی بلدی تے نظر رکھی جا سکدی اے ۔لیکن اکثر ویلے خون وچ اے تبدیلی اینی معمولی ہوندی اے کہ عام ٹیسٹ ایدی شناخت وچ نا کا م رہ جاندہ اے ۔لیکن نویں ٹیسٹ نوں ایناں حساس بنایا گیا اے کہ مروجہ سارے ٹیسٹاں نالوں وی کئی گنا زیادہ حساس اے ۔